अर्थतन्त्र
छवि उपलब्ध छैन
नेपाल वायुसेवाको आम्दानी बढे पनि ऋण र खर्चले सुधार चुनौतीपूर्ण
नेपाल वायुसेवा निगमको आम्दानी पछिल्लो आर्थिक वर्षमा बढेको प्रारम्भिक विवरणले देखाए पनि ऋण, ब्याज, मर्मतसम्भार तथा सञ्चालन खर्चका कारण राष्ट्रिय ध्वजावाहकको वित्तीय सुधार अझै चुनौतीपूर्ण देखिएको छ। प्रधानमन्त्री बालेन्द्र शाहले हालै नेपाल वायुसेवा निगममा सुधारका संकेत देखिएको बताएका थिए। सामाजिक सञ्जालमार्फत उनले निगमले चार महिनामै ६ अर्ब २७ करोड रुपैयाँ आम्दानी गरेको, ८६ प्रतिशत अकुपेन्सी हासिल गरेको र ऋणको किस्ताबापत १ अर्ब ६ करोड रुपैयाँ भुक्तानी गरेको बताएका थिए।
छवि उपलब्ध छैन
नेपालमा सुनभन्दा चाँदीको आयात बढी, लगानीकर्ताको आकर्षण बढ्यो
नेपालमा परम्परागत रूपमा सुनको तुलनामा चाँदीको भूमिका सहायक रहँदै आएको छ। हिन्दू तथा बौद्ध परम्परा, शताब्दीयौँ पुरानो हिमालयपार व्यापार र भौतिक सम्पत्तिमा बचत गर्ने संस्कृतिका कारण सुन नेपाली समाजमा शुद्धता, प्रतिष्ठा र आर्थिक सुरक्षाको प्रतीकका रूपमा स्थापित छ। तर बहुमूल्य धातुलाई लगानीको माध्यमका रूपमा हेर्ने प्रवृत्तिमा पछिल्लो समय परिवर्तन देखिन थालेको छ। गत आर्थिक वर्षमा नेपालमा चाँदीको आयातमा खर्च भएको रकम पहिलोपटक सुनको आयात मूल्यभन्दा बढी भएको छ। भन्सार तथ्यांकअनुसार आर्थिक वर्ष २०८२/८३ मा चाँदीको आयात ३६६ प्रतिशतले बढेर ३२ अर्ब ७४ करोड रुपैयाँ पुगेको छ। परिमाणका आधारमा पनि आयात दोब्बरभन्दा बढी बढेर १०४.२९ टन पुगेको छ।
छवि उपलब्ध छैन
सिमरा सेजमा सात उद्योग सञ्चालनमा, ११ उद्योग निर्माणको अन्तिम चरणमा
बाराको सिमरास्थित विशेष आर्थिक क्षेत्र (सेज) मा सञ्चालित सात उद्योगले आफ्ना उत्पादन बजारमा बिक्री तथा वितरण सुरु गरेका छन् भने थप ११ उद्योग निर्माणको अन्तिम चरणमा पुगेका छन्। यससँगै सिमरा सेजमा औद्योगिक गतिविधि बढ्दै गएको छ। विशेष आर्थिक क्षेत्र प्राधिकरणका अनुसार सञ्चालनमा आएका तथा निर्माणको अन्तिम चरणमा रहेका उद्योगमा करिब ५ अर्ब रुपैयाँ लगानी भएको छ। सिमरा सेजका साइट इन्चार्ज रामसिंह मालले सेजभित्र स्थापना भएका सात उद्योगले उत्पादन सुरु गरी आफ्ना वस्तु बिक्री तथा वितरण गरिरहेको जानकारी दिए। सञ्चालनमा रहेका उद्योगमा नेपालीसँगै विदेशी लगानीकर्ताको पनि सहभागिता रहेको उनले बताए।
छवि उपलब्ध छैन
सेयर कारोबारसम्बन्धी प्रतिवेदन सार्वजनिक गरेकोमा एनसेलको आपत्ति, कानुनी उपचारमा जाने चेतावनी
एनसेलले आफ्नो सेयर कारोबारसम्बन्धी अध्ययन तथा अनुसन्धान प्रतिवेदन सरकारले सार्वजनिक गरेकोप्रति कडा आपत्ति जनाउँदै उक्त कदमले नेपालको संविधान र प्रचलित कानुनले सुनिश्चित गरेको गोपनीयताको अधिकार उल्लंघन गरेको दाबी गरेको छ। सरकारले “एनसेलको सेयर खरिद–बिक्रीसम्बन्धी अध्ययन तथा अनुसन्धान प्रतिवेदन, २०२३ (२०८०)” सार्वजनिक गरेपछि दूरसञ्चार कम्पनीले संवेदनशील सूचना सार्वजनिक गरिएको भन्दै गम्भीर चिन्ता व्यक्त गरेको हो। एनसेलले राष्ट्रिय तथा अन्तर्राष्ट्रिय कानुन, सन्धि र सम्झौताअनुसार उपलब्ध कानुनी उपचार खोज्ने अधिकार सुरक्षित रहेको पनि जनाएको छ।
छवि उपलब्ध छैन
२५० रुपैयाँको खरिदमा कञ्चनपुरका उपभोक्तालाई १० लाख रुपैयाँको कर प्रोत्साहन पुरस्कार
कञ्चनपुरका एक उपभोक्ताले २५० रुपैयाँको सामान खरिद गरेकै आधारमा आन्तरिक राजस्व विभागको करदाता प्रोत्साहन उपहार योजनाअन्तर्गत १० लाख रुपैयाँको बम्पर पुरस्कार जितेका छन्। पुनर्वास नगरपालिकास्थित शिव कृष्ण जनरल स्टोरबाट गरिएको उक्त खरिद श्रावण महिनाको पहिलो १५ दिनका कारोबारमध्ये बम्पर पुरस्कारका लागि छनोट भएको हो। आन्तरिक राजस्व विभागले शुक्रबार अर्थमन्त्री डा. स्वर्णिम वाग्लेको उपस्थितिमा आयोजित कार्यक्रममा भाग्यशाली चिठ्ठाको नतिजा सार्वजनिक गरेको हो।