काठमाडौं, अक्टोबर ९, २०२६ — सरकारले उखु किसानलाई १ अर्ब ५० करोड रुपैयाँ अनुदान दिने तयारी गरेको छ। कृषि, वन तथा वातावरणमन्त्री गीता चौधरीले उखु उत्पादक किसानलाई प्रोत्साहनस्वरूप अनुदान उपलब्ध गराउने कार्यविधि बिहीबार स्वीकृत गरेकी हुन्।
मन्त्रीको निजी सचिवालयका अनुसार स्वीकृत कार्यविधिअनुसार अनुदान वितरण गरिनेछ।
मन्त्रालयले बर्दिया, रौतहट, कैलाली र कञ्चनपुरका उखु किसानलाई अनुदान उपलब्ध गराइने जनाएको छ।
सरकारले यसअघि पनि उखु किसानलाई प्रतिक्विन्टल ७० रुपैयाँका दरले वार्षिक अनुदान उपलब्ध गराउँदै आएको छ।
