अबुधाबी, युएई, नोभेम्बर १५, २०२६ — नेपालले बूढीगण्डकी जलविद्युत् आयोजनामा लगानी गर्न संयुक्त अरब इमिरेट्स (युएई) लाई आग्रह गरेको छ। दुई देशबीच आर्थिक तथा प्रविधिसम्बन्धी सहकार्य विस्तार गर्ने विषयमा पनि छलफल भएको छ।
युएई भ्रमणमा रहेका गृहमन्त्री सुधन गुरुङ र त्यहाँका वैदेशिक व्यापार राज्यमन्त्री डा. थानी बिन अहमद अल जेयोदीबीच शनिबार अबुधाबीमा भएको शिष्टाचार भेटका क्रममा नेपालले उक्त प्रस्ताव राखेको हो।
गृहमन्त्री गुरुङको सचिवालयका अनुसार उनले नेपालको कृषि तथा सेवा क्षेत्रको विकास र सुरक्षा प्रविधिमा समेत युएईसँग सहकार्य गर्न प्रस्ताव गरेका थिए।
भेटमा नेपाल र युएईबीचको द्विपक्षीय व्यापार, लगानी तथा आर्थिक सहकार्यका विभिन्न पक्षमा छलफल भएको थियो। साथै, नेपालको सुरक्षा निकायलाई आधुनिक र प्रविधिमैत्री बनाउने विषयमा पनि दुवै पक्षले विचार आदानप्रदान गरेका थिए।
गृहमन्त्रीको सचिवालयका अनुसार नेपालले प्रस्ताव गरेका आयोजनाबारे औपचारिक प्रस्ताव आदानप्रदान गरी आवश्यक प्रक्रिया अघि बढाउने विषयमा दुवै पक्ष सकारात्मक देखिएका छन्। आगामी दिनमा आपसी सहकार्य थप सुदृढ र विस्तार गर्ने विषयमा पनि उनीहरूबीच सहमति बनेको सचिवालयले जनाएको छ।
गृहमन्त्री गुरुङ विश्व प्रहरी शिखर सम्मेलनमा सहभागी हुन शुक्रबार दुबई प्रस्थान गरेका थिए।
रुसमा सम्पन्न खगोलविज्ञान ओलम्पियाडमा नेपाली विद्यार्थीले एक रजत र तीन कांस्य पदक जितेका छन्। रिवाश राई अन्तर्राष्ट्रिय प्रतियोगितामा रजत जित्ने पहिलो नेपाली बनेका छन्।
१५-नोभेम्बर-२०२६ ११:२२ AM
काठमाडौंको ठमेलस्थित फायर चोक अगाडि मदिरा सेवन गरी होहल्ला र झैझगडा गरेको आरोपमा प्रहरीले चार जना चिनियाँ नागरिकलाई नियन्त्रणमा लिएर अनुसन्धान अघि बढाएको छ।
१५-नोभेम्बर-२०२६ १०:५४ AM
छठ पर्वका अवसरमा मंसिर १ गते सार्वजनिक बिदा भए पनि नेपाल राष्ट्र बैंकले बिहान ९ बजेदेखि दिउँसो ३ बजेसम्म आरटीजीएस प्रणाली सञ्चालन गर्ने भएको छ।
१४-नोभेम्बर-२०२६ ०४:०३ PM
चितवनको इच्छाकामना गाउँपालिका–४ स्थित घोप्टेभीरमा पहिरोका कारण पृथ्वी राजमार्गमा एकतर्फी यातायात मात्र सञ्चालन हुँदा दुईतर्फी आवागमन पुनः सुरु हुन सकेको छैन।
१२-नोभेम्बर-२०२६ १०:५६ AM
तिहारको अन्तिम दिन भाइटीका देशभर मनाइँदैछ। समितिले बिहान ११:०७ बजेलाई उत्तम साइत तोकेको छ भने रानीपोखरीस्थित बालगोपालेश्वर मन्दिर पनि खुला गरिएको छ।
११-नोभेम्बर-२०२६ १०:०० AM
चितवनको इच्छाकामना गाउँपालिका–४ स्थित घोप्टेभिरमा सुक्खा पहिरो खसेपछि नौ घण्टा अवरुद्ध पृथ्वी राजमार्गको मुग्लिन–मलेखु सडकखण्ड दुईतर्फी सञ्चालनमा आएको छ।
०९-नोभेम्बर-२०२६ ०४:५७ PM