बझाङ, नोभेम्बर ४, २०२६ — बझाङको केदारस्युँ गाउँपालिका–७ मा बुधबार बिहान जिप सडकबाट करिब १०० मिटर तल खस्दा दुई जनाको मृत्यु भएको छ भने अन्य छ जना घाइते भएका छन्।
बुधबार बिहान करिब १० बजे काँडाचौरतर्फ जाँदै गरेको सु.प.प्र.०१–००१ च ४३७६ नम्बरको जिप दुर्घटनामा परेको हो।
बझाङका प्रहरी नायब उपरीक्षक (डीएसपी) टेकबहादुर जोराका अनुसार दुर्घटनामा केदारस्युँ गाउँपालिका–७ काँडाचौरका २७ वर्षीया पविता धामी र ४० वर्षीय गोपाल धामीको मृत्यु भएको छ।
घाइतेमध्ये पाँच जनाको अवस्था गम्भीर छ। गम्भीर घाइते हुनेमा केदारस्युँ–७ का ४५ वर्षीय प्रेमबहादुर धामी, ३२ वर्षीय रमेश धामी र २६ वर्षीय रमेश धामी तथा दुर्गाथली गाउँपालिका–६ की ४२ वर्षीया शारदा धामी जाग्री र सोही ठाउँका ४२ वर्षीय रामकुमार धामी रहेका छन्।
केदारस्युँ–७ की २२ वर्षीया रेखा धामी मध्यम घाइते भएकी छन्।
स्थानीय बासिन्दाले घाइतेहरूको उद्धार गरी उपचारका लागि जिल्ला अस्पताल बझाङ पठाएका छन्। घटनास्थल पुग्न प्रहरीलाई करिब तीन घण्टा लाग्ने डीएसपी जोराले बताएका छन्। प्रहरी टोली घटनास्थलतर्फ गइसकेको छ।
मकवानपुरको भीमफेदीमा मंगलबार जिप ५०–६० मिटर तल खस्दा गम्भीर घाइते ४९ वर्षीया लक्ष्मी बडूको काठमाडौंमा उपचारका क्रममा मृत्यु भएको छ। दुर्घटनामा पाँच जना घाइते भएका छन्।
१८-अगस्ट-२०२६ १२:३६ PM
चितवनको जलविरे लङ झरनानजिकै कार खोलामा खस्दा ४१ वर्षीय भारतीय नागरिक सयन्तन गाइनको मृत्यु भएको छ। दुर्घटनाको कारणबारे प्रहरीले अनुसन्धान गरिरहेको छ।
०४-नोभेम्बर-२०२६ ०६:२५ PM
काठमाडौंको सुन्दरीजलमा दुई मोटरसाइकल ठोक्किँदा सन्तोष ढुंगानाको मृत्यु भएको छ भने टीकाराम गुरुङ घाइते भएका छन्। ठक्कर दिने चालकले मादक पदार्थ सेवन गरेको पाइएको छ।
०३-नोभेम्बर-२०२६ १०:०१ AM
सल्यानको बागचौर नगरपालिका–१० माथिल्लो मोखोलामा अटो सडकबाट करिब ५५ मिटर तल खस्दा ३५ वर्षीय रेशम राउतको मृत्यु भएको छ भने चालक घाइते भएका छन्।
३०-अक्टोबर-२०२६ १०:४१ AM
धनुषा प्रहरीले लागुऔषध, सवारी ज्यान र बैंकिङ कसुरका मुद्दामा कैद तथा जरिवानाको सजाय पाएका फरार पाँच जनालाई पक्राउ गरी फैसला कार्यान्वयनका लागि जिल्ला अदालतमा पेस गरेको छ।
२९-अक्टोबर-२०२६ १०:०० AM
गुल्मीको कालीगण्डकी गाउँपालिका–२ दबौखानीमा सोमबार स्कार्पियो सडकबाट करिब २५० मिटर तल खस्दा ६ जनाको मृत्यु भएको छ भने तीन जना घाइते भएका छन्।
२७-अक्टोबर-२०२६ १०:४९ AM
प्रहरीका अनुसार बुगल नगरपालिका–२ का करिब ३१ वर्षीय मोहन धामीले चलाएको जिप भित्री सडकखण्डमा ब्रेक फेल भएपछि सडकबाट करिब १०० मिटर तल खसेको थियो।
दुर्घटनाबारे थप विवरण आउन बाँकी रहेको प्रहरीले जनाएको छ।