सुन्दरीजलमा दुई मोटरसाइकल ठोक्किँदा ४५ वर्षीय सन्तोष ढुंगानाको मृत्यु

काठमाडौं, नोभेम्बर ३, २०२६ — काठमाडौंको सुन्दरीजलमा गएराति दुई मोटरसाइकल एकआपसमा ठोक्किँदा ४५ वर्षीय एक पुरुषको मृत्यु भएको छ भने अर्का एक जना घाइते भएका छन्।

मृत्यु हुनेमा सुनसरीको इटहरीका सन्तोष ढुंगाना रहेका छन्। उनी काठमाडौंको गोकर्णेश्वर नगरपालिका–१ दोबाटोमा बस्दै आएका थिए।

काठमाडौँ उपत्यका ट्राफिक प्रहरी कार्यालयका प्रवक्ता प्रहरी उपरीक्षक नरेशराज सुवेदीका अनुसार ढुंगाना बा प्र ०२०५८ प ९१५७ नम्बरको मोटरसाइकलमा सवार थिए। उक्त मोटरसाइकललाई बा प्र ०२०५८ प ७४०५ नम्बरको मोटरसाइकलले ठक्कर दिएको थियो।

दुर्घटनामा गम्भीर घाइते भएका ढुंगानाको अत्तरखेलस्थित नेपाल मेडिकल कलेजमा उपचारका क्रममा मृत्यु भएको सुवेदीले जानकारी दिए।

दुर्घटनामा सङ्खुवासभा घर भई गोकर्णेश्वर बस्ने ५० वर्षीय टीकाराम गुरुङ घाइते भएका छन्। उनको बायाँ कुम, बायाँ खुट्टा र दायाँ हातमा चोट लागेको ट्राफिक प्रहरीले जनाएको छ।

प्रवक्ता सुवेदीका अनुसार ढुंगानाको मोटरसाइकललाई ठक्कर दिने मोटरसाइकलका चालक गोकर्णेश्वरका २४ वर्षीय आशबहादुर तामाङले मादक पदार्थ सेवन गरेर सवारी चलाएको पाइएको छ।