काठमाडौं, नोभेम्बर २, २०२६ — नेपाल प्रिमियर लिग (एनपीएल) अन्तर्गत सोमबार दुई खेल हुँदैछन्। दिनको पहिलो खेलमा काठमाडौं गुर्खाज र कर्णाली याक्स आमनेसामने हुनेछन्।
कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा हुने खेल दिउँसो १२:३० बजे सुरु हुनेछ। काठमाडौंको कप्तानी करण केसीले गर्नेछन् भने कर्णालीको नेतृत्व सोमपाल कामीले गर्नेछन्।
काठमाडौंको टोलीमा अस्ट्रेलियाका पूर्वकप्तान तथा आक्रामक ब्याटर डेभिड वार्नर र भारतीय विकेटकिपर ब्याटर केएस भरत मुख्य आकर्षणका रूपमा रहेका छन्। कर्णालीका लागि कप्तान सोमपाल कामीसँगै मार्क वाट, अकबर अली र गुलशन झाले महत्त्वपूर्ण भूमिका खेल्ने अपेक्षा गरिएको छ।
दुवै टोली पहिलो खेलमा जित निकाल्ने लक्ष्यसहित मैदान उत्रनेछन्।
सोमबारको दोस्रो खेलमा सुदूरपश्चिम रोयल्स र चितवन राइनोज भिड्नेछन्। सोही मैदानमा हुने उक्त खेल साँझ ५ बजे सुरु हुनेछ।
एनपीएलको तेस्रो संस्करणमा आठ टोली सहभागी छन्। लिग चरणमा प्रत्येक टोलीले सात खेल खेल्नेछन्। अंकतालिकाको शीर्ष चार स्थानमा रहने टोली उपाधिका लागि प्लेअफमा प्रवेश गर्नेछन्।
एनपीएल सिजन ३ अन्तर्गत मंगलबार विराटनगर किंग्स र चितवन राइनोज तथा कर्णाली याक्स र जनकपुर बोल्ट्स खेल्दैछन्। सोमबार लुम्बिनी लायन्सले सात विकेटको जित निकालेको थियो।
२७-अक्टोबर-२०२६ १२:१० PM
पीसीबीले साहिबजादा फरहानलाई फिर्ता पठाउन भनेपछि कर्णाली याक्सका पहिलो दुई एनपीएल खेलमा उनको सहभागिता नहुने अपेक्षा गरिएको छ। उनी अक्टोबर ३१ मा नेपाल फर्किने बताइएको छ।
२६-अक्टोबर-२०२६ ०२:३५ PM
एनपीएलको पहिलो खेलमा चितवन राइनोजले विराटनगर किङ्सलाई आठ रनले हरायो। चितवनले १५७ रन बनाएको थियो भने विराटनगर १४९ रनमा अलआउट भयो।
२७-अक्टोबर-२०२६ ०४:४७ PM
नेपाल प्रिमियर लिगको तेस्रो संस्करण आठ टोलीको सहभागितामा कीर्तिपुरमा सुरु हुँदैछ। यसपटक डीआरएस र आईसीसीको मान्यता थपिएका छन् भने पुरस्कार राशि बढाइएको छ।
२६-अक्टोबर-२०२६ ११:३० AM
अस्ट्रेलियाली स्टार डेभिड वार्नर एनपीएल २०२६ मा काठमाडौं गोर्खाजबाट खेल्ने भएका छन्, उनी प्रतियोगितामा सहभागी हुने अहिलेसम्मकै ठूलो अन्तर्राष्ट्रिय क्रिकेट नाम बनेका छन्।
१५-सेप्टेम्बर-२०२६ ०२:०१ PM
साविक विजेता लुम्बिनी लायन्सले कीर्तिपुरमा सुदूरपश्चिम रोयल्सलाई सात विकेटले हराउँदै एनपीएलमा विजयी सुरुआत गरेको छ। लुम्बिनीले ८८ रनको लक्ष्य ९ ओभर ५ बलमा पूरा गर्यो।
२६-अक्टोबर-२०२६ ०७:४५ PM