काठमाडौं, नोभेम्बर १, २०२६ — आगामी स्थानीय निर्वाचनका लागि उम्मेदवार छनोटसम्बन्धी कार्यढाँचा कार्यान्वयन र समन्वय गर्न राष्ट्रिय स्वतन्त्र पार्टी (रास्वपा) ले सातवटा उपसमिति गठन गरेको छ।
पार्टीको केन्द्रीय कार्यालय बनस्थलीमा महासचिव तथा उम्मेदवार छनोट कार्यढाँचा कार्यान्वयन एवं समन्वय समितिका संयोजक विपिनकुमार आचार्यको अध्यक्षतामा बसेको बैठकले उपसमिति गठन गर्ने निर्णय गरेको हो।
पार्टीले उम्मेदवार क्लबको नेतृत्व कविन्द्र बुर्लाकोटीलाई दिएको छ भने प्रविधि उपसमितिको जिम्मेवारी सुसान्त वैद्यिकलाई र उजुरी समन्वयको जिम्मेवारी जनकसिंह धामीलाई दिएको छ।
त्यसैगरी, समावेशिता तथा महिला सहभागिता उपसमितिको नेतृत्व डा. तोसिमा कार्कीले गर्नेछिन्। क्षमता विकासको समन्वय तासी ल्हाजोमले गर्नेछिन् भने व्यवस्थापनको जिम्मेवारी रहबर अन्सारी र प्रचारप्रसारको नेतृत्व मिलन लिम्बूलाई दिइएको छ।
बैठकले महानगरपालिका र उपमहानगरपालिकाका वडाध्यक्ष तथा वडा सदस्य पदमा पार्टीको उम्मेदवार बन्न इच्छुक र योग्य व्यक्तिहरूबाट आवेदन आह्वान गर्ने निर्णयसमेत गरेको छ।
पार्टीका अनुसार इच्छुक व्यक्तिले उम्मेदवार क्लबमार्फत आवेदन बुझाउन सक्नेछन्।
रास्वपाले सांसद खगेन्द्र सुनारलाई दुर्व्यवहार, धम्की, ब्ल्याकमेल र शंकास्पद आर्थिक कारोबारको आरोपबारे अनुशासन आयोगको छानबिन नसकिएसम्म जिम्मेवारी निर्वाह गर्न रोक लगाएको छ।
१४-अक्टोबर-२०२६ ०६:०२ PM
रास्वपा सांसद कगेन्द्र सुनारले विवादास्पद अडियोमा आफ्नो संलग्नता अस्वीकार गर्दै आफूलाई निशाना बनाइएको आरोप लगाएका छन्। पार्टीले आन्तरिक छानबिन अघि बढाएको छ।
१३-अक्टोबर-२०२६ १२:१० PM
रास्वपाका ऊर्जामन्त्री बिराजभक्त श्रेष्ठले केन्द्रीय सचिवालय सदस्यको शपथ लिएका छन्। उनी पहिलो महाधिवेशनमा २ हजार १२३ मतसहित केन्द्रीय सदस्य निर्वाचित भएका थिए।
२०-सेप्टेम्बर-२०२६ ०४:०२ PM
रास्वपा सभापति रवि लामिछानेले जेन–जी आन्दोलनका घाइतेको उपचार, परिवार सहयोग र दीर्घकालीन पुनर्स्थापनाको जिम्मेवारी राज्यले लिनुपर्ने बताएका छन्।
०८-सेप्टेम्बर-२०२६ ०३:४४ PM
रास्वपाले भोटेकोशी बाढीपीडितको उद्धार तथा राहतका लागि ५० लाख रुपैयाँ दिने निर्णय गरेको छ। पार्टीले राजनीतिक गतिविधि स्थगित गर्दै आरएटीमार्फत खोज तथा उद्धारमा सदस्य परिचालन गर्नेछ।
२७-अगस्ट-२०२६ ०२:५७ PM
प्रधानमन्त्री बालेन्द्र शाह शुक्रबार काठमाडौंँबाट सडकमार्ग हुँदै पोखरा पुगेका छन् र निजी भ्रमणका रूपमा मुस्ताङ जाने तयारीमा छन्। उनी रास्वपा केन्द्रीय समिति बैठकमा सहभागी भएनन्।
२१-अगस्ट-२०२६ ०२:११ PM