काठमाडौं, नोभेम्बर १, २०२६ — युवा, श्रम तथा रोजगार मन्त्रालयअन्तर्गतको राष्ट्रिय व्यावसायिक तालिम प्रतिष्ठानले युवाहरूलाई कृत्रिम बुद्धिमत्ता (एआई) को प्रभावकारी प्रयोग र प्राम्प्ट लेखनसम्बन्धी निःशुल्क अनलाइन तालिम दिने तयारी गरेको छ।
‘एआईको प्रभावकारी प्रयोग तथा प्राम्प्ट लेखन’ नामक उक्त तालिम नोभेम्बर ४ र ५ अर्थात् बुधबार र बिहीबार सञ्चालन हुनेछ। दुवै दिन बिहान १० बजेदेखि मध्याह्न १२ बजेसम्म र साँझ ६ बजेदेखि ८ बजेसम्म गरी चारवटा छुट्टाछुट्टै सत्र राखिएका छन्।
प्रत्येक सहभागीलाई चारमध्ये एउटा सत्रमा सहभागी गराइनेछ। एउटा सत्रमा ५०० जनाका लागि स्थान उपलब्ध हुने भएकाले तालिममा अधिकतम २ हजार जना सहभागी हुन सक्नेछन्।
तालिममा च्याटजीपीटी र क्लाउडजस्ता एआई उपकरणको प्रभावकारी प्रयोग, स्पष्ट र उपयोगी प्राम्प्ट लेख्ने तरिका तथा इमेल, नोट, बैठकका निर्णय र प्रस्तुति तयार गर्न एआईको प्रयोगबारे सिकाइनेछ।
सहभागीलाई एआईबाट तस्बिर तथा छोटा भिडियो बनाउने, प्रविधिको जिम्मेवार प्रयोग गर्ने र एआईबाट प्राप्त जानकारीको सत्यता जाँच गर्ने सीप पनि प्रदान गरिनेछ।
युवाहरूले अध्ययन, रोजगारी र व्यावसायिक गतिविधिमा एआई उपकरण प्रयोग गर्न सकून् भन्ने उद्देश्यले तालिम सञ्चालन गर्न लागिएको हो। मन्त्रालयले प्रत्यक्ष अनलाइन तालिम सञ्चालन गर्न लागेको यो नयाँ पहल पनि हो।
चक्रवात अर्नबको अवशेष प्रणालीका कारण नेपालका विभिन्न क्षेत्रमा वर्षा र हिमपातको सम्भावना छ। महाशाखाले भारी वर्षा, पहिरो र यातायात अवरोधप्रति सतर्क रहन आग्रह गरेको छ।
३१-अक्टोबर-२०२६ १०:४३ AM
नेपाल प्रेसका पत्रकार विश्वमणि सुवेदीलाई सादा पोसाकका प्रहरीले समाचार कक्षबाट नियन्त्रणमा लिएका छन्। प्रधानसम्पादक मातृका पौडेलले समाचारको स्रोत खोजिएको बताएका छन्।
३१-अक्टोबर-२०२६ १०:२५ AM
सादा पोसाकका प्रहरी दियो पोस्ट र नयाँ पत्रिकाको कार्यालय पुगेर पत्रकारसँग कुरा गर्न खोजेका छन् भने नेपाल प्रेसका पत्रकार विश्वमणि सुवेदी प्रहरी नियन्त्रणमा छन्।
३१-अक्टोबर-२०२६ १०:१८ AM
चाडपर्व र जाडो मौसममा माग बढेपछि नेपाल लेयर्स कुखुरापालक संघले अण्डाको थोक समर्थन मूल्य प्रतिकार्टुन १०० देखि २०० रुपैयाँसम्म बढाएको छ।
३०-अक्टोबर-२०२६ ०४:१३ PM
दाङको हापुरे बजारस्थित गौरी शृंगार पसल आगलागीबाट पूर्ण रूपमा नष्ट भएको छ। दमकल नपुगेपछि स्थानीय र सुरक्षाकर्मीले बाल्टिनबाट पानी हालेर आगो निभाउने प्रयास गरेका थिए।
२९-अक्टोबर-२०२६ ११:५२ AM
सर्वोच्च अदालतको आदेशपछि चितवनमा सवारी चालक अनुमतिपत्रको लिखित तथा प्रयोगात्मक परीक्षा रोकिँदा नियमित परीक्षाका करिब दुई हजार र रि–ट्रायलका ८०० सेवाग्राही प्रभावित भएका छन्।
२९-अक्टोबर-२०२६ ११:२५ AM
यस कार्यक्रमबाट प्राप्त अनुभवले देशभरका धेरै युवालाई लक्षित गरी आगामी दिनमा अनलाइन तथा सीप विकाससम्बन्धी तालिम विस्तार गर्न सहयोग पुग्ने मन्त्रालयको अपेक्षा छ।
युवा, श्रम तथा रोजगारमन्त्री रामजी यादवले भने, ‘एआईसम्बन्धी ज्ञान र सीप केही व्यक्तिमा मात्र सीमित हुनु हुँदैन। प्रविधिको विकाससँगै यसले सिर्जना गर्ने अवसर देशभरका युवाको पहुँचमा पुग्नुपर्छ। आधारभूत एआई ज्ञान र व्यावहारिक सीप प्रदान गर्ने उद्देश्यले यो निःशुल्क अनलाइन तालिम सञ्चालन गर्न लागिएको हो।
‘आगामी दिनमा अनलाइन र प्रत्यक्ष दुवै माध्यमबाट अझ उन्नत तालिम सञ्चालन गर्ने हाम्रो लक्ष्य छ, जसले देशभरका धेरै युवालाई एआई प्रविधिमा दक्ष बनाउन सहयोग गर्नेछ।’
तालिममा सहभागी हुन इच्छुक व्यक्तिले अनलाइनमार्फत आवेदन दिन सक्नेछन्। आवेदकलाई कार्यक्रम सुरु हुनुअघि आफू सहभागी हुने सत्रबारे जानकारी गराइनेछ।