काठमाडौं, नोभेम्बर २, २०२६ — प्रमुख प्रतिपक्षी दल नेपाली कांग्रेसले पत्रकार पक्राउलगायत सरकारसँग जोडिएका विवादित घटनाको छानबिन गर्न संसदीय विशेष समिति गठन गर्न माग गरेको छ। कांग्रेसले सरकार स्वेच्छाचारी बन्दै गएको र विधिको शासन तथा प्रेस स्वतन्त्रतामाथि प्रहार भएको आरोप लगाएको छ।
सोमबार बिहान सिंहदरबारमा बसेको पार्टी संसदीय दलको बैठकले पत्रकार धरपकडलगायतका घटनाको निष्पक्ष छानबिनका लागि संसदीय समिति गठनको माग गर्ने निर्णय गरेको हो।
बैठकपछि संसदीय दलका नेता भीष्मराज आङदेम्बेले लोकतन्त्रमा निर्वाचनबाट प्राप्त जनमत संविधान र कानुनभन्दा माथि रहने अनुमति नभएको बताए।
उनले पछिल्ला सरकारी गतिविधिले नागरिक स्वतन्त्रता, प्रेस स्वतन्त्रता, संवैधानिक संस्थाको स्वायत्तता र विधिको शासनमाथि गम्भीर प्रश्न खडा गरेको कांग्रेसको ठहर रहेको बताए।
स्पष्ट कानुनी आधार, पक्राउ पुर्जी वा अदालतको अनुमतिविना समाचार कक्षभित्रै प्रहरी परिचालन गरी पत्रकार पक्राउ गरिएको घटनाप्रति पनि कांग्रेसले आपत्ति जनाएको छ।
‘पक्राउको स्पष्ट कानुनी आधार र अदालतको अनुमतिविना समाचार कक्षमै प्रहरी परिचालन गरिनु स्वतन्त्र पत्रकारितामाथि अनुचित दबाब मात्र होइन, विधिको शासनविपरीतको स्वेच्छाचारिता हो,’ आङदेम्बेले भने, ‘यसको जवाफ सरकारले संसद् र जनतालाई दिनुपर्छ।’
जेनजी अगुवा रक्षा बमले पत्रकार पक्राउको विरोध गर्दै रास्वपा सभापति रवि लामिछानेमाथि प्रश्न उठाएकी छन्। उनले फेसबुकमार्फत सरकारको सुशासनसम्बन्धी दाबीको आलोचना गरेकी छन्।
३१-अक्टोबर-२०२६ ११:१७ AM
नेपाली कांग्रेसका सभापति गगन थापाले देशभरका नागरिक र पार्टी कार्यकर्तासँग संवाद गर्ने योजना सुनाउँदै संगठनात्मक सुधार, सुशासन र जवाफदेहितामा जोड दिएका छन्।
१६-अक्टोबर-२०२६ ०२:११ PM
नेपाली कांग्रेसको १५औँ महाधिवेशनमा खुला केन्द्रीय सदस्यतर्फ चिरिबाबु महर्जन ४ हजार १४९ मतसहित अगाडि छन्। निष्कल राई दोस्रो र इन्द्रबहादुर बानियाँ तेस्रो स्थानमा छन्।
१५-अक्टोबर-२०२६ १२:१९ PM
नेपाली कांग्रेसको १५औँ महाधिवेशनमा पेशागत विषय विज्ञतर्फ पाँच केन्द्रीय सदस्य पदका लागि २ हजार मत गणना हुँदा डा. केदार नरसिंह केसी ९०८ मतसहित अग्रस्थानमा छन्।
१४-अक्टोबर-२०२६ ०१:४३ PM
नेपाली कांग्रेसको १५औँ महाधिवेशनबाट गगनकुमार थापा ६ हजार ५८४ मतसहित सभापतिमा निर्वाचित भएका छन्। अन्य पदाधिकारीको मतगणना शनिबार दिउँसो सुरु हुने भएको छ।
१०-अक्टोबर-२०२६ ११:०६ AM
नेपाली कांग्रेसको १५औँ महाधिवेशनमा नयाँ केन्द्रीय कार्यसमिति चयनका लागि मतदान सुरु भएको छ। मतदानमा ७ हजार ३१७ प्रतिनिधि सहभागी हुने अपेक्षा गरिएको छ।
०९-अक्टोबर-२०२६ १२:३८ PM
उनले सरकारले कानुनी प्रक्रियाको पालना नगरी आफूले जे गरे पनि जवाफ दिनु नपर्ने प्रवृत्ति देखाएको टिप्पणी गरे। यस्ता गतिविधि मुलुकको संवैधानिक संरचना कमजोर बनाएर आफूअनुकूलको शासन लाद्ने खतरनाक षड्यन्त्र भएको कांग्रेसको निष्कर्ष रहेको उनले बताए।
कांग्रेसले पत्रकार धरपकड तथा सरकारसँग जोडिएका अन्य विवादित गतिविधिको स्वतन्त्र, निष्पक्ष र पारदर्शी छानबिनका लागि संसदीय विशेष समिति गठन गर्न माग गरेको छ। साथै, दोषी ठहरिने व्यक्तिलाई कानुनबमोजिम कारबाहीको दायरामा ल्याउनुपर्ने माग पनि गरेको छ।
सरकारका सकारात्मक काम, जनसरोकारका विषय र सुशासनका प्रयासमा कांग्रेसको समर्थन रहने आङदेम्बेले बताए। तर विधिको शासन, प्रेस स्वतन्त्रता र शक्ति पृथकीकरणको सिद्धान्तविपरीत सरकार अघि बढे कडा प्रतिरोध गर्ने उनले चेतावनी दिए।