बैतडी, नोभेम्बर ५, २०२६ — बुधबार साँझ बैतडीको मेलौली नगरपालिका–१ स्थित सौदानी खोलामा जिप दुर्घटना हुँदा एक जनाको मृत्यु भएको छ भने छ जना घाइते भएका छन्।
डडेल्धुरा सदरमुकामबाट पञ्चेश्वरतर्फ जाँदै गरेको जिप पाटन–पञ्चेश्वर सडकखण्डमा दुर्घटनामा परेको जिल्ला प्रहरी कार्यालयका प्रवक्ता सूरज सिंहले जानकारी दिए।
उनका अनुसार पञ्चेश्वर गाउँपालिका–२ का ३५ वर्षीय सुना मंगोलाको मेलौली प्राथमिक स्वास्थ्य केन्द्रमा उपचारका क्रममा मृत्यु भएको हो।
दुर्घटनामा जिप चालकसहित अन्य छ जना घाइते भएका छन्। घाइते हुनेमा सोमन मंगोला, अविनाश राम लुहार, निरज बास्केल, करण सेह मंगोला, सुनिल बास्केल र जिप चालक सन्तोष राम लुहार रहेका छन्। उनीहरू सबै पञ्चेश्वर गाउँपालिका–२ का बासिन्दा हुन्।
घाइतेहरूको मेलौली प्राथमिक स्वास्थ्य केन्द्रमा उपचार भइरहेको छ।
प्रहरीका अनुसार जिप अनियन्त्रित भई सडकबाट तल खसेको थियो।
गुल्मीको कालीगण्डकी गाउँपालिका–२ दबौखानीमा सोमबार स्कार्पियो सडकबाट करिब २५० मिटर तल खस्दा ६ जनाको मृत्यु भएको छ भने तीन जना घाइते भएका छन्।
२७-अक्टोबर-२०२६ १०:४९ AM
इलामको देउमाई नगरपालिका–१ चमैतामा चौरीबजारतर्फ जाँदै गरेको बोलेरो जिप सडकबाट खस्दा २१ वर्षीय चालक विपिन दियालीको मृत्यु भएको छ।
२६-अक्टोबर-२०२६ १२:५६ PM
पोखराको फेवातालमा शुक्रबार बिहान भारतीय नम्बर प्लेटको कार खस्दा दुई जनाको मृत्यु र दुई जना घाइते भएका छन्। प्रहरीले कार निकालेर दुर्घटनाबारे अनुसन्धान थालेको छ।
०४-सेप्टेम्बर-२०२६ ११:२४ AM
मकवानपुरको भीमफेदीमा मंगलबार जिप ५०–६० मिटर तल खस्दा गम्भीर घाइते ४९ वर्षीया लक्ष्मी बडूको काठमाडौंमा उपचारका क्रममा मृत्यु भएको छ। दुर्घटनामा पाँच जना घाइते भएका छन्।
१८-अगस्ट-२०२६ १२:३६ PM
नुवाकोटको विदुर नगरपालिका–९ खड्कथोकमा सोमबार बिहान मोटरसाइकल सडकबाट करिब १०० मिटर तल खस्दा चालकसहित तीन जनाको मृत्यु भएको छ।
०९-नोभेम्बर-२०२६ ०३:३८ PM
मोरङको जहदामा रड प्रहारबाट ४० वर्षीय बुधराम सोरेनको मृत्यु भएको घटनामा उनकी श्रीमती र अर्का एक व्यक्ति पक्राउ परेका छन्। प्रहरीले अनुसन्धान जारी राखेको छ।
०९-नोभेम्बर-२०२६ ११:०२ AM