पोखराको फेवातालमा भारतीय नम्बरको कार खस्दा दुई जनाको मृत्यु, दुई घाइते

छवि उपलब्ध छैन

एनभिडियाका संस्थापक तथा प्रमुख कार्यकारी अधिकृत जेन्सेन ह्वाङले गत अगस्ट २६ मा आएको विनाशकारी भोटेकोशी बाढीपछि खोज तथा उद्धार, राहत, पुनःस्थापना र पुनर्निर्माणका लागि प्रधानमन्त्री दैवी प्रकोप उद्धार कोषमा १ करोड अमेरिकी डलर सहयोग गरेका छन्। उक्त रकम नेपाली मुद्रामा करिब १ अर्ब ५१ करोड रुपैयाँ बराबर रहेको छ। यो सरकारी विपद् प्रतिकार्यका लागि घोषणा भएका सबैभन्दा ठूला व्यक्तिगत सहयोगमध्ये एक हो। अर्थमन्त्री स्वर्णिम वाग्लेले सामाजिक सञ्जालमार्फत ह्वाङलाई सहयोगका लागि धन्यवाद दिँदै यसलाई अभूतपूर्व सहयोगको संज्ञा दिएका छन्।

०४-सेप्टेम्बर-२०२६ ११:१९ AM

छवि उपलब्ध छैन

रसुवामा भोटेकोशी नदीमा आएको विनाशकारी बाढीपछि मानिसहरू फसेको आशंका गरिएको नुवाकोटस्थित त्रिशूली–३ ‘ए’ जलविद्युत् आयोजनाको केबल डक्ट सुरुङको प्रवेशद्वारबाट उद्धार टोलीले करिब ३ फिट भाग सफा गरेको छ। नेपाली सेनाको नेतृत्वमा ९३ सदस्यीय टोलीले चिनियाँ उद्धार टोली तथा अन्य प्राविधिक जनशक्तिको सहयोगमा उद्धार कार्य जारी राखेको छ। टोलीले सुरुङको अवरोध हटाउन पाँचवटा एक्स्काभेटर, कम्प्रेसर र ब्रेकर प्रयोग गरिरहेको छ। सुरुङको प्रवेशद्वार भत्किएका फलामे संरचना, ठूला ढुंगा तथा माटो र अन्य भग्नावशेषले पुरिएको छ। उक्त अवरोध करिब ४० मिटर लामो र २० मिटर उचाइसम्म रहेको बताइएको छ।

०३-सेप्टेम्बर-२०२६ ०७:१८ PM

छवि उपलब्ध छैन

चीनले उपलब्ध गराएको आपत्कालीन राहत सामग्रीको तेस्रो खेप चिनियाँ जनमुक्ति सेनाको वायुसेनाको Y-20A ठूलो ढुवानी विमानमार्फत बिहीबार काठमाडौं आइपुगेको छ। उक्त विमानमार्फत १० जना चिनियाँ फरेन्सिक विज्ञ पनि नेपाल आएका छन्। उनीहरू हालैको बाढीपछिको विपद् व्यवस्थापन तथा पीडितको पहिचानमा सहयोग गर्न नेपाल पठाइएको चिनियाँ विज्ञहरूको चौथो टोली हो। राहत सामग्री हस्तान्तरण कार्यक्रममा नेपालका लागि चिनियाँ राजदूत झाङ माओमिङ र विज्ञान, प्रविधि तथा नवप्रवर्तनमन्त्री महावीर पुन सहभागी भएका थिए। उनीहरूले नेपाल आइपुगेका चिनियाँ फरेन्सिक विज्ञलाई स्वागत गरेका थिए।

०३-सेप्टेम्बर-२०२६ ०७:०९ PM