दैलेख, नोभेम्बर ९, २०२६ — कालिकोटबाट बिरामीलाई उपचारका लागि सुर्खेत लैजाँदै गरेको जिप दैलेखमा सडकबाट करिब ३०० मिटर तल खस्दा एक जनाको मृत्यु भएको छ भने पाँच जना घाइते भएका छन्।
सोमबार बिहान करिब साढे ५ बजे गुराँस गाउँपालिका–१ काफलतोलीस्थित कर्णाली राजमार्गमा कर्णाली प्रदेश ०२–००१ च १२१५ नम्बरको जिप दुर्घटनामा परेको हो। जिपमा अक्सिजनसहित बिरामीलाई उपचारका लागि सुर्खेत लगिँदै थियो।
जिल्ला प्रहरी कार्यालय दैलेखका अनुसार मृत्यु हुनेमा कालिकोटको सान्नीत्रिवेणी गाउँपालिका–७ का ४१ वर्षीय रने सार्की रहेका छन्। दुर्घटनामा गम्भीर घाइते भएका उनको उपचारका क्रममा मृत्यु भएको प्रहरीले जनाएको छ।
जिप चालक सान्नीत्रिवेणी–७ कै २२ वर्षीय योगेश सिम्खडा पनि गम्भीर घाइते भएका छन्। उनको शरीरका विभिन्न भागमा चोट लागेको र अवस्था गम्भीर रहेको प्रहरीले जनाएको छ।
दुर्घटनामा घाइते हुने अन्यमा सोही ठाउँका १८ वर्षीय गंग सार्की, २१ वर्षीय तपेन्द्र सिम्खडा, ३६ वर्षीया जादुकाल सार्की र २७ वर्षीया कैसी सार्की रहेका छन्। कैसी जिपमा उपचारका लागि लगिँदै गरेकी बिरामी हुन्।
घाइते सबैलाई उपचारका लागि सुर्खेत पठाइएको जिल्ला प्रहरी कार्यालय दैलेखले जनाएको छ। दुर्घटनाबारे थप अनुसन्धान भइरहेको प्रहरीले जनाएको छ।
इलामको देउमाई नगरपालिका–१ चमैतामा चौरीबजारतर्फ जाँदै गरेको बोलेरो जिप सडकबाट खस्दा २१ वर्षीय चालक विपिन दियालीको मृत्यु भएको छ।
२६-अक्टोबर-२०२६ १२:५६ PM
जाजरकोटको जुनीचाँदेमा बिहीबार बिहान बोलेरो जीप सडकबाट करिब ३०० मिटर तल खस्दा दुई जनाको मृत्यु भएको छ भने तीन जना मध्यम घाइते भएका छन्।
१५-अक्टोबर-२०२६ १०:३६ AM
मकवानपुरको भीमफेदीमा मंगलबार जिप ५०–६० मिटर तल खस्दा गम्भीर घाइते ४९ वर्षीया लक्ष्मी बडूको काठमाडौंमा उपचारका क्रममा मृत्यु भएको छ। दुर्घटनामा पाँच जना घाइते भएका छन्।
१८-अगस्ट-२०२६ १२:३६ PM
नुवाकोटको विदुर नगरपालिका–९ खड्कथोकमा सोमबार बिहान मोटरसाइकल सडकबाट करिब १०० मिटर तल खस्दा चालकसहित तीन जनाको मृत्यु भएको छ।
०९-नोभेम्बर-२०२६ ०३:३८ PM
चितवनको जलविरे लङ झरनानजिकै कार खोलामा खस्दा ४१ वर्षीय भारतीय नागरिक सयन्तन गाइनको मृत्यु भएको छ। दुर्घटनाको कारणबारे प्रहरीले अनुसन्धान गरिरहेको छ।
०४-नोभेम्बर-२०२६ ०६:२५ PM
काठमाडौंको सुन्दरीजलमा दुई मोटरसाइकल ठोक्किँदा सन्तोष ढुंगानाको मृत्यु भएको छ भने टीकाराम गुरुङ घाइते भएका छन्। ठक्कर दिने चालकले मादक पदार्थ सेवन गरेको पाइएको छ।
०३-नोभेम्बर-२०२६ १०:०१ AM