दैलेख, नोभेम्बर ९, २०२६ — दैलेखको काफलतोलीमा जिप दुर्घटनामा परी घाइते भएका छ जनामध्ये दुई जनाको उपचारका क्रममा मृत्यु भएको छ। उनीहरूको कर्णाली प्रदेश अस्पताल सुर्खेतमा मृत्यु भएको हो।
मृत्यु हुनेमा कालिकोटको सान्नीत्रिवेणी गाउँपालिका–७ का २२ वर्षीय चालक योगेश सिम्खडा र सोही गाउँपालिका वडा नम्बर ६ का ४१ वर्षीय यात्रु रने सार्की रहेका छन्।
जिल्ला प्रहरी कार्यालय दैलेखका प्रमुख प्रहरी नायब उपरीक्षक श्रवणकुमार विकका अनुसार दुवै जनाको उपचारका क्रममा अस्पतालमा मृत्यु भएको हो।
कालिकोटबाट विषादी सेवन गरेका बिरामीलाई लिएर सुर्खेततर्फ आउँदै गरेको क.प्र.०२–००१ च १२१५ नम्बरको बलेरो जिप काफलतोलीमा दुर्घटनामा परेको थियो। दुर्घटनामा चालक र सार्कीसहित छ जना घाइते भएका थिए।
घाइते हुने अन्यमा १८ वर्षीय गंगा सार्की, २१ वर्षीय तपेन्द्र सिम्खडा, जादुकला सार्की र २७ वर्षीय कैसी सार्की रहेका छन्। उनीहरूको उपचार भइरहेको प्रहरीले जनाएको छ।
बझाङको केदारस्युँ गाउँपालिका–७ मा ब्रेक फेल भएको भनिएको जिप सडकबाट करिब १०० मिटर तल खस्दा दुई जनाको मृत्यु भएको छ भने पाँच गम्भीरसहित छ जना घाइते भएका छन्।
०४-नोभेम्बर-२०२६ ०२:०४ PM
इलामको देउमाई नगरपालिका–१ चमैतामा चौरीबजारतर्फ जाँदै गरेको बोलेरो जिप सडकबाट खस्दा २१ वर्षीय चालक विपिन दियालीको मृत्यु भएको छ।
२६-अक्टोबर-२०२६ १२:५६ PM
जाजरकोटको जुनीचाँदेमा बिहीबार बिहान बोलेरो जीप सडकबाट करिब ३०० मिटर तल खस्दा दुई जनाको मृत्यु भएको छ भने तीन जना मध्यम घाइते भएका छन्।
१५-अक्टोबर-२०२६ १०:३६ AM
मकवानपुरको भीमफेदीमा मंगलबार जिप ५०–६० मिटर तल खस्दा गम्भीर घाइते ४९ वर्षीया लक्ष्मी बडूको काठमाडौंमा उपचारका क्रममा मृत्यु भएको छ। दुर्घटनामा पाँच जना घाइते भएका छन्।
१८-अगस्ट-२०२६ १२:३६ PM
धनगढीमा मोटरसाइकल र स्कुटी ठोक्किँदा ३५ वर्षीया सुशीला बमको मृत्यु भएको छ। दुर्घटनामा अन्य पाँच जना घाइते भएका छन् र प्रहरीले अनुसन्धान गरिरहेको छ।
१३-नोभेम्बर-२०२६ १०:४९ AM
काभ्रेको बनेपा नगरपालिका–६ बुडोलमा दुई यात्रुवाहक बस ठोक्किँदा २० जना घाइते भएका छन्। उनीहरूमध्ये १६ जनाको शिर मेमोरियल र चार जनाको धुलिखेल अस्पतालमा उपचार भइरहेको छ।
१२-नोभेम्बर-२०२६ ०१:१४ PM