भर्जिनिया, अमेरिका, नोभेम्बर ११, २०२६ — नेपाली मूलकी नर्स ममता काफ्ले भट्टको हत्या गरेको अभियोगमा अमेरिकाको भर्जिनिया राज्यस्थित जुरीले उनका पति नरेश भट्टलाई प्रथम श्रेणीको हत्यामा दोषी ठहर गरेको छ। ममताको मृत्यु आत्महत्याका कारण भएको भन्ने भट्टको दाबीलाई जुरीले अस्वीकार गरेको हो।
३९ वर्षीय भट्टलाई पत्नीको शव लुकाएको र शवको अपमान गरेको अभियोगमा पनि दोषी ठहर गरिएको छ। सन् २०२४ जुलाईमा ममता बेपत्ता भएपछि सुरु भएको मुद्दाको सुनुवाइपछि मंगलबार फैसला आएको हो। ममताको शव भने अहिलेसम्म फेला परेको छैन।
सुनुवाइका क्रममा भट्टले सन् २०२४ जुलाई ३० मा शयनकक्षको भुइँमा ममतालाई अचेत अवस्थामा भेटेको बयान दिएका थिए। उनले ४५ मिनेटदेखि एक घण्टासम्म बचाउने प्रयास गरे पनि सफल नभएको दाबी गरेका थिए। त्यसपछि आफू डराएको र ममताको मृत्युका लागि आफूलाई दोषी ठहर गरिने आशंकामा आराले शव टुक्रा पारेर फोहोर फाल्ने झोलामा राखी विभिन्न स्थानमा फालेको उनले अदालतमा बताएका थिए।
भट्टले पत्नीको हत्या गरेको आरोप अस्वीकार गर्दै ममताले आत्महत्या गरेको दाबी गरेका थिए। तर, प्रहरीलाई सुरुमा दिएको बयानमा उनले ममता घर छाडेर गएको र सम्भवतः न्युयोर्क वा टेक्सास गएको हुन सक्ने बताएका थिए। अदालतमा दिएको पछिल्लो बयानसँग उनको प्रारम्भिक भनाइ मेल खाएको थिएन।
अभियोजन पक्षले भने भट्टले जुलाई ३०, २०२४ आसपास ममताको हत्या गरी शव टुक्रा पारेको र उत्तरी भर्जिनियाका विभिन्न स्थानमा फोहोरका झोलामा राखेर फालेको दाबी गरेको थियो।
आफ्नो दाबी पुष्टि गर्न अभियोजन पक्षले फरेन्सिक परीक्षणका नतिजा, निगरानी क्यामेराका दृश्य, फोन रेकर्ड तथा डिजिटल खोजीसम्बन्धी प्रमाण अदालतमा पेस गरेको थियो।
ममता काफ्ले भट्टको हत्या आरोपमा नरेश भट्टविरुद्धको मुद्दामा अक्टोबर ६ देखि निर्णायक मण्डल छनोट हुँदैछ। अदालतले बिहीबार सम्भावित फरेन्सिक, डिजिटल र परिस्थितिजन्य प्रमाणबारे छलफल गरेको छ।
१५-अगस्ट-२०२६ ०७:११ PM
दक्षिणी क्यालिफोर्नियामा तीव्र गतिमा फैलिएको डढेलोले कम्तीमा ६ घरमा क्षति पुर्याएको छ। तीव्र हावा र तातो, सुक्खा मौसमका कारण विभिन्न क्षेत्रमा उद्धार तथा आगो नियन्त्रण कार्य जारी छ।
१७-अक्टोबर-२०२६ १०:०४ AM
अमेरिकाको ओरेगनस्थित बेन्डको सिल्भर रेल प्राथमिक विद्यालयमा १६ वर्षीय किशोरले गोली चलाउँदा तीन बालबालिका र शिक्षकको मृत्यु भयो। समुदायका एक व्यक्तिले किशोरलाई गोली हानेर मारे।
१६-अक्टोबर-२०२६ १०:१४ AM
अनलाइन “७६४” सञ्जालसँग जोडिएको बाल यौन शोषणको षड्यन्त्रसम्बन्धी मुद्दामा प्रसन नेपालले अमेरिकामा दोष स्वीकार गरेका छन्। उनलाई १५ देखि ३० वर्षसम्म कैद हुन सक्छ।
१३-अक्टोबर-२०२६ १२:५३ PM
ताइवानले चीनसँगको तनावबीच हवाई रक्षा क्षमता बढाउँदै ८ अर्ब डलरको सम्झौताअन्तर्गत पहिलो दुई अमेरिकी एफ–१६भी लडाकु विमान प्राप्त गरेको छ र थप हतियार प्याकेजको स्वीकृति पर्खिरहेको छ।
०२-अक्टोबर-२०२६ ०६:२५ PM
सेप्टेम्बर २०२६ मा नेपालमा ८८ हजार २४८ विदेशी पर्यटक आएका छन्, जुन गत वर्षको तुलनामा १२.१ प्रतिशत बढी हो। दक्षिण एसिया र चीनबाट आगमन बढ्दा युरोप र ओसिनियाबाट घटेको छ।
०१-अक्टोबर-२०२६ ०५:१९ PM
अनुसन्धानका क्रममा भट्टले सन् २०२४ जुनमा होम डिपोबाट किनेको भनिएको विद्युतीय आरामा रातो–खैरो दाग र कपालजस्तो पदार्थ फेला परेको थियो। आराको भित्री भागबाट लिइएका नमुनासहित डीएनए परीक्षण गर्दा ती नमुनाको नतिजा ममताको डीएनए प्रोफाइलसँग मेल खाने पाइएको थियो।
दम्पतीको शयनकक्षको कार्पेटमा देखिएको दागबाट प्राप्त डीएनए परीक्षणबारे पनि फरेन्सिक विज्ञहरूले बयान दिएका थिए। उक्त मिश्रित डीएनएमा ममता र उनीहरूकी छोरीको योगदान रहेको सम्भावनालाई परीक्षणले बलियो समर्थन गरेको थियो। तर, प्रतिरक्षा पक्षले कार्पेटमा रगत कसरी पुगेको थियो भन्ने कुरा प्रमाणले स्थापित नगर्ने तर्क गरेको थियो।
ममता बेपत्ता भएको समय आसपास भट्टले फोहोर फाल्ने झोला र सरसफाइका सामग्री किनेको निगरानी क्यामेराका दृश्य पनि अभियोजन पक्षले प्रस्तुत गरेको थियो। फोन तथा सवारीसाधनसम्बन्धी अभिलेखबाट फोहोर थुपार्ने स्थानहरूमा भएका यात्रासहित उनको आवतजावतको विवरण देखाइएको थियो।
अदालतमा दम्पतीबीचको सम्बन्धमा देखिएको तनावबारे पनि बयान सुनिएको थियो। ममताका दाजु महेश काफ्लेले बहिनीले अनुहारमा चोट लागेको जस्तो देखिने तस्बिर पठाएको र आफू असुरक्षित महसुस गरिरहेको बताएको अदालतलाई जानकारी दिएका थिए। उनीहरूका साथी तथा अन्य साक्षीले पनि दम्पतीबीचको तनावबारे बयान दिएका थिए।
जिरहका क्रममा भट्टले ममताका आफन्त, साथीभाइ, छिमेकी र प्रहरीलाई उनीसँग के भएको थियो भन्ने विषयमा झुट बोलेको स्वीकार गरेका थिए।
फैसला सुनाइएपछि ममताका परिवारका सदस्यहरूले अदालतभित्र एकअर्कालाई अँगालो हालेका थिए। परिवारका एक सदस्यले अभियोजन पक्षका वकिललाई धन्यवाद दिएका थिए। सीएनएनका अनुसार फैसला सुनाउँदा भट्ट भावविहीन देखिएका थिए र केहीबेर आफ्ना वकिलसँग कुरा गरेका थिए।
प्रथम श्रेणीको हत्यामा दोषी ठहर भएपछि भट्टलाई २० वर्षदेखि आजीवन कारावाससम्मको सजाय हुन सक्छ। शव लुकाएको र अपमान गरेको दुई अभियोगमा प्रत्येकमा थप पाँच वर्षसम्म कैद हुन सक्ने कानुनी व्यवस्था छ।
भट्टको सजाय निर्धारणसम्बन्धी सुनुवाइ सन् २०२७ मार्च १२ मा हुने तय भएको छ। फैसला सुनाइएपछि न्यायाधीशले उनको धरौटीमा रिहाइको आदेशसमेत खारेज गरेका छन्। त्यसैले सजाय निर्धारण नभएसम्म उनी हिरासतमै रहनेछन्।
प्रिन्स विलियम काउन्टी तथा मानासस र मानासस पार्क सहरकी सरकारी अभियोजक एमी एशवर्थले फैसलालाई ममता र उनको परिवारका लागि न्यायको महत्वपूर्ण उपलब्धि भनेकी छन्।
एक वक्तव्य जारी गर्दै उनले परिवारले दुई वर्षभन्दा बढी समयदेखि असह्य पीडा र अनिश्चितता भोग्दै आएको बताएकी छन्। ममताको जीवन महत्वपूर्ण थियो, उनको कथा सुनिएको छ र जिम्मेवार व्यक्तिलाई जवाफदेही बनाइएको छ भन्ने विश्वासले परिवारलाई अगाडि बढ्न मद्दत पुग्ने आशा पनि उनले व्यक्त गरेकी छन्।
नेपालमा जन्मिएकी ममता भर्जिनियामा नर्सका रूपमा कार्यरत थिइन्। सन् २०२४ जुलाईमा उनी काममा जान छाडेपछि र सम्पर्कविहीन भएपछि उनको बेपत्ताबारे व्यापक चासो बढेको थियो। अमेरिकामा रहेका नेपाली समुदायसँगै नेपालमा पनि यो घटनाले ध्यान आकर्षित गरेको थियो।
भट्टले सुरुमा प्रहरीलाई ममता घर छाडेर गएको बताएका थिए। पछि उनको मृत्यु भएको र शव व्यवस्थापन गरिएको संकेत गर्ने प्रमाणहरू भेटिएपछि प्रहरीले उनलाई पक्राउ गरेको थियो।
भट्टले शव टुक्रा पारेको र फालेको स्वीकार गरे पनि अनुसन्धानकर्ताहरूले ममताको अवशेष फेला पार्न सकेका छैनन्। दोषी ठहर हुने फैसला आए पनि परिवारले उनको शव फेला पार्ने र अन्तिम संस्कार गर्ने अवसर अझै पाएको छैन।