गोरखा, नोभेम्बर १, २०२६ — गृहमन्त्री सुधन गुरुङले गोरखाको विकास र जिल्लावासीका समस्या समाधानका लागि आवश्यक पहल गर्ने प्रतिबद्धता जनाएका छन्।
गोरखाका बुद्धिजीवी, उद्योगी तथा व्यवसायीसँग आयोजित अन्तर्क्रियामा सहभागीका गुनासा र सुझाव सुनेपछि उनले आफू सरकारमा आएको छ महिना मात्रै भएको उल्लेख गर्दै जिल्लाको विकासका लागि आवश्यक कदम चाल्ने बताएका हुन्।
गोरखाले नै आफूलाई गृहमन्त्री बनाएको स्मरण गराउँदै उनले जिल्लावासीका समस्या र अपेक्षालाई गम्भीरतापूर्वक लिने बताए।
अन्तर्क्रियामा सहभागीहरूले जिल्लाको विकास निर्माण, कृषि उत्पादनको बजारीकरण, पर्यटन प्रवर्द्धन तथा उद्योग–व्यवसाय सञ्चालनका चुनौतीबारे गृहमन्त्रीको ध्यानाकर्षण गराएका थिए।
गोरखा पूर्वाधार विकासमा पछाडि परेको र पर्याप्त पर्यटकीय सम्भावना हुँदाहुँदै पनि सरकारले यसको प्रवर्द्धनमा आवश्यक चासो नदिएको उनीहरूको गुनासो थियो। जिल्लाको समग्र विकासलाई गति दिन पूर्वाधार निर्माणलाई प्राथमिकता दिनुपर्ने माग पनि उनीहरूले राखेका थिए।
कृषि उत्पादनले उचित बजार र मूल्य नपाउँदा किसान समस्यामा परेको विषयसमेत उठाइएको थियो। कृषि उत्पादन तथा बजारीकरणमा सरकारले प्रभावकारी भूमिका खेल्न नसकेको भन्दै सहभागीहरूले नेपाली किसानले उत्पादन गरेका तरकारीलाई घरेलु बजारमा प्राथमिकता दिनुपर्नेमा जोड दिएका थिए।
भोटेकोशी–त्रिशूली नदी करिडोरमा बाढीले क्षति पुर्याएका १८ झोलुङ्गे पुल करिब ५ करोड ५० लाख रुपैयाँ खर्चमा मर्मतपछि पुनः सञ्चालनमा आएका छन्।
१६-अक्टोबर-२०२६ १०:३६ AM
बूढीगण्डकी बाढी प्रभावित क्षेत्रबाट ७० विदेशी नागरिकसहित १ हजार ४४ जनाको हेलिकोप्टरमार्फत उद्धार गरिएको छ। सरकार, नेपाली सेना र रेडक्रसले उद्धार तथा राहत वितरण जारी राखेका छन्।
१५-अक्टोबर-२०२६ ०२:२१ PM
गृहमन्त्री सुदन गुरुङ बिमस्टेक गृहमन्त्रीहरूको पहिलो बैठकमा सहभागी भई क्षेत्रीय विपद् पूर्वतयारी संरचना प्रस्ताव गरेपछि तीनदिने भारत भ्रमण सकेर बुधबार स्वदेश फर्किएका छन्।
१४-अक्टोबर-२०२६ ०५:०५ PM
गृहमन्त्री सुधन गुरुङले बिमस्टेक क्षेत्रमा जलवायुजन्य विपद् सामना गर्न संयुक्त कार्यदल प्रस्ताव गरेका छन्। उनले क्षेत्रीय सुरक्षा सहकार्य र बीआईएस प्रमाणीकरणका समस्याबारे पनि छलफल गरेका छन्।
१४-अक्टोबर-२०२६ ०१:१५ PM
गृहमन्त्री सुधन गुरुङले नयाँदिल्लीमा भारतीय गृहमन्त्री अमित शाहसँग भेट गरी सुरक्षा सहकार्य र नेपाली व्यवसायीले भारतीय बजारमा भोगेका बीआईएस प्रमाणीकरणसम्बन्धी समस्याबारे छलफल गरेका छन्।
१४-अक्टोबर-२०२६ ०१:०४ PM
अक्टोबर ११, २०२६ मा बुढीगण्डकीमा आएको बाढीले गोरखामा १० जना बेपत्ता बनाएको, ६ पुल बगाएको र चुमनुब्री गाउँपालिकामा करिब ३५ घर बगाएको छ।
११-अक्टोबर-२०२६ ०१:२१ PM
स्थानीय उत्पादनले बजार पाउने व्यवस्था गर्दै किसानलाई उचित मूल्य सुनिश्चित गर्न सरकारले ठोस पहल गर्नुपर्ने उनीहरूको भनाइ थियो।
उद्योगी तथा व्यवसायीहरूले जिल्लामा उद्योग–व्यवसाय सञ्चालन गर्दा देखिने समस्या र व्यावसायिक वातावरण सुधारको आवश्यकताबारे पनि धारणा राखेका थिए।
गोरखामा उपलब्ध स्रोतसाधन र सम्भावनाको सदुपयोग गरी आर्थिक गतिविधि विस्तार गर्न तथा स्थानीय स्तरमै रोजगारी सिर्जना गर्न राज्यको प्रभावकारी भूमिका आवश्यक रहेको सहभागीहरूले बताएका थिए।