जनकपुरधाम, अक्टोबर ३०, २०२६ — नेपालको जनकपुरधाम र भारतको धार्मिक तीर्थस्थल अयोध्यालाई जोड्ने विशेष रेल सेवा सञ्चालनको तयारी अन्तिम चरणमा पुगेको छ।
नेपाल रेल्वे कम्पनीका प्रबन्ध सञ्चालक परिवेश पराजुलीका अनुसार प्रधानमन्त्री वालेन्द्र शाहको आसन्न भारत भ्रमणका क्रममा नेपाल र भारतका प्रधानमन्त्रीले संयुक्त रूपमा रेल सेवाको उद्घाटन गर्ने तयारी भइरहेको छ।
“प्रधानमन्त्री शाहको भारत भ्रमणका क्रममा उक्त विशेष रेल सेवाको उद्घाटन गर्ने गरी हामी तयारीमा जुटेका छौँ,” पराजुलीले भने। उनका अनुसार यस विषयमा दुवै देशका रेल्वे कम्पनी, भन्सार तथा सुरक्षा अधिकारीबीच विभिन्न चरणमा छलफल भइरहेको छ।
उद्घाटनको मिति भने तय भइसकेको छैन। प्रधानमन्त्री शाहले मंसिर ६ अर्थात् नोभेम्बर २२ देखि भारत भ्रमण गर्ने तयारी छ। सोही भ्रमणका क्रममा रेल सेवा उद्घाटन गर्ने तयारी भइरहेको पराजुलीले बताए।
रामायण सर्किटअन्तर्गत जनकपुरधामदेखि अयोध्यासम्म विशेष रेल सेवा सञ्चालन गर्न आवश्यक पूर्वतयारीबारे छलफल भइरहेको उनले जानकारी दिए।
नेपालतर्फको रेलखण्डमा नेपाली सुरक्षा निकाय र भारततर्फ भारतीय सुरक्षा निकायले यात्रु तथा रेलको सुरक्षाको जिम्मेवारी लिने विषयमा सैद्धान्तिक सहमति भएको छ।
गृहमन्त्री सुधन गुरुङले नयाँदिल्लीमा भारतीय गृहमन्त्री अमित शाहसँग भेट गरी सुरक्षा सहकार्य र नेपाली व्यवसायीले भारतीय बजारमा भोगेका बीआईएस प्रमाणीकरणसम्बन्धी समस्याबारे छलफल गरेका छन्।
१४-अक्टोबर-२०२६ ०१:०४ PM
प्रधानमन्त्री बालेन्द्र शाहले भूमिहीन तथा सुकुम्बासी समस्या १ हजार दिनभित्र समाधान गर्ने लक्ष्य सरकारले लिएको बताएका छन्, हालसम्म ५ हजार ७३७ परिवारले जग्गाधनी प्रमाणपुर्जा पाएका छन्।
०६-अक्टोबर-२०२६ ०९:४३ AM
श्रम संस्कृति पार्टीका सांसद ध्रुवराज राईको बिहीबार प्रतिनिधिसभामा गरिएको छोटो सम्बोधनपछि सभामुख र सांसदहरू हाँसेका थिए।
०१-अक्टोबर-२०२६ ०१:३९ PM
एनसीपी संयोजक पुष्पकमल दाहाल ‘प्रचण्ड’ले पूर्वप्रधानन्यायाधीश चोलेन्द्रशमशेर जबराको नियन्त्रणको आलोचना गर्दै यस्ता गिरफ्तारी जारी रहे गम्भीर परिणाम हुने चेतावनी दिए।
२८-सेप्टेम्बर-२०२६ ०२:१८ PM
प्रधानमन्त्री बालेन्द्र शाहले संयुक्त राष्ट्रसंघ महासभामा जलवायु न्याय, हिमालय सहकार्य, विपद् लचिलोपन, जलवायु वित्त र जोखिममा रहेका मुलुकलाई सहयोगका लागि विश्वव्यापी कदम चाल्न आग्रह गरेका छन्।
२५-सेप्टेम्बर-२०२६ १२:०७ PM
प्रधानमन्त्री बालेन्द्र शाहले सेप्टेम्बर २४ मा न्युयोर्कमा राष्ट्रसंघका महासचिव एन्टोनियो गुटेरेससँग भोटेकोसी विपद्, जलवायु जोखिम, पुनर्निर्माण र LDC स्तरोन्नति समयसीमाबारे छलफल गरे।
२५-सेप्टेम्बर-२०२६ ११:१० AM
केही दिनअघि नेपाल र भारतका रेल्वे सेवा, सुरक्षा, भन्सार तथा अध्यागमन अधिकारीको टोलीले विशेष निरीक्षण यानमार्फत जयनगर–जनकपुरधाम–कुर्था रेलखण्डको स्थलगत निरीक्षण गरेको थियो।
जनकपुरधाम र अयोध्याबीच रेल सेवा सञ्चालन भएपछि दुई देशको धार्मिक तथा सांस्कृतिक सम्बन्ध थप सुदृढ हुनुका साथै धार्मिक पर्यटन प्रवर्द्धनमा योगदान पुग्ने अपेक्षा गरिएको छ। सीताको जन्मभूमि मानिने जनकपुरधाम र भगवान् रामसँग जोडिएको अयोध्याबीच प्रत्यक्ष रेल सम्पर्क भएपछि रामायण सर्किटअन्तर्गत तीर्थयात्री तथा धार्मिक पर्यटकको आवागमन सहज हुने जनकपुरधाम उद्योग वाणिज्य संघका पूर्वअध्यक्ष जीतेन्द्र महासेठले बताए।
विशेष रेल सेवाले नेपाल र भारतका धार्मिक तथा सांस्कृतिक गन्तव्यबीच पर्यटन प्रवर्द्धन गर्नुका साथै स्थानीयस्तरमा आर्थिक गतिविधि बढाउन सहयोग पुग्ने अपेक्षा गरिएको छ।
हाल भारतको जयनगरदेखि नेपालको जनकपुरधाम हुँदै महोत्तरीको बिजलपुरासम्म नियमित रेल सेवा सञ्चालन हुँदै आएको छ।