पर्सा, नोभेम्बर ५, २०२६ — भन्सार कागजातमा उल्लेख भएभन्दा बढी माछा लोड गरिएको ट्रकलाई पर्सा प्रहरीले नियन्त्रणमा लिएको छ।
विशेष सूचनाका आधारमा प्रहरीले बुधबार राति करिब ११ बजे वीरगञ्ज महानगरपालिका–२५ स्थित एकीकृत जाँच चौकी (आईसीपी) सडकखण्डबाट ट्रक नियन्त्रणमा लिएको हो।
प्रदेश २–०३–००१ ख ७०७४ नम्बरको मालवाहक ट्रक जाँच गर्दा भन्सार प्रज्ञापनपत्रमा ९६ क्यारेट माछा उल्लेख भएको तर ट्रकमा थप ४४ क्यारेट माछा लोड गरिएको पाइएको प्रहरीले जनाएको छ।
प्रहरीले ट्रकसँगै चालक वीरगञ्ज महानगरपालिका–२१ निवासी २३ वर्षीय रविकुमार साहलाई पनि नियन्त्रणमा लिएको थियो।
बरामद माछाको कुल मूल्य ३२ लाख ११ हजार ३९२ रुपैयाँ कायम गरिएको प्रहरीले जनाएको छ। थप अनुसन्धान तथा आवश्यक कारबाहीका लागि उक्त माछा बिहीबार वीरगञ्ज भन्सार कार्यालयमा बुझाइएको छ।
पर्साको पकहामैनपुरमा घरअगाडि पटका पट्काउने क्रममा छातीमा छर्रा लागेर आठ वर्षीय कुन्दन सहनीको मृत्यु भएको छ। उपचारका लागि अस्पताल पुर्याइए पनि चिकित्सकले मृत घोषणा गरेका थिए।
०९-नोभेम्बर-२०२६ ११:५२ AM
मोरङको जहदामा रड प्रहारबाट ४० वर्षीय बुधराम सोरेनको मृत्यु भएको घटनामा उनकी श्रीमती र अर्का एक व्यक्ति पक्राउ परेका छन्। प्रहरीले अनुसन्धान जारी राखेको छ।
०९-नोभेम्बर-२०२६ ११:०२ AM
डोल्पा कारागारबाट चार मिटर लामो सुरुङ खनेर भागेका आठमध्ये थप दुई जना पक्राउ परेका छन्। यससँगै पक्राउ पर्ने छ पुगेका छन् भने दुई जना अझै फरार छन्।
०९-नोभेम्बर-२०२६ १०:३७ AM
कर्तव्य ज्यान मुद्दामा १० वर्ष ५ महिना १७ दिन कैद सजाय पाएका ५७ वर्षीय वीरेन्द्र गुप्ता सजाय भुक्तान नगरी २० वर्ष फरार रहेपछि पक्राउ परेका छन्।
०७-नोभेम्बर-२०२६ १२:२० PM
सिरहा प्रहरीले विभिन्न समयमा बरामद गरेका करिब डेढ लाख रुपैयाँ मूल्यका पटाकाजन्य पदार्थ स्थानीयवासी र पत्रकारको रोहवरमा कमला नदी किनारमा पुरेर नष्ट गरेको छ।
०७-नोभेम्बर-२०२६ १०:५१ AM
नेपाल प्रहरीले तिहार, नेपाल संवत् र छठलाई लक्षित गर्दै अपराध तथा दुर्घटना नियन्त्रणका लागि गस्ती, निगरानी, आपत्कालीन टोली र जनचेतनामूलक कार्यक्रमसहित विशेष सुरक्षा योजना लागू गरेको छ।
०६-नोभेम्बर-२०२६ १०:५५ AM