पर्सा, नोभेम्बर २, २०२६ — पर्साको वीरगञ्ज महानगरपालिका–१६ स्थित लिंकरोडबाट पार्किङ गरिएको मोटरसाइकलको लक तोडेर डोर्याउँदै भाग्न खोजेको आरोपमा प्रहरीले एक युवकलाई पक्राउ गरेको छ।
पक्राउ पर्नेमा बाराको निजगढ नगरपालिका–११ निवासी २७ वर्षीय राकेश चौधरी रहेका छन्।
जिल्ला प्रहरी कार्यालय पर्साका अनुसार उक्त मोटरसाइकल वीरगञ्ज महानगरपालिका–२४ रामगढवाका ३० वर्षीय विकास कुमार कुशवाहाको नाममा दर्ता रहेको थियो। मधेस प्रदेश ०३–०३५ प ७१७५ नम्बरको रातो–कालो रङको २२० सीसी पल्सर मोटरसाइकल सडकछेउमा पार्किङ गरिएको थियो।
सोमबार बिहान करिब ९ः३० बजे मोटरसाइकलको लक तोडेर डोर्याउँदै भागिरहेको अवस्थामा वडा प्रहरी कार्यालय बिर्ताबाट खटिएको टोलीले चौधरीलाई मोटरसाइकलसहित नियन्त्रणमा लिएको प्रहरी प्रवक्ता एवं प्रहरी नायब उपरीक्षक चक्रबहादुर मल्लले जानकारी दिए।
पक्राउ परेका चौधरीलाई जिल्ला प्रहरी कार्यालय पर्सामा राखेर घटनाबारे थप अनुसन्धान भइरहेको मल्लले बताए।
बुटवलमा २०२५ अप्रिलमा टिका बिष्ट क्षेत्रीमाथि गोली प्रहार गरेको आरोपमा भारतीय नागरिक सितारे आलम अन्सारी नवलपरासीबाट पक्राउ परेका छन्। प्रहरीले भारतीय मोटरसाइकल पनि बरामद गरेको छ।
१९-अक्टोबर-२०२६ १२:१३ PM
काठमाडौँको माछापोखरी चोकमा असोज ३१ गते विवादपछि भएको झगडामा २० वर्षीय सुवास तामाङको मृत्यु भएको छ। प्रहरीले घटनामा संलग्न आरोपमा अर्जुन ताम्राकारलाई नियन्त्रणमा लिएको छ।
१८-अक्टोबर-२०२६ १२:३६ PM
काठमाडौंको तार्केश्वरमा दुई राउण्ड हवाई फायरपछि पक्राउ परेका ४१ वर्षीय बासुर्दिन मियाँको साथबाट प्रहरीले ३०० ग्राम खैरो हेरोइन बरामद गरेको छ।
१४-अक्टोबर-२०२६ ०१:२७ PM
मुगुको कार्कीवाडामा ७५ वर्षीय धनबिर कामीको खुडा प्रहारबाट हत्या भएको छ। घटनामा संलग्न भएको अभियोगमा प्रहरीले ३२ वर्षीय अजबिर कामीलाई हतियारसहित पक्राउ गरेको छ।
१३-अक्टोबर-२०२६ ०१:०४ PM
कञ्चनपुरमा १६ वर्षीय किशोरलाई खजुवा जंगलमा लगेर खुकुरी देखाउँदै कुटपिट गरेको आरोपमा पाँच जना पक्राउ परेका छन्। घटनाबारे प्रहरीले अनुसन्धान गरिरहेको छ।
१३-अक्टोबर-२०२६ ११:४२ AM
बारामा ५ वर्षीया बालिकामाथि पटक–पटक बलात्कार गरेको आरोपमा ६५ वर्षीय असम्जान मियाँ पक्राउ परेका छन्। पक्राउपछि स्थानीयले कडा कानुनी कारबाहीको माग गर्दै प्रहरी चौकी घेराउ गरेका थिए।
१८-सेप्टेम्बर-२०२६ १०:४९ AM