पर्सा, अक्टोबर २७, २०२६ — नेपाल प्रहरी र सशस्त्र प्रहरी बल नेपालको घुमुवा भएको दाबी गर्दै भन्सार छलीका सामान पास गराइदिने प्रलोभन देखाएर रकम असुली गरेको आरोपमा पर्सामा ५१ वर्षीय अशोककुमार वर्णवाल पक्राउ परेका छन्।
पोखरिया नगरपालिका–५ निवासी वर्णवालले आफू सुरक्षा निकायका कर्मचारीसँग राम्रो चिनजान भएको व्यक्ति भएको बताउँदै भन्सार छली तथा चोरी–तस्करीका सामान सजिलै पास गराइदिने आश्वासन दिने गरेको जिल्ला प्रहरी कार्यालय पर्साले जनाएको छ।
प्रहरीका अनुसार सामान पास गराउन रकम नदिए पक्राउ गराइदिने धम्की दिँदै उनले रकम असुल्ने र बिचौलियाको काम गर्ने गरेको आरोप छ।
यस्ता गतिविधिमा संलग्न रहेको सूचनाका आधारमा प्रहरीले वर्णवाललाई कात्तिक ६ गते पोखरिया नगरपालिका–५ बाट पक्राउ गरेको हो। उनीमाथि कानुनबमोजिम म्याद थप गरी अनुसन्धान भइरहेको प्रहरीले जनाएको छ।
नेपाल प्रहरी तथा सशस्त्र प्रहरी बल नेपालमा जागिर लगाइदिने भन्दै विभिन्न व्यक्तिबाट रकम लिएको भन्ने आरोपबारे पनि अनुसन्धान अघि बढाइएको प्रहरीले जनाएको छ।
वीरगन्जको रजतजयन्ती चोकबाट प्रहरीले स्रोत खुल्न नसकेको ४ लाख ५० हजार भारतीय रुपैयाँसहित भारतीय नागरिक अशोक कुमारलाई पक्राउ गरेको छ। मुद्रा मोटरसाइकलको डिक्कीमा लुकाइएको थियो।
१२-सेप्टेम्बर-२०२६ १०:२० AM
पोखराको फेवातालमा शुक्रबार बिहान भारतीय नम्बर प्लेटको कार खस्दा दुई जनाको मृत्यु र दुई जना घाइते भएका छन्। प्रहरीले कार निकालेर दुर्घटनाबारे अनुसन्धान थालेको छ।
०४-सेप्टेम्बर-२०२६ ११:२४ AM
भक्तपुरको कौशलटारमा गुडिरहेको बसबाट एक्कासि धुवाँ निस्किएको छ। डीएसपी दीपककुमार कार्कीका अनुसार धुवाँ निस्किनुको कारणबारे प्रहरीले बुझ्ने प्रयास गरिरहेको छ।
२७-अक्टोबर-२०२६ ०१:५४ PM
चितवनको पृथ्वी राजमार्गअन्तर्गत इच्छाकामना गाउँपालिका–४, धारापानीमा मंगलबार बिहान ट्रक, बस र माइक्रोबस ठोक्किँदा ११ जना घाइते भएका छन्।
२७-अक्टोबर-२०२६ १२:५२ PM
गुल्मीको कालीगण्डकी गाउँपालिका–२ दबौखानीमा सोमबार स्कार्पियो सडकबाट करिब २५० मिटर तल खस्दा ६ जनाको मृत्यु भएको छ भने तीन जना घाइते भएका छन्।
२७-अक्टोबर-२०२६ १०:४९ AM
सिरहाको गोलबजार नगरपालिका–११ का वडाध्यक्ष सोहेब अनवर गोलबजारमा भएको तोडफोड तथा आगजनीमा संलग्न रहेको आरोपमा सार्वजनिक शान्तिविरुद्धको कसुरमा पक्राउ परेका छन्।
२६-अक्टोबर-२०२६ ०१:४७ PM