नेपाल

पूर्वप्रधानमन्त्री एवं नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ प्रमुख स्वकीय सचिव गोविन्दप्रसाद आचार्यसहित शुक्रबार रुसको राजधानी मस्को प्रस्थान गरेका छन्।

तिहारमा देउसीभैलो कार्यक्रमका क्रममा सार्वजनिक रूपमा अश्लील नृत्य गरेको आरोपमा रुपन्देहीको सिद्धार्थनगरबाट सल्यान, दाङ र गुल्मीका तीन महिला पक्राउ परेका छन्।

धनगढीमा मोटरसाइकल र स्कुटी ठोक्किँदा ३५ वर्षीया सुशीला बमको मृत्यु भएको छ। दुर्घटनामा अन्य पाँच जना घाइते भएका छन् र प्रहरीले अनुसन्धान गरिरहेको छ।

भुटानी शरणार्थी प्रकरणमा थप अनुसन्धान अघि नबढेको भन्दै राप्रपा नेता ज्ञानेन्द्र शाहीले सरकारको आलोचना गरेका छन्। रायमाझी रिहा भएकै दिन उनले प्रश्न उठाएका हुन्।

रुपन्देहीको लुम्बिनी सांस्कृतिक नगरपालिका–१० मा देउसी–भैलो कार्यक्रमका क्रममा सार्वजनिक स्थलमा अश्लील नृत्य गरेको आरोपमा प्रहरीले दुई महिलालाई पक्राउ गरी अनुसन्धान अघि बढाएको छ।

काभ्रेको बनेपा नगरपालिका–६ बुडोलमा दुई यात्रुवाहक बस ठोक्किँदा २० जना घाइते भएका छन्। उनीहरूमध्ये १६ जनाको शिर मेमोरियल र चार जनाको धुलिखेल अस्पतालमा उपचार भइरहेको छ।

पूर्वउपप्रधानमन्त्री टोपबहादुर रायमाझीलाई ज्येष्ठ नागरिकसम्बन्धी कानुनी व्यवस्थाअनुसार चार वर्षको कैद सजायमा २५ प्रतिशत छुट दिइएपछि बिहीबार डिल्लीबजार कारागारबाट रिहा गरिएको छ।

चितवनको इच्छाकामना गाउँपालिका–४ स्थित घोप्टेभीरमा पहिरोका कारण पृथ्वी राजमार्गमा एकतर्फी यातायात मात्र सञ्चालन हुँदा दुईतर्फी आवागमन पुनः सुरु हुन सकेको छैन।

काठमाडौं–सर्लाही चल्ने माइक्रोबस बिहीबार मकवानपुरको चिसापानी गढीमा सडकबाट खस्दा १० जनाको मृत्यु भएको छ भने १५ यात्रुमध्ये पाँच जना घाइते भएका छन्।

भाइटीकाका दिन सशस्त्र प्रहरीले बिहान ८ देखि साँझ ५ बजेसम्म काठमाडौं उपत्यका र भक्तपुरका विभिन्न स्थान जोड्ने तीनवटा निःशुल्क बस सञ्चालन गर्ने भएको छ।

रसुवाको स्याफ्रुबेँसीमा बाढीले बगाएको काठेपुल तीन दिनको प्रयासपछि पुनर्निर्माण गरिएको छ। पुल सञ्चालनमा आएसँगै दुई गाउँपालिकाका बासिन्दालाई पैदल आवतजावत सहज भएको छ।

मोरङमा बुधराम सोरेनको हत्या आरोपमा पक्राउ परेकी श्रीमतीलाई भारततर्फ भाग्दै गरेको अवस्थामा धानबारीबाट नियन्त्रणमा लिइएको छ। अर्का आरोपित पनि प्रहरी हिरासतमा छन्।

दैलेखको काफलतोलीमा भएको जिप दुर्घटनामा घाइते भएका दुई जनाको उपचारका क्रममा मृत्यु भएको छ भने अन्य चार जनाको उपचार भइरहेको छ।

थाइल्यान्डमा आयोजित आईओएए–जेआर २०२६ मा नेपाली विद्यार्थीले एक स्वर्ण, एक कांस्य र एक सम्माननीय उल्लेख प्राप्त गरेका छन्। शाहवाज आलम अन्तर्राष्ट्रिय विज्ञान ओलम्पियाडमा स्वर्ण जित्ने पहिलो नेपाली बनेका छन्।

चितवनको इच्छाकामना गाउँपालिका–४ स्थित घोप्टेभिरमा सुक्खा पहिरो खसेपछि नौ घण्टा अवरुद्ध पृथ्वी राजमार्गको मुग्लिन–मलेखु सडकखण्ड दुईतर्फी सञ्चालनमा आएको छ।

राष्ट्रपति रामचन्द्र पौडेलले गाई तिहारका अवसरमा शीतल निवासमा गाईको पूजा गरेका छन्। उनले गाईलाई लक्ष्मीको प्रतीक मानी विधिपूर्वक पूजा गरी खानेकुरा खुवाए।