काठमाडौं, नोभेम्बर १४, २०२६ — स्वास्थ्य बीमा नवीकरण गर्न अब बीमित परिवारका सबै सदस्यको केवाईसी (ग्राहक पहिचान विवरण) अद्यावधिक गर्नुपर्ने भएको छ। स्वास्थ्य बीमा बोर्डले नवीकरणअघि यो प्रक्रिया पूरा गर्न अनिवार्य गरेको हो।
बोर्डले सार्वजनिक सूचना जारी गर्दै परिवारका सबै सदस्यको विवरण प्रमाणीकरण तथा अद्यावधिक भएपछि मात्रै बीमा नवीकरण प्रक्रिया अघि बढ्ने स्पष्ट पारेको छ।
नयाँ व्यवस्थासँगै कनेक्टआईपीएस, इसेवा र खल्तीजस्ता डिजिटल भुक्तानी माध्यमबाट सिधै स्वास्थ्य बीमा नवीकरण गर्ने सेवा अस्थायी रूपमा बन्द गरिएको छ।
बोर्डले बीमितहरूलाई आधिकारिक स्वास्थ्य बीमा बोर्डको ई–पोर्टलमा लगइन गरी परिवारका सबै सदस्यको केवाईसी विवरण अद्यावधिक गर्न आग्रह गरेको छ। यसका साथै पुरानो बीमा अभिलेखसमेत पोर्टलमार्फत अद्यावधिक गर्नुपर्नेछ।
यस व्यवस्थापछि बीमितहरूले सूचीबद्ध डिजिटल भुक्तानी सेवाबाट सिधै नवीकरण गर्न पाउने छैनन्। नवीकरण अघि बढाउन पहिले अनलाइन पोर्टलमा आवश्यक विवरण अद्यावधिक गर्नुपर्नेछ।
खुकुरी देखाउँदै अश्लील तथा डरत्रास फैलाउने टिकटक भिडियो पोस्ट गरेको आरोपमा सिरहाको गोलबजारका २१ वर्षीय महमद आशिक अन्सारी पक्राउ परेका छन्। प्रहरीले थप अनुसन्धान गरिरहेको छ।
१५-नोभेम्बर-२०२६ १२:३६ PM
राष्ट्रपति रामचन्द्र पौडेलले छठ पर्वले राष्ट्रिय एकता, सांस्कृतिक संरक्षण र सामाजिक सद्भाव बढाउने विश्वास व्यक्त गर्दै विभेद अन्त्य र समृद्धिका लागि शुभकामना दिएका छन्।
१५-नोभेम्बर-२०२६ ११:३६ AM
रास्वपा सभापति रवि लामिछानेले मधेशका नागरिकको जीवनस्तर सुधार्नु पार्टीको पहिलो जिम्मेवारी भएको बताएका छन्। प्रतिबद्धता पूरा नभए आगामी निर्वाचनमा जनसमर्थन गुम्न सक्ने उनको चेतावनी छ।
१५-नोभेम्बर-२०२६ ११:०६ AM
काठमाडौंको ठमेलस्थित फायर चोक अगाडि मदिरा सेवन गरी होहल्ला र झैझगडा गरेको आरोपमा प्रहरीले चार जना चिनियाँ नागरिकलाई नियन्त्रणमा लिएर अनुसन्धान अघि बढाएको छ।
१५-नोभेम्बर-२०२६ १०:५४ AM
भारततर्फ जाँदै गरेका बर्दियाका दुई युवतीलाई मानव बेचबिखनको सम्भावित जोखिम र सुरक्षाबारे जाँचबुझ गर्न सशस्त्र प्रहरीले गड्डाचौकी सीमा नाकाबाट नियन्त्रणमा लिएको छ।
१५-नोभेम्बर-२०२६ १०:४८ AM
ललितपुरको वडा नं. १० कार्यालयनजिक युएन पार्कअगाडि रहेको सेकुवालय रेस्टुरेन्ट सञ्चालन भएको भवनमा शनिबार दिउँसो आगलागी भएको थियो। दमकलको सहयोगमा आगो नियन्त्रणमा लिइएको छ।
१४-नोभेम्बर-२०२६ ०५:३१ PM