रुपन्देही, नोभेम्बर १३, २०२६ — तिहारको अवसरमा देउसीभैलो कार्यक्रमका नाममा सार्वजनिक रूपमा अश्लील नृत्य प्रदर्शन गरेको आरोपमा रुपन्देही प्रहरीले तीन महिलालाई नियन्त्रणमा लिएको छ।
जिल्ला प्रहरी कार्यालय रुपन्देहीका अनुसार वडा प्रहरी कार्यालय भैरहवाबाट खटिएको टोलीले बिहीबार सिद्धार्थनगर नगरपालिका–७ स्थित कान्छीबजारबाट उनीहरूलाई पक्राउ गरेको हो।
पक्राउ पर्नेमा सल्यानको कपुरकोट गाउँपालिका–४ की २२ वर्षीया पुजा ठकुरी, दाङको गढवा गाउँपालिका–७ की २३ वर्षीया सपना चौधरी र गुल्मीको सत्यवती गाउँपालिका–६ की २४ वर्षीया बिपना मगर रहेका छन्।
तिहारका बेला नेपाली मौलिक कला तथा संस्कृतिका साथै सामाजिक शिष्टाचार र नैतिकताको प्रतिकूल हुने गरी सार्वजनिक रूपमा नृत्य प्रदर्शन गरेको आरोपमा उनीहरूलाई नियन्त्रणमा लिइएको प्रहरीले जनाएको छ।
जिल्ला प्रहरी कार्यालय रुपन्देहीका सूचना अधिकारी तथा प्रहरी नायब उपरीक्षक कृष्णकुमार चन्दका अनुसार पक्राउ परेका तीनै जनाविरुद्ध सार्वजनिक हित र नैतिकताविरुद्धको कसुरमा मुद्दा चलाइएको छ। उनीहरूमाथि थप अनुसन्धान भइरहेको प्रहरीले जनाएको छ।
खुकुरी देखाउँदै अश्लील तथा डरत्रास फैलाउने टिकटक भिडियो पोस्ट गरेको आरोपमा सिरहाको गोलबजारका २१ वर्षीय महमद आशिक अन्सारी पक्राउ परेका छन्। प्रहरीले थप अनुसन्धान गरिरहेको छ।
१५-नोभेम्बर-२०२६ १२:३६ PM
सर्लाहीको बसन्तपुरमा घरमै सुतिरहेका ७० वर्षीय शुकदेव साह र उनकी श्रीमतीमाथि अज्ञात समूहले इँटा प्रहार गर्दा दुवै जना गम्भीर घाइते भएका छन्।
१४-नोभेम्बर-२०२६ ०३:५६ PM
भक्तपुरको राधेराधेस्थित प्रजापति कम्प्लेक्सको पाँचौँ तलामा रहेको रेस्टुरेन्टमा आगलागी हुँदा लाखौँको क्षति भएको छ। घटनामा मानवीय क्षति भने भएको छैन।
१४-नोभेम्बर-२०२६ ०२:३५ PM
इलाममा खोल्सीमा मृत भेटिएकी ६६ वर्षीया जितमती लिम्बुको मृत्यु घटनामा संलग्न रहेको आरोपमा भारतबाट तिहार मनाउन फर्किएका ३२ वर्षीय त्रिभुवन भुजेल पक्राउ परेका छन्।
१४-नोभेम्बर-२०२६ १०:२६ AM
धनगढीमा मोटरसाइकल र स्कुटी ठोक्किँदा ३५ वर्षीया सुशीला बमको मृत्यु भएको छ। दुर्घटनामा अन्य पाँच जना घाइते भएका छन् र प्रहरीले अनुसन्धान गरिरहेको छ।
१३-नोभेम्बर-२०२६ १०:४९ AM
काठमाडौं–सर्लाही चल्ने माइक्रोबस बिहीबार मकवानपुरको चिसापानी गढीमा सडकबाट खस्दा १० जनाको मृत्यु भएको छ भने १५ यात्रुमध्ये पाँच जना घाइते भएका छन्।
१२-नोभेम्बर-२०२६ १०:२० AM