अछाम, नोभेम्बर १४, २०२६ — छोराको मृत्युको शोकमा डुबेका अछामका एक बुवा आर्थिक अभावका कारण मृत छोराको शव गाउँ पुर्याएर अन्तिम संस्कार गर्न नसक्ने अवस्थामा सदरमुकाममै रोकिएका छन्।
ढकारी गाउँपालिका–१ बासल्लाका गंगाराम बुढाका २८ वर्षीय छोरा बिर्ख बुढाको उपचारका क्रममा शनिबार बिहान करिब ९ः१५ बजे जिल्ला अस्पतालमा मृत्यु भएको हो।
शुक्रबार साँझ करिब ७ः३० बजे स्थानीय पसलबाट घर फर्किने क्रममा बिर्ख भीरबाट खसेका थिए। दुर्घटनापछि उनलाई राति नै उपचारका लागि जिल्ला अस्पताल पुर्याइएको थियो।
चिकित्सकले थप उपचारका लागि अन्यत्र लैजान सुझाव दिएका थिए। तर आर्थिक अवस्था कमजोर भएका कारण गंगारामले छोरालाई अन्यत्र लैजान सकेनन्। छोराको ज्यान बचाउने आशामा उनले २० हजार रुपैयाँ खर्चेर जीपसमेत बुक गरेका थिए। तर थप उपचारका लागि लैजान नपाउँदै बिर्खको मृत्यु भयो।
छोराको निधनपछि परिवारमाथि अर्को आर्थिक संकट थपिएको छ। गाउँबाट सदरमुकामसम्म ल्याउँदा लागेको जीप भाडासमेत तिर्न नसक्ने अवस्थामा रहेका गंगारामका लागि अब शव गाउँ पुर्याएर अन्त्येष्टि गर्नु झनै कठिन बनेको छ।
मृत्युपछि पूरा गर्नुपर्ने कानुनी प्रक्रियासमेत उनका लागि चुनौती बनेको छ। प्रहरी कार्यालयमा पेस गर्नुपर्ने जाहेरी लेखाउन वकिललाई शुल्क तिर्नसमेत पैसा नभएको बताइएको छ। छोराको शव, आर्थिक अभाव र कानुनी प्रक्रियाको समस्याले उनी मंगलसेनमै रोकिएका छन्।
खुकुरी देखाउँदै अश्लील तथा डरत्रास फैलाउने टिकटक भिडियो पोस्ट गरेको आरोपमा सिरहाको गोलबजारका २१ वर्षीय महमद आशिक अन्सारी पक्राउ परेका छन्। प्रहरीले थप अनुसन्धान गरिरहेको छ।
१५-नोभेम्बर-२०२६ १२:३६ PM
राष्ट्रपति रामचन्द्र पौडेलले छठ पर्वले राष्ट्रिय एकता, सांस्कृतिक संरक्षण र सामाजिक सद्भाव बढाउने विश्वास व्यक्त गर्दै विभेद अन्त्य र समृद्धिका लागि शुभकामना दिएका छन्।
१५-नोभेम्बर-२०२६ ११:३६ AM
रास्वपा सभापति रवि लामिछानेले मधेशका नागरिकको जीवनस्तर सुधार्नु पार्टीको पहिलो जिम्मेवारी भएको बताएका छन्। प्रतिबद्धता पूरा नभए आगामी निर्वाचनमा जनसमर्थन गुम्न सक्ने उनको चेतावनी छ।
१५-नोभेम्बर-२०२६ ११:०६ AM
काठमाडौंको ठमेलस्थित फायर चोक अगाडि मदिरा सेवन गरी होहल्ला र झैझगडा गरेको आरोपमा प्रहरीले चार जना चिनियाँ नागरिकलाई नियन्त्रणमा लिएर अनुसन्धान अघि बढाएको छ।
१५-नोभेम्बर-२०२६ १०:५४ AM
भारततर्फ जाँदै गरेका बर्दियाका दुई युवतीलाई मानव बेचबिखनको सम्भावित जोखिम र सुरक्षाबारे जाँचबुझ गर्न सशस्त्र प्रहरीले गड्डाचौकी सीमा नाकाबाट नियन्त्रणमा लिएको छ।
१५-नोभेम्बर-२०२६ १०:४८ AM
ललितपुरको वडा नं. १० कार्यालयनजिक युएन पार्कअगाडि रहेको सेकुवालय रेस्टुरेन्ट सञ्चालन भएको भवनमा शनिबार दिउँसो आगलागी भएको थियो। दमकलको सहयोगमा आगो नियन्त्रणमा लिइएको छ।
१४-नोभेम्बर-२०२६ ०५:३१ PM
बिर्ख परिवारका जेठा छोरा थिए। भारतमा मजदुरी गरेर परिवारको खर्च धान्दै आएका उनी पाँच महिनाअघि मात्रै घर फर्किएका थिए। त्यसपछि गाउँमै ज्यालामजदुरी गर्न थाले पनि उनको कमाइले परिवारको बिहान–बेलुकाको छाक टार्नसमेत मुस्किल थियो।
बिर्खका तीन जना साना भाइ छन्। उनीहरू पाँच, सात र ११ वर्षका छन्। जेठो छोराको शव गाउँ पुर्याएर आफन्त र परिवारका सदस्यको उपस्थितिमा अन्तिम संस्कार गर्ने गंगारामको चाहना छ। तर त्यसका लागि आवश्यक खर्च जुटाउन नसक्दा उनी असहाय बनेका छन्।
गंगारामको अवस्थाबारे जानकारी पाएपछि अछामका पत्रकार वेदप्रकाश तिमिल्सिनाले बिर्खको अन्त्येष्टिका लागि आर्थिक सहयोग जुटाउने पहल थालेका छन्। उनले आवश्यक खर्च जुटाउन सहयोग गरिदिन सर्वसाधारणसँग अपिलसमेत गरेका छन्।
छोराको मृत्युको पीडासँगै अन्तिम संस्कारका लागि आवश्यक खर्च जुटाउन नसक्नु गंगारामका लागि अर्को ठूलो संकट बनेको छ। अहिले उनको एउटै चाहना छ—आर्थिक सहयोग जुटाएर छोराको शव गाउँ पुर्याउने र परिवार तथा आफन्तको उपस्थितिमा अन्तिम बिदाइ गर्ने।