काठमाडौं, नोभेम्बर १५, २०२६ — राष्ट्रपति रामचन्द्र पौडेलले छठ पर्वले समाजमा विद्यमान वर्गीय, जातीय, लैङ्गिकलगायत सबै प्रकारका विभेद, कुरीति र विसङ्गति अन्त्य गर्दै नेपालीबीच राष्ट्रिय एकता अभिवृद्धि गर्ने विश्वास व्यक्त गरेका छन्।
छठ पर्व २०८३ का अवसरमा आइतबार शुभकामना सन्देश जारी गर्दै राष्ट्रपति पौडेलले यस पर्वले मौलिक संस्कृतिको संरक्षण तथा संवर्द्धन र आपसी सद्भाव सुदृढ बनाउन प्रेरणा दिने बताएका छन्।
दीर्घायु, स्वच्छता, सात्विक भोजन, संयमता, सद्भाव र समृद्धिको कामनासहित मनाइने छठ पर्वले सूर्यदेवको आराधनामार्फत सामाजिक तथा प्राकृतिक सन्तुलनको सन्देश दिने गरेको उनले उल्लेख गरेका छन्।
विधिपूर्वक छठको व्रत सम्पन्न गर्दा मनोकामना पूरा हुने, परिवारको कल्याण हुने र दुःखकष्ट हटेर शुभ हुने जनविश्वास रहेको पनि राष्ट्रपति पौडेलले बताएका छन्।
आफ्नो शुभकामना सन्देशमा उनले पृथ्वीमा जीवनका लागि सूर्यको महत्त्व औँल्याउँदै कात्तिक शुक्ल चतुर्थीदेखि सप्तमीसम्म जल प्रवाह हुने स्थानमा बसेर अस्ताउँदो र भोलिपल्ट उदाउँदो सूर्यलाई दूधको अर्घ्य दिई पूजा गर्ने परम्पराले प्रकृतिप्रति सम्मान व्यक्त गर्ने बताएका छन्।
उनका अनुसार यस पर्वका विधि र परम्पराले पर्यावरणीय चेतना बढाउनुका साथै पारिवारिक तथा सामाजिक ऐक्यबद्धता बलियो बनाउन पनि सहयोग पुर्याउँछन्।
रुसमा सम्पन्न खगोलविज्ञान ओलम्पियाडमा नेपाली विद्यार्थीले एक रजत र तीन कांस्य पदक जितेका छन्। रिवाश राई अन्तर्राष्ट्रिय प्रतियोगितामा रजत जित्ने पहिलो नेपाली बनेका छन्।
१५-नोभेम्बर-२०२६ ११:२२ AM
नेपालले बूढीगण्डकी जलविद्युत् आयोजनामा युएईको लगानी प्रस्ताव गरेको छ। गृहमन्त्री सुधन गुरुङको अबुधाबी भेटमा कृषि, सेवा क्षेत्र र सुरक्षा प्रविधिमा सहकार्य विस्तारबारे पनि छलफल भएको छ।
१५-नोभेम्बर-२०२६ ११:१५ AM
रास्वपा सभापति रवि लामिछानेले मधेशका नागरिकको जीवनस्तर सुधार्नु पार्टीको पहिलो जिम्मेवारी भएको बताएका छन्। प्रतिबद्धता पूरा नभए आगामी निर्वाचनमा जनसमर्थन गुम्न सक्ने उनको चेतावनी छ।
१५-नोभेम्बर-२०२६ ११:०६ AM
काठमाडौंको ठमेलस्थित फायर चोक अगाडि मदिरा सेवन गरी होहल्ला र झैझगडा गरेको आरोपमा प्रहरीले चार जना चिनियाँ नागरिकलाई नियन्त्रणमा लिएर अनुसन्धान अघि बढाएको छ।
१५-नोभेम्बर-२०२६ १०:५४ AM
चितवनको इच्छाकामना गाउँपालिका–४ स्थित घोप्टेभीरमा पहिरोका कारण पृथ्वी राजमार्गमा एकतर्फी यातायात मात्र सञ्चालन हुँदा दुईतर्फी आवागमन पुनः सुरु हुन सकेको छैन।
१२-नोभेम्बर-२०२६ १०:५६ AM
तिहारको अन्तिम दिन भाइटीका देशभर मनाइँदैछ। समितिले बिहान ११:०७ बजेलाई उत्तम साइत तोकेको छ भने रानीपोखरीस्थित बालगोपालेश्वर मन्दिर पनि खुला गरिएको छ।
११-नोभेम्बर-२०२६ १०:०० AM
राष्ट्रपति पौडेलले सूर्य, जल र पृथ्वीप्रति श्रद्धा व्यक्त गर्दै छठी माताको पूजा, अर्चना तथा व्रत गर्ने परम्परा रहेको उल्लेख गरेका छन्। यस अवसरमा भक्तजन रातभर नदी, खोला, पोखरी र तालतलैयाका किनारमा जाग्राम बसेर पर्व मनाउने गर्छन्।
विशेषगरी तराई तथा मधेस क्षेत्रमा मनाइने छठ पर्व पछिल्लो समय काठमाडौं उपत्यकासहित पहाडी र हिमाली जिल्लामा समेत श्रद्धा र भक्तिपूर्वक मनाउने क्रम बढ्नु खुसीको विषय भएको उनले बताएका छन्।
राष्ट्रपति पौडेलले समाजमा रहेका सबै प्रकारका विभेद र विसङ्गति अन्त्य गर्दै दिगो शान्ति, सुशासन, विकास तथा समृद्धि हासिल गर्न छठी माता र सूर्य भगवान्को कृपा कायम रहने कामना गरेका छन्।