प्रवासी नेपाली

सिड्नीका रेलमा २००६ देखि २०२५ सम्म चार महिलामाथि यौन अपराध गरेका ४९ वर्षीय नेपाली दिनेश राज उप्रेतीलाई तीन वर्षको सुधार आदेश र ३५० घण्टा सामुदायिक सेवा सजाय सुनाइयो।

टर्कीमा रोजगारीका क्रममा शोषण र कठिन परिस्थिति भोगेको आरोप लगाएकी नेपाली महिला सुसिला भुसाल छिट्टै नेपाल फर्किने भएकी छन्। उनको फिर्तीका लागि दूतावासमार्फत समन्वय भइरहेको छ।

जापानको फुकुओकामा २५ वर्षीया नेपाली विद्यार्थी लक्ष्मी राजवंशीको शव नाका नदीमा फेला परेको छ। टाउको तथा शरीरमा चोट देखिएपछि प्रहरीले घटनालाई हत्या मानेर अनुसन्धान गरिरहेको छ।

ममता काफ्ले भट्टको हत्या आरोपमा नरेश भट्टविरुद्धको मुद्दामा अक्टोबर ६ देखि निर्णायक मण्डल छनोट हुँदैछ। अदालतले बिहीबार सम्भावित फरेन्सिक, डिजिटल र परिस्थितिजन्य प्रमाणबारे छलफल गरेको छ।

पाकिस्तानको ब्रोड पिकमा हिमपहिरोमा परी जुलाई ३० मा निधन भएका पर्वतारोही निर्मल पुर्जाको अन्त्येष्टि अगस्ट २६ मा बेलायतको डोर्सेटमा बिहान १० बजे हुने भएको छ।