संसार

छवि उपलब्ध छैन

इन्डोनेसियाको फ्लोरेस द्वीप आसपास शनिबार बिहान ७.७ म्याग्निच्युडको शक्तिशाली भूकम्प गएपछि कम्तीमा पाँच जनाको मृत्यु भएको छ। भूकम्पले भवनमा क्षति पुर्‍याएपछि र सुनामीको चेतावनी जारी भएपछि हजारौं मानिस सुरक्षित स्थान तथा अग्लो भूभागतर्फ सरेका छन्। अमेरिकी भूगर्भ सर्वेक्षण (USGS) का अनुसार भूकम्प स्थानीय समयअनुसार बिहान ५:५८ बजे गएको थियो। इन्डोनेसियाको मौसम, जलवायु तथा भूभौतिकी एजेन्सी (BMKG) ले भने भूकम्प बिहान ४:५८ बजे गएको र यसको केन्द्र नगेकेओ रिजेन्सीको म्बायबाट करिब ३० किलोमिटर उत्तरपूर्वमा समुद्रनजिक रहेको जनाएको छ। BMKG का अनुसार भूकम्पको गहिराइ १५ किलोमिटर थियो।

छवि उपलब्ध छैन

भारतको उत्तरी पहाडी राज्य उत्तराखण्डमा निर्माणाधीन जलविद्युत् आयोजनाको सुरुङ राति भत्किँदा कम्तीमा सात जना कामदारको मृत्यु भएको अधिकारीहरूले बताएका छन्। जिल्लाका उच्च अधिकारी गौरव कुमारका अनुसार चमोली जिल्लास्थित विष्णुगाड–पिपलकोटी जलविद्युत् आयोजनाको निर्माणाधीन सुरुङमा बिहीबार राति अचानक पानी र माटो तथा ढुंगासहितको लेदो पसेपछि सुरुङ भत्किएको हो।

छवि उपलब्ध छैन

बिहीबारदेखि शुक्रबार बिहानसम्म पूर्वी जापानमा परेको मुसलधारे वर्षाका कारण व्यापक बाढी आएपछि कम्तीमा चार जनाको मृत्यु भएको छ भने एक जना अझै अचेत अवस्थामा छन्। भारी वर्षापछि विभिन्न क्षेत्रमा बाढी र उच्चस्तरीय आपत्कालीन चेतावनी जारी गरिएको थियो। जापान मौसम विज्ञान एजेन्सीले केही समयका लागि आफ्नो विपद् चेतावनी प्रणालीको सबैभन्दा उच्च अर्थात् लेभल ५ चेतावनी जारी गरेको थियो। यो चेतावनी टोकियो नजिकैको चिबा प्रिफेक्चरका एक तिहाइभन्दा बढी स्थानीय तहमा लागू गरिएको थियो। शुक्रबार बिहान सबै आपत्कालीन चेतावनीको स्तर घटाइएको छ।

छवि उपलब्ध छैन

मध्य प्रदेशमा करेन्ट लागेर गाई मरेपछि गाउँलेहरूले ट्रान्सफर्मर र आसपासका विद्युत् पोलमा तोडफोड गरेका छन्। ट्रान्सफर्मरबाट विद्युत् चुहावट हुँदा गाईलाई करेन्ट लागेको स्थानीयको आरोप छ।स्थानीय बासिन्दाले घटनाका लागि विद्युत् विभागको लापरबाहीलाई जिम्मेवार ठहर गरेका छन्। गाईको मृत्यु भएपछि आक्रोशित गाउँलेहरूले लाठी तथा अन्य वस्तु प्रयोग गरी ट्रान्सफर्मर र आसपासका विद्युत् पोलमा आक्रमण गरेका थिए। घटनाको भिडियो सामाजिक सञ्जालमा व्यापक रूपमा फैलिएको छ।