चितवन, नोभेम्बर ४, २०२६ — प्रहरीले चितवनका विभिन्न स्थानबाट ६ लाख २३ हजार ४६५ रुपैयाँ बराबरका पटाका तथा विस्फोटक पदार्थसहित दुई भारतीय नागरिकलाई पक्राउ गरेको छ।
प्रहरीले उनीहरूको साथबाट भिरझिरे, खुर्सानी, चक्र र रकेटलगायतका ८० हजार ३७२ वटा पटाका तथा एक लाख ७२ हजार ३०० रुपैयाँ नगद बरामद गरेको जनाएको छ।
जिल्ला प्रहरी कार्यालयका प्रमुख प्रहरी उपरीक्षक रामेश्वर पौडेलका अनुसार पक्राउ पर्नेमा भारतको मोतिहारी जिल्ला घर भई हाल कालिका नगरपालिका–६ हरिहरटोल बस्ने ४१ वर्षीय सञ्जय साह तेली र सोही जिल्लाका २९ वर्षीय कन्हैया कुमार रहेका छन्। कन्हैया भरतपुर महानगरपालिका–३ बाह्रघरेमा बस्दै आएका थिए।
प्रहरी उपरीक्षक पौडेलले पटाकाजस्ता विस्फोटक पदार्थको कारोबार भइरहेको जानकारी पाएमा नजिकको प्रहरी कार्यालयमा खबर गर्न सर्वसाधारणलाई आग्रह गरेका छन्।
पक्राउ परेका दुवै जनाविरुद्ध विस्फोटक पदार्थको ओसारपसार तथा सञ्चयलगायतका कसुरमा कानुनी कारबाही अघि बढाइने उनले बताए। त्यसका लागि प्रहरीले उनीहरूलाई हिरासतमा राख्ने म्याद थप गर्ने जनाएको छ।
मन्त्रिपरिषद् बैठकले अतिरिक्त प्रहरी महानिरीक्षक मनोजकुमार केसीलाई नेपाल प्रहरीको नयाँ महानिरीक्षक नियुक्त गरेको छ। सरकारका प्रवक्ताले यसलाई जिम्मेवारी परिवर्तन मात्र भएको बताएका छन्।
०४-नोभेम्बर-२०२६ ०३:०५ PM
गुल्मीको रेसुङ्गा नगरपालिका–४ स्थित डुङडुङे भिरबाट लडेर ३७ वर्षीया तारा बस्नेतको बुधबार बिहान मृत्यु भएको छ। घटनास्थलमा तीन सुरक्षा निकायको टोली पुगेको थियो।
०४-नोभेम्बर-२०२६ ०२:३३ PM
चितवनको भरतपुरस्थित राधाकृष्ण सामुदायिक वनमा निउरो टिप्न गएका ४६ वर्षीय भीम महतोको बाघको आक्रमणबाट मृत्यु भएको छ। घटनापछि बाघलाई नियन्त्रणमा लिइएको छ।
०४-नोभेम्बर-२०२६ ०१:१९ PM
डोल्पा जिल्ला कारागारबाट सुरुङ खनेर फरार भएका आठ कैदीबन्दीमध्ये चार जना पक्राउ परेका छन्। बाँकी चार जनाको खोजीमा प्रहरी टोली परिचालन गरिएको छ।
०४-नोभेम्बर-२०२६ ०९:५१ AM
पर्साको वीरगञ्जमा पार्किङ गरिएको २२० सीसी पल्सर मोटरसाइकलको लक तोडेर भाग्न खोजेको आरोपमा बाराका २७ वर्षीय राकेश चौधरी पक्राउ परेका छन्।
०२-नोभेम्बर-२०२६ ०५:०३ PM
सुनसरीको धरानमा दुई स्कार्पियो गाडीमा करिब २१० किलो गाँजा लोड गरिरहेको अवस्थामा प्रहरीले पाँच जनालाई पक्राउ गरेको छ। नियन्त्रणमा लिन प्रहरीले दुई राउन्ड हवाई फायर गरेको थियो।
०२-नोभेम्बर-२०२६ ११:०१ AM