डोल्पा, नोभेम्बर ४, २०२६ — डोल्पा जिल्ला कारागारबाट फरार भएका आठ जना कैदीबन्दीमध्ये चार जना पक्राउ परेका छन् भने बाँकी चार जना अझै फरार छन्।
मंगलबार रुकुम पश्चिमबाट दुई जना पक्राउ परेका थिए। बुधबार बिहान करिब ३ बजे डोल्पाको त्रिपुरासुन्दरी नगरपालिका–४ बाट थप दुई जना पक्राउ परेसँगै पक्राउ पर्नेको संख्या चार पुगेको हो।
डोल्पाकी प्रमुख जिल्ला अधिकारी जुनु हमालका अनुसार बुधबार पक्राउ पर्नेमा डोल्पाको त्रिपुरासुन्दरी नगरपालिका–७ का कालिप्रसाद रोकाय र जाजरकोटको नलगाड नगरपालिका–९ का कपिल परियार रहेका छन्।
यसअघि मंगलबार रुकुम पश्चिमको आठबिसकोट नगरपालिका–१० का रामबहादुर विक र सल्यानको कुमाख गाउँपालिका–५ का रेशम राना पक्राउ परेका थिए।
अझै फरार रहेकामा डोल्पाको त्रिपुरासुन्दरी नगरपालिका–४ का हरिबहादुर बुढा, जाजरकोटको बारेकोट गाउँपालिका–१ का यज्ञ विक तथा रुकुम पश्चिमको आठबिसकोट नगरपालिका–५ का तिलक भण्डारी र वडा नम्बर ३ का आदेश भण्डारी रहेका छन्।
गत कात्तिक १४ गते राति जिल्ला कारागारको भित्री पर्खाल र बाहिरी कम्पाउन्डमा सुरुङ खनेर आठ जना कैदीबन्दी फरार भएका थिए।
रुकुम पश्चिमको देउताखोलामा जिप सडकबाट ५० मिटर तल खस्दा दुई जनाको मृत्यु र नौ जना घाइते भएका छन्। गम्भीर घाइतेलाई हेलिकप्टरबाट सुर्खेत लगिएको छ।
१३-सेप्टेम्बर-२०२६ ०२:४४ PM
मन्त्रिपरिषद् बैठकले अतिरिक्त प्रहरी महानिरीक्षक मनोजकुमार केसीलाई नेपाल प्रहरीको नयाँ महानिरीक्षक नियुक्त गरेको छ। सरकारका प्रवक्ताले यसलाई जिम्मेवारी परिवर्तन मात्र भएको बताएका छन्।
०४-नोभेम्बर-२०२६ ०३:०५ PM
गुल्मीको रेसुङ्गा नगरपालिका–४ स्थित डुङडुङे भिरबाट लडेर ३७ वर्षीया तारा बस्नेतको बुधबार बिहान मृत्यु भएको छ। घटनास्थलमा तीन सुरक्षा निकायको टोली पुगेको थियो।
०४-नोभेम्बर-२०२६ ०२:३३ PM
चितवन प्रहरीले ६ लाख २३ हजार ४६५ रुपैयाँका ८० हजार ३७२ वटा पटाका र एक लाख ७२ हजार ३०० रुपैयाँ नगदसहित दुई भारतीय नागरिकलाई पक्राउ गरेको छ।
०४-नोभेम्बर-२०२६ १०:०० AM
जाजरकोटको जुनीचाँदेमा कोदालो प्रहारबाट ४० वर्षीय भबिराम थापाको मृत्यु भएको छ। घटनापछि आरोपित बले थापा फरार छन् र प्रहरीले उनको खोजी गरिरहेको छ।
०४-नोभेम्बर-२०२६ ०९:४३ AM
पर्साको वीरगञ्जमा पार्किङ गरिएको २२० सीसी पल्सर मोटरसाइकलको लक तोडेर भाग्न खोजेको आरोपमा बाराका २७ वर्षीय राकेश चौधरी पक्राउ परेका छन्।
०२-नोभेम्बर-२०२६ ०५:०३ PM
फरार कैदीबन्दीको खोजी तथा पक्राउका लागि प्रहरीले विभिन्न क्षेत्रमा टोली परिचालन गरेको जनाएको छ।