चितवन, नोभेम्बर ६, २०२६ — राष्ट्रिय स्वतन्त्र पार्टी (रास्वपा) का सभापति रवि लामिछानेले नारायणी नदीको कटानबाट बजार क्षेत्रलाई सुरक्षित राख्न तत्कालीन उपाय र दीर्घकालीन योजना बनाएर अघि बढ्ने प्रतिबद्धता जनाएका छन्।
नारायणी नदी किनारमा भएको क्षतिको स्थलगत निरीक्षणपछि उद्योग वाणिज्य सङ्घ चितवनमा आयोजित सरोकारवालासँगको छलफलमा उनले नागरिकको ज्यान, बजारको अस्तित्व र ऐतिहासिक महत्त्व तथा व्यवसायीको सम्पत्ति जोगाउनु अहिलेको प्रमुख प्राथमिकता भएको बताए।
बजार क्षेत्रमा देखिएको जोखिमबारे उद्योग वाणिज्य सङ्घले जानकारी गराएलगत्तै आफूले सम्बन्धित निकायलाई खबर गरेको र आवश्यक अध्ययन तथा योजना निर्माणका लागि टोली परिचालन गरिएको उनले जानकारी दिए। उक्त टोलीले काम सुरु गरिसकेको उल्लेख गर्दै लामिछानेले आगामी दिनमा पनि यसलाई निरन्तरता दिने बताए।
उनले तत्काल गर्नुपर्ने कामसँगै दीर्घकालीन समाधानका उपाय समेटेर योजना बनाउनुपर्नेमा जोड दिए। प्राविधिक अध्ययनले आवश्यक देखाए भविष्यमा बजार क्षेत्र नै स्थानान्तरण गर्नुपर्ने अवस्था आउन सक्ने उनको भनाइ थियो। त्यस्तो अवस्था आए सबै सरोकारवाला एकमत भएर निर्णय प्रक्रियामा सहभागी हुनुपर्ने उनले बताए।
“जनता जोगाउनका लागि बजेट दोस्रो कुरा हो । जनतालाई कसरी जोगाउन सकिन्छ भन्ने पहिलो प्राथमिकता हो”, उनले भने, “नागरिकको जिउ, बजारको इतिहास र त्यहाँका व्यवसायीको सम्पत्ति जोगाउन तत्काल के गर्न सकिन्छ र दीर्घकालीन रूपमा के गर्नुपर्छ भन्ने विषयमा स्पष्ट योजना आवश्यक छ ।”
आफ्नो निर्वाचन क्षेत्र भएकै कारण चितवनलाई विशेष प्राथमिकता दिनुपर्ने धारणा नरहेको स्पष्ट पार्दै लामिछानेले देशका विभिन्न क्षेत्रमा बाढीपहिरोबाट भएको क्षति र आवश्यकताका आधारमा राज्यले स्रोतसाधन परिचालन गर्नुपर्ने बताए। कर्णाली, सुदूरपश्चिम र मधेसलगायतका क्षेत्रमा बाढीबाट प्रभावित नागरिकका समस्या पनि उत्तिकै महत्त्वपूर्ण रहेको उनको भनाइ थियो।
चितवनमा भेटिएका २३३ शवमध्ये पहिचान नभएका २२९ शवको डीएनए नमुना संकलन गरी भरतपुर–१ देवघाटमा अन्त्येष्टि गरिने भएको छ, कुहिन थालेपछि प्रशासनले निर्णय गरेको हो।
२९-अगस्ट-२०२६ ०४:१० PM
चितवन प्रहरीले रसुवा बाढीमा बगेका व्यक्तिको शवबाट गहना निकालेको आरोपमा मदन गुरुङ र उमेश चौधरीलाई पक्राउ गरेको छ। सामाजिक सञ्जालमा भिडियो सार्वजनिक भएपछि अनुसन्धान अघि बढाइएको हो।
२७-अगस्ट-२०२६ ०७:४३ PM
चितवनको जलविरे लङ झरनानजिकै कार खोलामा खस्दा ४१ वर्षीय भारतीय नागरिक सयन्तन गाइनको मृत्यु भएको छ। दुर्घटनाको कारणबारे प्रहरीले अनुसन्धान गरिरहेको छ।
०४-नोभेम्बर-२०२६ ०६:२५ PM
चितवनको भरतपुरस्थित राधाकृष्ण सामुदायिक वनमा निउरो टिप्न गएका ४६ वर्षीय भीम महतोको बाघको आक्रमणबाट मृत्यु भएको छ। घटनापछि बाघलाई नियन्त्रणमा लिइएको छ।
०४-नोभेम्बर-२०२६ ०१:१९ PM
चितवन प्रहरीले ६ लाख २३ हजार ४६५ रुपैयाँका ८० हजार ३७२ वटा पटाका र एक लाख ७२ हजार ३०० रुपैयाँ नगदसहित दुई भारतीय नागरिकलाई पक्राउ गरेको छ।
०४-नोभेम्बर-२०२६ १०:०० AM
रास्वपाले स्थानीय निर्वाचनका उम्मेदवार छनोटका लागि सात उपसमिति गठन गरेको छ। महानगर र उपमहानगरका वडाध्यक्ष तथा वडा सदस्य पदमा उम्मेदवारीका लागि आवेदन पनि खुलाएको छ।
०१-नोभेम्बर-२०२६ ०१:१० PM
उनले चितवनको समस्या पनि अन्य प्रभावित क्षेत्रकै जस्तै आवश्यकताका आधारमा सम्बोधन गरिने बताए। तत्काल गर्नुपर्ने कामको अध्ययन लगभग पूरा भइसकेको जानकारी दिँदै लामिछानेले अध्ययनबाट पहिचान भएका योजनाका लागि स्रोत सुनिश्चित गर्न आवश्यक पहल गर्ने प्रतिबद्धता जनाए। उनले सरोकारवालालाई आश्वस्त रहन आग्रहसमेत गरे।
छलफलमा लामिछानेले नारायणी नदीको कटान र डुबानबाट बजार क्षेत्रमा उत्पन्न जोखिमबारे समयमै जानकारी गराएर अध्ययन टोली परिचालन गर्न सहयोग गरेको भन्दै उद्योग वाणिज्य सङ्घ चितवनलाई धन्यवाद दिए। छलफलअघि उनले नदीले कटान गरेको क्षेत्रको स्थलगत निरीक्षण गरेका थिए।
उद्योग वाणिज्य सङ्घ चितवनका अध्यक्ष चिरञ्जीवी सुवेदीले नदी कटानको समस्या समाधानका लागि लामिछानेले सुरुदेखि नै पहल गर्दै आएको बताए। उनले समस्याको दीर्घकालीन समाधान हुनेगरी आवश्यक योजना बनाउन आग्रह गरे।