पत्रकार पक्राउको विषयमा रक्षा बमद्वारा रवि लामिछानेको आलोचना

काठमाडौं, अक्टोबर ३१, २०२६ — जेनजी अगुवा रक्षा बमले पत्रकार पक्राउको विरोध गर्दै राष्ट्रिय स्वतन्त्र पार्टी (रास्वपा) का सभापति रवि लामिछानेको ध्यानाकर्षण गराएकी छन्।

फेसबुकमा लेख्दै बमले रास्वपाले सुशासनको नारा लगाउनुको औचित्यमाथि प्रश्न उठाएकी छन्। उनले रास्वपाको नेतृत्वमा रहेको सरकारमा पञ्चायती व्यवस्थाको झल्को देखिन थालेको टिप्पणी गरेकी छन्।

‘रवि लामिछानेजी, अब तपाईंको पार्टीले सुशासनको नारा नलगाउँदा हुन्छ,’ उनले लेखेकी छन्, ‘तपाईंको पार्टीले नेतृत्व गरेको सरकारबाट पञ्चायती गन्ध आइरहेको छ।’

बमले यसअघि मिडिया हाउसअगाडि गाडी तेर्स्याइएको घटनालाई पनि स्मरण गरेकी छन्। सञ्चारमाध्यम र पत्रकारमाथि भइरहेको व्यवहारबारे प्रश्न गर्दै उनले लेखेकी छन्, ‘कहिले मिडिया हाउसअगाडि आफ्नै कार्यकर्ता लगाएर गाडी तेर्स्याउने, कहिले मिडिया हाउसभित्रै छिरेर पत्रकार तर्साउने ? वाह, तपाईंहरूको सुशासन !’