दियो पोस्ट र नयाँ पत्रिकाको कार्यालयमा सादा पोसाकका प्रहरी, पत्रकारसँग कुरा गर्न खोजी

काठमाडौं, अक्टोबर ३१, २०२६ — अनामनगरस्थित दियो पोस्ट अनलाइनको कार्यालयमा सादा पोसाकका प्रहरी पुगेका छन्। उनीहरूले प्रधानसम्पादक सुदीप विश्वकर्मा र समाचार संयोजक मदन ढुंगानासँग कुरा गर्नुपर्ने भन्दै उनीहरूलाई लिन आएको बताएका छन्।

कार्यालयमा चार जना प्रहरी पुगेको एक पत्रकारले जानकारी दिएका छन्। ती पत्रकारका अनुसार प्रहरीले विश्वकर्मा र ढुंगानासँग कुराकानी गर्नुपर्ने बताएको थियो।

प्रहरी कार्यालय पुगेको केही समयअघि दियो पोस्टले प्रधानन्यायाधीशसम्बन्धी समाचारका विषयमा धम्की आएको समाचार पनि प्रकाशित गरेको थियो।

यसैबीच, नेपाल प्रेसका पत्रकार विश्वमणि सुवेदीलाई प्रहरीले नियन्त्रणमा लिइसकेको छ।

त्यस्तै, सादा पोसाकका प्रहरी नयाँ पत्रिकाको कार्यालयमा पनि पुगेका छन्। उनीहरूले पत्रकार नवराज मैनालीसँग कुरा गर्नुपर्ने भन्दै उनीबारे सोधखोज गरिरहेको बताइएको छ।