म्याग्दी, नोभेम्बर ३, २०२६ — म्याग्दीको मङ्गला गाउँपालिकामा व्यावसायिक मौरीपालनमार्फत किसानको आयआर्जन बढाउने र रोजगारी सिर्जना गर्ने उद्देश्यले यस वर्ष एक करोड रुपैयाँको परियोजना सञ्चालन हुने भएको छ।
गण्डकी प्रदेश सरकारको मुख्यमन्त्री नवप्रवर्तन साझेदारी कार्यक्रमअन्तर्गत गाउँपालिकाले पेस गरेको परियोजना प्रस्ताव स्वीकृत भएको गाउँपालिकाका प्रमुख प्रशासकीय अधिकृत अमृत दाहालले जानकारी दिए।
दाहालका अनुसार परियोजनाको कुल लागतको ७० प्रतिशत प्रदेश सरकारले र ३० प्रतिशत गाउँपालिकाले व्यहोर्नेछ।
“व्यावसायिक मौरीपालनको माध्यमबाट रोजगारी सिर्जना र किसानको आयआर्जन सुधार गर्ने उद्देश्यले परियोजना सञ्चालन गर्न लागिएको हो,” उनले भने, “किसानलाई मौरीपालन गर्न प्रविधि र ज्ञान, सीप सहयोग गरिनेछ।”
परियोजनाका लागि गण्डकी प्रदेश सरकारले ७० लाख रुपैयाँ र गाउँपालिकाले ३० लाख रुपैयाँ लगानी गर्नेछन्। सम्झौता भएपछि चालु आर्थिक वर्षभित्रै सम्पन्न गर्ने गरी परियोजना कार्यान्वयन गरिने गाउँपालिकाले जनाएको छ।
मङ्गला गाउँपालिकाको मध्यपहाडी क्षेत्रका कुहुँ, पूर्णगाउँ, बरङ्जा, अर्मन र बाबियाचौरमा परम्परागत रूपमा मौरीपालन हुँदै आएको छ।
वैदेशिक रोजगारी र सहरतर्फ युवा पलायन बढ्दा भोजपुरका किसानलाई धान काट्न र भित्र्याउन कामदार पाउन कठिन भएको छ। यसले परिवार र ज्येष्ठ नागरिकमाथि श्रमको भार बढाएको छ।
२८-अक्टोबर-२०२६ ०९:५४ AM
मौसमविद् विनोद पोखरेलले बिहीबारदेखि नेपालका विभिन्न क्षेत्रमा भारी वर्षा र हिमपात हुन सक्ने बताएका छन्। वर्षाको जोखिमका कारण २९ जिल्लालाई उच्च जोखिममा राखिएको छ।
२५-अक्टोबर-२०२६ ०९:५२ AM
म्याग्दीको बेनी–दरबाङ–मुना सडक बाढी, पहिरो र नदी कटानले क्षतिग्रस्त भएपछि पुनर्निर्माण गर्न ७ करोड रुपैयाँ लाग्ने अनुमान गरिएको छ। यातायातका लागि वैकल्पिक मार्ग प्रयोग भइरहेको छ।
२४-अक्टोबर-२०२६ १०:१२ AM
बाढीले तीन टावर भत्काएपछि अवरुद्ध दाना–खुर्कोट २२० केभी प्रसारण लाइन अस्थायी टावरमार्फत पुनः सञ्चालनमा आएको छ। यससँगै १७६ मेगावाट विद्युत् राष्ट्रिय प्रणालीमा जोडिएको छ।
१८-अक्टोबर-२०२६ ११:२५ AM
मौसम विभागले तीन प्रदेशका हिमाली क्षेत्रमा बदली, केही स्थानमा हल्का वर्षा तथा हिमपात र तराईका केही क्षेत्रमा बिहान हुस्सु लाग्ने सम्भावना जनाएको छ।
१७-अक्टोबर-२०२६ १०:१३ AM
बाढीले प्रसारण संरचनामा क्षति पुर्याएपछि म्याग्दीको अन्नपूर्ण गाउँपालिका र मुस्ताङमा विद्युत् आपूर्ति पुनः सञ्चालन भएको छ। तर म्याग्दीका चार जलविद्युत् आयोजना अझै बन्द छन्।
१४-अक्टोबर-२०२६ ०१:५२ PM
गाउँपालिका अध्यक्ष सतप्रसाद रोकाका अनुसार मौरीपालन गरिरहेका किसानलाई व्यवसाय विस्तार गर्न सहयोग गर्ने र नयाँ किसानलाई यसतर्फ आकर्षित गर्ने उद्देश्यले परियोजना सञ्चालन गर्न लागिएको हो।
मङ्गला गाउँपालिका–३ बरङ्जाका मौरीपालक तथा संविधानसभा सदस्य गमबहादुर श्रीसले परियोजनाले किसानलाई उत्साहित बनाएको बताए।
मुख्यमन्त्री नवप्रवर्तन साझेदारी कार्यक्रमअन्तर्गत मङ्गलासहित गण्डकी प्रदेशका ११ स्थानीय तहका परियोजना प्रस्ताव स्वीकृत भएका छन्।
मुख्यमन्त्री तथा मन्त्रिपरिषद्को कार्यालयका अनुसार गोरखाको पालुङटार नगरपालिकामा गरिबी निवारणका लागि एकीकृत कृषि तथा पशुपन्छी विकास र आरुघाटमा किसानको आर्थिक अवस्था सुधार गर्न बाख्रा विकास परियोजना छनोट भएका छन्। तनहुँको घिरिङ गाउँपालिकामा खाली जग्गामा मसलाजन्य वस्तु उत्पादन गर्ने तथा व्यास नगरपालिकामा बेनीकोट कृषि तथा पर्यटन प्रवर्द्धनसहितको उद्यमशीलतायुक्त सांस्कृतिक गाउँ परियोजना स्वीकृत भएको छ।
त्यस्तै, स्याङ्जाको फेदीखोला गाउँपालिकामा डिजिटल सिकाइसम्बन्धी प्रविधि, कास्कीको रूपा गाउँपालिकामा कम लागतमा दूध उत्पादन, पर्वतको पैयुँ गाउँपालिकामा महिला नेतृत्वमा हाईटेक टनेल तथा स्मार्ट कृषि बजार व्यवस्थापनका परियोजना छनोट भएका छन्।
बागलुङ नगरपालिकाको एकीकृत क्युआर ई–हाउसिङ, डाटा सेन्टर तथा सामाजिक–आर्थिक सूचना प्रणाली, काठेखोला गाउँपालिकाको विद्यार्थी केन्द्रित विद्यालय फलफूल बगैँचा कार्यक्रम र बडिगाड गाउँपालिकाको कार्यालय डिजिटलाइजेसन परियोजना पनि स्वीकृत भएका छन्।