मुस्ताङ, अक्टोबर २९, २०२६ — हिमाली जिल्ला मुस्ताङमा यस वर्ष सात हजार ३८ दशमलव ५४ मेट्रिक टन स्याउ उत्पादन भएको प्रारम्भिक अनुमान गरिएको छ। यसको मूल्य एक अर्ब १४ करोड ९६ लाख रुपैयाँ बराबर रहेको कृषि तथा पशु विकास कार्यालयले जनाएको छ।
कार्यालयका अनुसार जिल्लाका पाँच स्थानीय तहमा रहेको ६६२ हेक्टर क्षेत्रफलमा उक्त परिमाणको स्याउ उत्पादन भएको हो।
कार्यालय प्रमुख डा लालमणि अर्यालका अनुसार यस वर्ष उच्च घनत्व प्रविधिमा आधारित हाइब्रिड स्याउको उत्पादन मूल्य २३ करोड छ लाख रुपैयाँ र परम्परागत स्थानीय स्याउको मूल्य ९१ करोड ९० लाख ९१ हजार रुपैयाँ रहेको छ।
परिमाणका आधारमा ९५९ दशमलव ६२ मेट्रिक टन हाइब्रिड स्याउ र छ हजार ७८ दशमलव ९२ मेट्रिक टन परम्परागत स्थानीय स्याउ उत्पादन भएको प्रारम्भिक विवरण छ। अर्यालका अनुसार कृषि प्राविधिकले बगैँचामा पुगेर क्रप कटिङ विधिबाट औसत उत्पादन मापन गरेका थिए। कुल उत्पादनको अनुमान गर्न स्थानीय तहका कृषि प्राविधिक र स्याउ किसानसँग पनि समन्वय गरिएको थियो।
उत्पादित स्याउमध्ये ९४ करोड ८० लाख ९२ हजार रुपैयाँ बराबरको स्याउ जिल्लाबाहिर निकासी हुने अनुमान छ। त्यस्तै, १७ करोड ५६ लाख रुपैयाँभन्दा बढी मूल्यको स्याउ जिल्लाभित्रै खपत हुने जनाइएको छ।
मुस्ताङमा हाइब्रिड स्याउको मूल्य प्रतिकिलो २४० रुपैयाँ र परम्परागत स्थानीय स्याउको मूल्य प्रतिकिलो १५१ रुपैयाँ निर्धारण गरिएको छ।
दाङको तुलसीपुर–१८ स्थित रानी सामुदायिक वनमा कृत्रिम ड्याम बनेपछि सिँचाइ सुविधा बढेको, कुवा तथा इनारमा पानीको सतह सुधारिएको र कृषि विकासमा सहयोग पुगेको छ।
२३-अक्टोबर-२०२६ ०४:१२ PM
बाढीले तीन टावर भत्काएपछि अवरुद्ध दाना–खुर्कोट २२० केभी प्रसारण लाइन अस्थायी टावरमार्फत पुनः सञ्चालनमा आएको छ। यससँगै १७६ मेगावाट विद्युत् राष्ट्रिय प्रणालीमा जोडिएको छ।
१८-अक्टोबर-२०२६ ११:२५ AM
बाढीले प्रसारण संरचनामा क्षति पुर्याएपछि म्याग्दीको अन्नपूर्ण गाउँपालिका र मुस्ताङमा विद्युत् आपूर्ति पुनः सञ्चालन भएको छ। तर म्याग्दीका चार जलविद्युत् आयोजना अझै बन्द छन्।
१४-अक्टोबर-२०२६ ०१:५२ PM
सरकारले बर्दिया, रौतहट, कैलाली र कञ्चनपुरका उखु किसानलाई १ अर्ब ५० करोड रुपैयाँ अनुदान दिने तयारी गरेको छ। मन्त्री गीता चौधरीले वितरण कार्यविधि स्वीकृत गरेकी छन्।
०९-अक्टोबर-२०२६ ०२:१४ PM
जलवायु परिवर्तन, चरन अभाव, रोग तथा कीराको प्रकोपले नेपालको मौरीपालन चुनौतीपूर्ण बनेको छ भने विज्ञले जङ्गली मौरी संरक्षण र चरन क्षेत्र व्यवस्थापनमा जोड दिएका छन्।
०२-अक्टोबर-२०२६ ०४:५८ PM
अर्थमन्त्री स्वर्णिम वाग्लेले भारतीय लगानीकर्तालाई नेपालमा व्यवसाय विस्तार गर्न आग्रह गर्दै डिजिटलाइजेसन, स्वच्छ ऊर्जा, कृषि, पर्यटन, उत्पादन र आपूर्ति शृंखला एकीकरणका अवसरबारे बताए।
१९-सेप्टेम्बर-२०२६ ०३:४५ PM
गत वर्ष जिल्लामा छ हजार ६८४ दशमलव ३० मेट्रिक टन स्याउ उत्पादन भएको थियो। यस वर्ष गत वर्षको तुलनामा ३५४ दशमलव २४ मेट्रिक टन अर्थात् ५ दशमलव २९ प्रतिशत बढी उत्पादन भएको डा अर्यालले बताए।
जिल्लामा कुल ९१७ हेक्टर क्षेत्रफलमा स्याउ बगैँचा विस्तार भएको छ। त्यसमध्ये ७६ हेक्टरमा हाइब्रिड र ८४१ हेक्टरमा परम्परागत स्थानीय जातका स्याउ खेती गरिएको छ।