उदयपुरमा बोलेरो जीप सडकबाट खस्दा १५ जना घाइते

उदयपुर, अक्टोबर २६, २०२६ — उदयपुरको कटारी नगरपालिका–४ मरुवास्थित सिद्धिचरण राजमार्गमा ब्रेक फेल भएपछि बोलेरो जीप सडकबाट करिब १० मिटर तल खस्दा १५ जना घाइते भएका छन्। दुर्घटनाबारे प्रहरीले जानकारी दिएको हो।

प्रहरीका अनुसार प्र ३–०१–०२३ च ६५०६ नम्बरको जीप राजमार्गबाट करिब १० मिटर तल खसेको थियो। ब्रेक फेल हुँदा दुर्घटना भएको प्रारम्भिक जानकारी प्रहरीले दिएको छ।

घाइते हुनेमा कटारी नगरपालिका–११ का जीप चालक २९ वर्षीय निरपबहादुर खड्का, ३७ वर्षीया मेनुका मगर (भुजेल), १४ वर्षीय रेहान भुजेल, ७ वर्षीया प्रिन्सिका भुजेल, १६ वर्षीय तेन्जु लामा, ७१ वर्षीय रामबहादुर मगर, ३५ वर्षीया लिसाना मगर, ६० वर्षीया गोमा श्रेष्ठ, ३९ वर्षीया अम्बिका दाहाल, १० वर्षीय दिक्षित दाहाल, २१ वर्षीया निर्मला राउत, २६ वर्षीया दिलकुमारी हायु, उनका २२ महिनाका छोरा दियान्स हायु, ३५ वर्षीया कविता रेग्मी र १० वर्षीय प्रदीप पौडेल रहेका छन्।

घाइते सबैको कटारी अस्पतालमा उपचार भइरहेको प्रहरीले जनाएको छ। घाइते रामबहादुर मगरलाई थप उपचारका लागि विराटनगर पठाइएको छ।

दुर्घटनाबारे थप अनुसन्धान भइरहेको प्रहरीले जनाएको छ।