कपिलवस्तु, अक्टोबर २६, २०२६ — कृषि मजदुरको अभाव र ज्याला खर्च बढ्दै गएपछि कपिलवस्तुका किसान धान र पराल छुट्याउन आधुनिक थ्रेसर मेसिनको प्रयोग बढाउन थालेका छन्। परम्परागत दाइँमा बढी समय र खर्च लाग्ने भएपछि मेसिन उनीहरूको विकल्प बनेको छ।
जिल्लाका विभिन्न स्थानमा धान पाकेपछि किसानलाई बाली भित्र्याउने चटारो छ। धान काटेपछि दाइँ गर्न आवश्यक कामदार पाउन कठिन हुन थालेको र उपलब्ध मजदुरको ज्यालासमेत महँगो परेकाले किसानले थ्रेसर प्रयोग गर्न थालेका हुन्।
कपिलवस्तु नगरपालिका–६ थुम्हवाका कृषक प्रभु धोवीले गाउँमा कामदार पाउन मुस्किल हुने र पाए पनि महँगो ज्याला तिर्नुपर्ने बताए।
“थ्रेसर मेसिनबाट काम गर्दा छिटो हुन्छ र खर्च पनि कम लाग्छ। त्यसैले धान भित्र्याउन मेसिनकै भर पर्न थालेका छौँ”, उनले भने।
महाराजगञ्ज नगरपालिका–२ पडरियाका कृषक विनोद भुजले पनि थ्रेसरले खेतीपातीको काम सहज बनाएको बताए। गोरु र कृषि मजदुरको उपलब्धता घट्दै गएको अवस्थामा सानो आकारका मेसिन खेतसम्म पुर्याउन र चलाउन सजिलो हुने उनको भनाइ छ। बिहान, दिउँसो र साँझसमेत मेसिन चलाउन सकिने भएकाले किसानलाई सुविधा भएको उनले बताए।
थ्रेसर सञ्चालक राकेश कुर्मीका अनुसार मेसिन प्रयोग गर्दा समय र श्रम बचत हुनुका साथै खर्च पनि घट्छ। उनले धान र पराल छुट्याएबापत प्रतिघण्टा २ हजार ५०० देखि ३ हजार रुपैयाँसम्म लिने गरेको बताए। जिल्लामा थ्रेसरको माग बढिरहेको उनले जानकारी दिए।
शुक्रबार बिहान कपिलवस्तुको चोरखोलामा बस र ट्रक ठोक्किँदा ३४ वर्षीय बस चालक सुमन खत्रीको मृत्यु भएको छ भने धेरै यात्रु घाइते भएका छन्।
०२-अक्टोबर-२०२६ ०६:२१ PM
जलवायु परिवर्तन, चरन अभाव, रोग तथा कीराको प्रकोपले नेपालको मौरीपालन चुनौतीपूर्ण बनेको छ भने विज्ञले जङ्गली मौरी संरक्षण र चरन क्षेत्र व्यवस्थापनमा जोड दिएका छन्।
०२-अक्टोबर-२०२६ ०४:५८ PM
कपिलवस्तु नगरपालिका–६ बर्मेलीस्थित बाणगंगा नदीमा शनिबार राति अचानक आएको बाढीमा फसेका ११ महिलासहित १२ जनालाई सशस्त्र प्रहरीले सकुशल उद्धार गरी सुरक्षित स्थानमा पुर्याएको छ।
१३-सेप्टेम्बर-२०२६ ०४:३९ PM
तनहुँको आँधिमूलका ४५ महिलाले ४५ रोपनीमा सयपत्री खेती विस्तार गर्दै यस वर्ष तिहारमा १० लाख रुपैयाँको फूल बिक्री गर्ने लक्ष्य राखेका छन्।
२६-अक्टोबर-२०२६ ०३:३० PM
नेपालमा डिम्याट खाताको संख्या ८० लाख ९८ हजार पुगेको छ। १९ देखि ३० वर्ष उमेर समूहको सहभागिता सबैभन्दा धेरै छ भने महिलाको हिस्सा ४२.६७ प्रतिशत छ।
२६-अक्टोबर-२०२६ १२:३४ PM
नेपालमा सोमबार सुनको मूल्य तोलामा ३ हजार रुपैयाँ बढेर २ लाख ८१ हजार ५०० रुपैयाँ पुगेको छ भने चाँदीको मूल्य ४० रुपैयाँ बढेर ३ हजार ९९५ रुपैयाँ पुगेको छ।
२६-अक्टोबर-२०२६ १२:२७ PM
आधुनिक प्रविधिले कृषि कार्य सहज बनाए पनि परम्परागत दाइँ संस्कृतिको संरक्षणमा ध्यान दिनुपर्ने कृषक श्यामलाल धोबीले बताए।
कृषि ज्ञान केन्द्र कपिलवस्तुका प्रमुख घनश्याम चौधरीका अनुसार जिल्लामा ८४ हजार ५९१ हेक्टर खेतीयोग्य जमिनमा खेती हुँदै आएको छ। यस वर्ष ६३ हजार ६४८ हेक्टरमा धान खेती गरिएको छ। गत वर्ष भने ६६ हजार २६५ हेक्टरमा धान लगाइएको उनले बताए।
कपिलवस्तुका १० वटै स्थानीय तहका किसानले धान र पराल छुट्याउन थ्रेसर मेसिन प्रयोग गर्दै आएका छन्।