महोत्तरी, १२ सेप्टेम्बर २०२६ — महोत्तरीको बलवा नगरपालिका–७ बनौटास्थित एक घरको सेफ्टी ट्याङ्कीभित्र २२ वर्षीय युवकको टुक्रा–टुक्रा पारिएको अवस्थामा शव फेला परेको छ। घटनाको अनुसन्धानका क्रममा प्रहरीले चार जनालाई नियन्त्रणमा लिएको छ।
मृतकको पहिचान भंगाहा नगरपालिका–६ बस्ने अशोक कुमार वातरका २२ वर्षीय छोरा विवेक कुमार सरदारका रूपमा भएको छ।
प्रहरीका अनुसार भदौ १४ गते साँझ विवेक जलेश्वर नगरपालिका–९ पिगौनस्थित दिदीको घरबाट मोटरसाइकलमा घरतर्फ फर्कने क्रममा बेपत्ता भएका थिए। छोरा हराएपछि उनका बुबाले भदौ १६ गते जिल्ला प्रहरी कार्यालय महोत्तरीमा हुलियासहित खोजतलासका लागि निवेदन दिएका थिए।
खोजतलासका क्रममा प्रहरीले बनौटास्थित अशोक कुमार ठाकुरको घरपछाडि रहेको सेफ्टी ट्याङ्कीबाट विवेकको शव बरामद गरेको हो। शव टुक्रा–टुक्रा पारिएको अवस्थामा फेला परेको प्रहरीले जनाएको छ।
घटनाको थप अनुसन्धानका लागि प्रहरीले घरधनी ५८ वर्षीय अशोक कुमार ठाकुर, उनकी ५५ वर्षीया श्रीमती रामकली देवी र २२ वर्षीया बुहारी सोनु कुमारी ठाकुरलाई नियन्त्रणमा लिएको छ।
त्यस्तै, महोत्तरी गाउँपालिका–५ बस्ने ३७ वर्षीय सियाराम शर्मालाई पनि प्रहरीले पक्राउ गरेको छ। घटनाको वास्तविकता र मृत्युको परिस्थितिबारे प्रहरीले थप अनुसन्धान अघि बढाएको जनाएको छ।
म्याग्दीमा ७२ वर्षीया मनकुमारी घिमिरेको धारिलो हतियार प्रहार गरी हत्या गरेको आरोपमा २५ वर्षीय नाति आशिष बरुवाल पक्राउ परेका छन्। घटना घरायसी विवादपछि भएको प्रहरीको प्रारम्भिक निष्कर्ष छ।
०८-सेप्टेम्बर-२०२६ ०२:३३ PM
इलाममा खोल्सीमा मृत भेटिएकी ६६ वर्षीया जितमती लिम्बुको मृत्यु घटनामा संलग्न रहेको आरोपमा भारतबाट तिहार मनाउन फर्किएका ३२ वर्षीय त्रिभुवन भुजेल पक्राउ परेका छन्।
१४-नोभेम्बर-२०२६ १०:२६ AM
मोरङमा बुधराम सोरेनको हत्या आरोपमा पक्राउ परेकी श्रीमतीलाई भारततर्फ भाग्दै गरेको अवस्थामा धानबारीबाट नियन्त्रणमा लिइएको छ। अर्का आरोपित पनि प्रहरी हिरासतमा छन्।
०९-नोभेम्बर-२०२६ ०६:४४ PM
मोरङको जहदामा रड प्रहारबाट ४० वर्षीय बुधराम सोरेनको मृत्यु भएको घटनामा उनकी श्रीमती र अर्का एक व्यक्ति पक्राउ परेका छन्। प्रहरीले अनुसन्धान जारी राखेको छ।
०९-नोभेम्बर-२०२६ ११:०२ AM
मकवानपुरको बकैयामा श्रीमतीसँगको झगडा तथा कुटपिटपछि ५३ वर्षीय टेकबहादुर मोक्तानको मृत्यु भएको छ। प्रहरीले उनकी ४५ वर्षीया श्रीमतीलाई नियन्त्रणमा लिएर अनुसन्धान गरिरहेको छ।
३०-अक्टोबर-२०२६ ११:२८ AM
विराटनगरका ब्याट्री व्यवसायी लालजीप्रसाद गुप्ताको हत्या आरोपमा हार्डवेयर व्यापारी र दुई बालक पक्राउ परेका छन्। उनको शव सुनसरीको केशलिया खोलाको किनारमा फेला परेको थियो।
२९-अक्टोबर-२०२६ ११:४७ AM