काठमाडौं, ११ सेप्टेम्बर २०२६ — खाना पकाउने ग्यासको अभाव भइरहेका बेला बढी मूल्यमा बिक्री तथा कालोबजारी गरेको आशंकामा प्रहरीले काठमाडौं र भक्तपुरका विभिन्न स्थानबाट ४६१ वटा एलपीजी ग्यास सिलिन्डर बरामद गरेको छ।
उपभोक्ताले सरकारले तोकेको मूल्यभन्दा धेरै रकम तिर्नुपरेको गुनासो आएपछि काठमाडौं उपत्यका अपराध अनुसन्धान कार्यालयको टोलीले बिहीबार विभिन्न स्थानमा निरीक्षण गरेको थियो। सोही क्रममा ठूलो संख्यामा ग्यास सिलिन्डर नियन्त्रणमा लिइएको प्रहरीले जनाएको छ।
प्रहरीले काठमाडौंको नरेफाँटबाट १८३ र बसुन्धराबाट १८९ वटा सिलिन्डर बरामद गरेको छ। त्यस्तै, भक्तपुरको सूर्यविनायकबाट ७५ र इटाछेंबाट १४ वटा सिलिन्डर नियन्त्रणमा लिइएको छ। चारवटै स्थानबाट बरामद सिलिन्डरको संख्या ४६१ पुगेको हो।
काठमाडौं उपत्यका अपराध अनुसन्धान कार्यालयका प्रहरी उपरीक्षक रामेश्वर कार्कीका अनुसार सूर्यविनायक र इटाछेंमा एउटा सिलिन्डरको मूल्य ५ हजार ४०० रुपैयाँसम्म लिइएको पाइएको छ। नरेफाँटमा २ हजार ५०० र बसुन्धरामा २ हजार ६०० रुपैयाँसम्ममा सिलिन्डर बिक्री भएको बताइएको छ।
प्रहरी उपरीक्षक कार्कीले ग्यासको कालोबजारी तथा तोकिएको मूल्यभन्दा बढी रकम असुली गरेको आरोपबारे अनुसन्धान सुरु गरिएको जानकारी दिए। बरामद सिलिन्डरहरू थप अनुसन्धान तथा आवश्यक कारबाहीका लागि प्रहरीकै नियन्त्रणमा राखिएको छ।
खाना पकाउने ग्यासको आपूर्ति सहज हुन नसकिरहेका बेला उपभोक्ताले महँगो मूल्यमा सिलिन्डर किन्नुपरेको गुनासोका बीच प्रहरीले यस्तो कारबाही गरेको हो। अनुसन्धानबाट प्राप्त तथ्यका आधारमा थप कानुनी प्रक्रिया अघि बढाइने प्रहरीले जनाएको छ।
भक्तपुरको कौशलटारमा गुडिरहेको बसबाट एक्कासि धुवाँ निस्किएको छ। डीएसपी दीपककुमार कार्कीका अनुसार धुवाँ निस्किनुको कारणबारे प्रहरीले बुझ्ने प्रयास गरिरहेको छ।
२७-अक्टोबर-२०२६ ०१:५४ PM
काठमाडौँको माछापोखरी चोकमा असोज ३१ गते विवादपछि भएको झगडामा २० वर्षीय सुवास तामाङको मृत्यु भएको छ। प्रहरीले घटनामा संलग्न आरोपमा अर्जुन ताम्राकारलाई नियन्त्रणमा लिएको छ।
१८-अक्टोबर-२०२६ १२:३६ PM
काठमाडौंको तार्केश्वरमा दुई राउण्ड हवाई फायरपछि पक्राउ परेका ४१ वर्षीय बासुर्दिन मियाँको साथबाट प्रहरीले ३०० ग्राम खैरो हेरोइन बरामद गरेको छ।
१४-अक्टोबर-२०२६ ०१:२७ PM
प्रहरीले काठमाडौँ र सिन्धुलीबाट भालुको पित्त र हात्तीको दाह्रा जस्तो देखिने आखेटोपहारसहित तीन जनालाई पक्राउ गरी अनुसन्धानका लागि सम्बन्धित डिभिजन वन कार्यालय पठाएको छ।
०६-अक्टोबर-२०२६ ०५:०२ PM
काठमाडौंको तिनथानास्थित खाद्य स्टोरमा म्याद गुज्रिएका खाद्यान्नमा नयाँ मिति र नक्कली लेबल लगाएको आरोपमा प्रहरीले दुई जनालाई पक्राउ गरेको छ।
०३-अक्टोबर-२०२६ १२:१५ PM
काठमाडौंमा मोबाइल चोरीको आरोपमा सुरेश हुमागाईँ र विवेककुमार शर्मा पक्राउ परेका छन्। उनीहरूबाट २५ थान चोरीका मोबाइल बरामद गरिएको प्रहरीले जनाएको छ।
०३-अक्टोबर-२०२६ ११:२३ AM