कैलाली, सेप्टेम्बर २५, २०२६ — कैलालीको लम्कीचुहामा दीपक सुनारको हत्या गरेको आरोपमा पक्राउ परेकी उनकी श्रीमती यमुना विक सुनारसहित पाँचै जना प्रतिवादीलाई कैलाली जिल्ला अदालतले पुर्पक्षका लागि कारागार पठाउने आदेश दिएको छ।
न्यायाधीश इन्द्रबहादुर कठायतले यमुना विक सुनार, दुर्योधन सुवर्णकार, राम राजेश महतो, वीरेन्द्र राना र भीमराज रानालाई मुलुकी फौजदारी कार्यविधि संहिता, २०७४ को दफा ६७ को उपदफा (१) को देहाय (क) बमोजिम थुनामा राखेर मुद्दाको पुर्पक्ष गर्न आदेश दिएका हुन्।
कैलाली जिल्ला अदालतका श्रेस्तेदार उपसचिव तेजराज पन्तका अनुसार अदालतको आदेशअनुसार पाँचै जना प्रतिवादीलाई पुर्पक्षका लागि कारागार पठाइएको छ।
अदालतको आदेशमा पाँचै जनाविरुद्ध पूर्वयोजना बनाएर दीपक सुनारको हत्या गरी शव बेपत्ता पारेको आरोपमा किटानी जाहेरी परेको उल्लेख छ। उक्त जाहेरीलाई समर्थन गर्ने बरामद तथा खानतलासी मुचुल्का, घटनास्थल लास जाँच मुचुल्का, सर्जमिन मुचुल्का, कलडिटेल तथा लोकेसन विवरणसमेत मिसिलमा संलग्न रहेको अदालतले जनाएको छ।
अनुसन्धानका क्रममा प्रतिवादीहरूले दिएको बयानअनुसार यमुना र दुर्योधनबीचको सम्बन्ध तथा दीपकसँगको विवादपछि हत्या योजना बनेको आरोप छ। बयानअनुसार यमुनाले पूजा गर्ने बहानामा दीपकलाई अमरावती जंगलमा लगेको र त्यहाँ अन्य प्रतिवादीहरूले हतियार प्रहार गरी हत्या गरेको आरोप लगाइएको छ।
अनुसन्धानमा दिइएको बयानअनुसार हत्या गरेपछि दीपकको शव प्लास्टिक तथा झोलामा प्याक गरी कर्णाली नदीमा फालिएको थियो।
गृहमन्त्री सुदन गुरुङले तीन वर्षीया गरिमा चौधरीका लागि न्याय सुनिश्चित गर्नु सरकारको पहिलो प्राथमिकता रहेको बताए; अभिभावकको जाहेरीपछि थप चार जना पक्राउ परेका छन्।
२२-अगस्ट-२०२६ ११:५७ AM
राष्ट्रपति रामचन्द्र पौडेलले छठ पर्वले राष्ट्रिय एकता, सांस्कृतिक संरक्षण र सामाजिक सद्भाव बढाउने विश्वास व्यक्त गर्दै विभेद अन्त्य र समृद्धिका लागि शुभकामना दिएका छन्।
१५-नोभेम्बर-२०२६ ११:३६ AM
रुसमा सम्पन्न खगोलविज्ञान ओलम्पियाडमा नेपाली विद्यार्थीले एक रजत र तीन कांस्य पदक जितेका छन्। रिवाश राई अन्तर्राष्ट्रिय प्रतियोगितामा रजत जित्ने पहिलो नेपाली बनेका छन्।
१५-नोभेम्बर-२०२६ ११:२२ AM
नेपालले बूढीगण्डकी जलविद्युत् आयोजनामा युएईको लगानी प्रस्ताव गरेको छ। गृहमन्त्री सुधन गुरुङको अबुधाबी भेटमा कृषि, सेवा क्षेत्र र सुरक्षा प्रविधिमा सहकार्य विस्तारबारे पनि छलफल भएको छ।
१५-नोभेम्बर-२०२६ ११:१५ AM
काठमाडौंको ठमेलस्थित फायर चोक अगाडि मदिरा सेवन गरी होहल्ला र झैझगडा गरेको आरोपमा प्रहरीले चार जना चिनियाँ नागरिकलाई नियन्त्रणमा लिएर अनुसन्धान अघि बढाएको छ।
१५-नोभेम्बर-२०२६ १०:५४ AM
छठ पर्वका अवसरमा मंसिर १ गते सार्वजनिक बिदा भए पनि नेपाल राष्ट्र बैंकले बिहान ९ बजेदेखि दिउँसो ३ बजेसम्म आरटीजीएस प्रणाली सञ्चालन गर्ने भएको छ।
१४-नोभेम्बर-२०२६ ०४:०३ PM
यद्यपि, अदालतसमक्ष पाँचै जना प्रतिवादीले आफूहरूमाथि लगाइएको आरोप अस्वीकार गरेका छन्।
मृतककी नाबालक छोरीले दिएको घटना विवरण कागज, प्रतिवादीहरूबीच भएका फोन तथा म्यासेज आदानप्रदान, वारदातको समयमा देखिएको लोकेसन तथा घटनास्थलबाट संकलित नमुनाको फरेन्सिक परीक्षणलाई समेत अदालतले प्रमाणका रूपमा लिएको छ।
अदालतको आदेशमा घटनास्थलबाट संकलित नमुनामा मानव रगत तथा मानव रौँ भेटिएको र डीएनए परीक्षणसम्बन्धी प्रतिवेदनसमेत मिसिलमा संलग्न रहेको उल्लेख छ।
उपलब्ध प्रत्यक्ष तथा परिस्थितिजन्य प्रमाणका आधारमा प्रतिवादीहरूलाई तत्काल निर्दोष भन्न सकिने अवस्था नरहेको ठहर गर्दै अदालतले पाँचै जनालाई पुर्पक्षका लागि थुनामा पठाउने आदेश दिएको हो।
अदालतले मुद्दामा थप प्रमाण बुझ्दै जाने र पछि ठहरेबमोजिम हुने जनाएको छ। पाँचै जना प्रतिवादीलाई अदालतले दोषी ठहर गरिसकेको भने होइन।