कपिलवस्तु, नोभेम्बर ६, २०२६ — कपिलवस्तुको कृष्णनगर नगरपालिकाका २६१ परिवारले लामो समयको प्रतीक्षापछि गाउँब्लक जग्गाको जग्गाधनी दर्ता प्रमाणपुर्जा प्राप्त गरेका छन्।
कृष्णनगर नगरपालिका र नापी कार्यालय तौलिहवाको संयुक्त आयोजनामा नगरपालिका–९ मा भएको कार्यक्रममा वडा नं १, ७ र ९ का जग्गाधनीलाई लालपुर्जा वितरण गरिएको हो।
नगरपालिकाका अनुसार वडा नं १ का ७३, वडा नं ७ का ४९ र वडा नं ९ का १३९ जनाले जग्गाधनी प्रमाणपुर्जा प्राप्त गरेका छन्। लामो समयदेखि जग्गा भोगचलन गर्दै आए पनि कानुनी स्वामित्वको प्रमाण नहुँदा विभिन्न समस्या भोगिरहेका स्थानीयवासीले लालपुर्जा पाएपछि खुसी व्यक्त गरेका छन्।
लालपुर्जा प्राप्त गर्ने ८० वर्षीया स्थानीय मधुरा कुर्मिनीले जीवनको उत्तरार्धमा आफ्नो जग्गाको स्वामित्व प्रमाणित गर्ने कागजात पाउँदा खुसी लागेको बताइन्। वर्षौंदेखि बसोबास र भोगचलन गर्दै आएको जग्गाको पुर्जा पाउने आफ्नो आशा पूरा भएको उनको भनाइ छ।
“वर्षौंदेखि यही जग्गामा बस्दै र भोगचलन गर्दै आए पनि आफ्नो नाममा पुर्जा थिएन । अहिले बुढेसकालमा भए पनि लालपुर्जा पाउँदा निकै खुसी लागेको छ । अब आफ्नो जग्गा आफ्नै भएको प्रमाण हात परेको छ,” उनले भनिन्।
वडा नं ९ की स्थानीय छेदी अहिरले पुर्खाले भोगचलन गर्दै आएको जग्गाको लालपुर्जा पाउन पाँच पुस्ता कुर्नुपरेको बताइन्। पुर्जा नहुँदा स्वामित्वबारे अन्योल र समस्या रहेको उल्लेख गर्दै उनले आफ्नो नाममा प्रमाणपुर्जा प्राप्त भएपछि परिवारमा खुसी छाएको बताइन्।
उत्तरी गोरखाको चुमनुब्रीका विकट बस्तीमा सडक अभाव र महँगो खच्चड ढुवानीका कारण एक प्याकेट नुनको मूल्य २०० रुपैयाँसम्म पुगेको छ।
०६-नोभेम्बर-२०२६ ११:१५ AM
त्रिवि र हुलाक सेवा विभागबीच भएको सम्झौताअनुसार अब शैक्षिक प्रमाणपत्र विद्यार्थीको दर्ता भएको ठेगानामै पुग्नेछ। यसबाट काठमाडौँ धाउनुपर्ने बाध्यता र खर्च घट्ने अपेक्षा छ।
०५-नोभेम्बर-२०२६ ०१:२३ PM
झापामा जग्गा प्राप्तिका लागि ६० हजार ५७० परिवारको निवेदन परेको छ। समितिले राजस्व दर परिमार्जन गरेको छ भने मन्त्री प्रतिभा रावलले धनीपुर्जा वितरणलाई प्राथमिकता दिन निर्देशन दिएकी छन्।
०५-नोभेम्बर-२०२६ ०१:१० PM
नेपाल बीमा प्राधिकरणले अगस्ट २६ को बाढीबाट प्रभावित बीमितका लागि दाबी प्रक्रिया सहज बनाउँदै प्रिमियम र कर्जाको किस्ता तिर्न ब्याज तथा जरिवानाबिना ६ महिना थप समय दिएको छ।
०४-नोभेम्बर-२०२६ १२:१४ PM
भारतीय विदेश सचिव विक्रम मिश्री प्रधानमन्त्री वालेन्द्र शाहको प्रस्तावित भारत भ्रमणको तयारीका लागि काठमाडौं आएका छन्। उनले प्रधानमन्त्री शाहसँग भेट्ने कार्यक्रम छ।
०४-नोभेम्बर-२०२६ १२:०५ PM
काभ्रेपलाञ्चोकका १३ मध्ये आठ स्थानीय तहले जग्गा वर्गीकरण नगर्दा चालु आर्थिक वर्ष सुरु भएदेखि नागरिक अंशबण्डाबाहेकका अधिकांश जग्गा कारोबार सेवाबाट वञ्चित भएका छन्।
०४-नोभेम्बर-२०२६ ११:५७ AM
“हाम्रा पुर्खाले भोगचलन गर्दै आएको जग्गाको पुर्जा पाउन पाँच पुस्ता कुर्नुपर्यो । अहिले आफ्नो नाममा लालपुर्जा पाउँदा परिवारमा खुसी छाएको छ,” उनले भनिन्।
कृष्णनगर नगरपालिकाका नगर प्रमुख रजतप्रताप शाहले गाउँब्लक जग्गाधनीलाई लालपुर्जा उपलब्ध गराउने कामलाई नगरपालिकाले प्राथमिकतामा राखेको बताए। प्रमाणपुर्जा प्राप्त भएपछि स्थानीयवासीको जग्गामाथिको कानुनी स्वामित्व सुरक्षित हुनुका साथै आर्थिक तथा सामाजिक गतिविधिमा सहजता आउने उनको भनाइ छ।
नगरपालिकाभित्र रहेका सबै गाउँब्लक जग्गाधनीलाई चरणबद्ध रूपमा प्रमाणपुर्जा वितरण गर्ने कामलाई निरन्तरता दिइने शाहले बताए। बाँकी जग्गाको दर्ता प्रक्रिया छिटो पूरा गर्न सम्बन्धित निकायसँग समन्वय गरिने पनि उनले जानकारी दिए।
शाहले कृष्णनगर बजार, बहादुरगञ्ज बजार र सिर्सिहवामा रहेका बहाल बिटौरी जग्गाको लालपुर्जा वितरण प्रक्रिया पनि अघि बढाइने बताए। त्यसका लागि अध्यादेश आइसकेको र आयोग गठन भएपछि वितरणको काम अगाडि बढ्ने उनको भनाइ छ।
नापी कार्यालय तौलिहवाका प्रमुख जनक भण्डारीले गाउँब्लक जग्गाको नापजाँच तथा दर्ता प्रक्रिया पूरा गरेर प्रमाणपुर्जा वितरण गरिएको जानकारी दिए। विसं २०७० मा नापी गरिएको जग्गाको प्रमाणपुर्जा वितरण गर्न सफल भएको उल्लेख गर्दै उनले जग्गाधनीलाई पुर्जामा उल्लेखित नाम, कित्ता नम्बर, क्षेत्रफललगायत विवरण ध्यानपूर्वक जाँच गर्न आग्रह गरे।
प्रमाणपुर्जामा कुनै विवरण गलत भएमा सम्बन्धित कार्यालयमा सम्पर्क गरेर सच्याउन सकिने भण्डारीले बताए।
कार्यक्रममा नगर उपप्रमुख आरती चौधरी, प्रमुख प्रशासकीय अधिकृत प्रेमप्रसाद देवकोटा, वडा नं ९ का वडाध्यक्ष शतिस हरिजन, नापी टोलीका कर्मचारी, स्थानीय जनप्रतिनिधि तथा जग्गाधनीको सहभागिता थियो।