न्युयोर्क, अमेरिका, सेप्टेम्बर २५, २०२६ — प्रधानमन्त्री बालेन्द्र (बालेन) शाहले संयुक्त राष्ट्रसंघका महासचिव एन्टोनियो गुटेरेससँग बिहीबार साँझ न्युयोर्कस्थित राष्ट्रसंघको मुख्यालयमा भेटवार्ता गरेका छन्।
संयुक्त राष्ट्रसंघको ८१औँ महासभाको उच्चस्तरीय सत्रमा सहभागी हुन न्युयोर्क पुगेका प्रधानमन्त्री शाहले महासभालाई सम्बोधन गर्नुअघि स्थानीय समयअनुसार साँझ ६:३० बजे महासचिव गुटेरेससँग भेट गरेका हुन्। उक्त समय नेपालमा शुक्रबार बिहान ४:१५ बजेको थियो।
भेटका क्रममा महासचिव गुटेरेसले भोटेकोसी विपद्का कारण भएको जनधनको क्षतिप्रति गहिरो समवेदना व्यक्त गरे। उनले जलवायुका विषयमा संयुक्त राष्ट्रसंघ नेपालसँग ऐक्यबद्ध रहेको पनि बताए।
गुटेरेसले युवा नेपाली प्रतिनिधिमण्डलको प्रशंसा गर्दै सन् १९७८ मा पर्यटकका रूपमा नेपाल भ्रमण गरेको स्मरण गरे। उनले महासचिव पदबाट अवकाश लिएपछि पनि नेपाललाई निरन्तर सहयोग गर्ने प्रतिबद्धता व्यक्त गरे।
प्रधानमन्त्री शाहले नेपालप्रति देखाएको सद्भावका लागि गुटेरेसलाई धन्यवाद दिँदै उनको सफल कार्यकालका लागि बधाई दिए।
प्रधानमन्त्रीले भोटेकोसी विपद्बाट नेपालले ठूलो जनधनको क्षति बेहोरेको उल्लेख गर्दै हिमताल विस्फोटको जोखिम अझै उच्च रहेको बताए।
परराष्ट्रमन्त्री शिशिर खनालले भोटेकोशी विपद्लाई विश्वका लागि चेतावनी भन्दै नेपालको पुनःस्थापना, जलवायु वित्त र विपद् पूर्वतयारीमा अन्तर्राष्ट्रिय सहयोग बढाउन आह्वान गरेका छन्।
२४-सेप्टेम्बर-२०२६ ०९:२७ AM
संयुक्त राष्ट्रसङ्घका महासचिव एन्टोनियो गुटेरेसले न्यूयोर्कमा आफ्नो अन्तिम जलवायु शिखर सम्मेलनमा उत्सर्जन कटौती, जलवायु न्याय र विकासशील देशका लागि वित्तीय सहयोगमा जोड दिएका छन्।
२३-सेप्टेम्बर-२०२६ १२:३० PM
नेपालमा संविधान जारी भएको एक दशक पूरा भएको अवसरमा सेप्टेम्बर १९, २०२६ मा काठमाडौंसहित देशभर विभिन्न कार्यक्रम आयोजना गरी संविधान दिवस तथा राष्ट्रिय दिवस मनाइएको छ।
१९-सेप्टेम्बर-२०२६ १०:२७ AM
भारतीय विदेश सचिव विक्रम मिश्री प्रधानमन्त्री वालेन्द्र शाहको प्रस्तावित भारत भ्रमणको तयारीका लागि काठमाडौं आएका छन्। उनले प्रधानमन्त्री शाहसँग भेट्ने कार्यक्रम छ।
०४-नोभेम्बर-२०२६ १२:०५ PM
नेपाल र अस्ट्रेलियाले विपद् पुनर्लाभ, जलवायु, शिक्षा, व्यापार र हवाई सम्पर्कमा सहकार्य विस्तारबारे छलफल गरेका छन् भने अस्ट्रेलियाले बाढी प्रभावित नेपाललाई थप १५ मिलियन डलर सहयोग घोषणा गरेको छ ।
०८-अक्टोबर-२०२६ ०२:०८ PM
नेपाल र ग्रेनाडाबीच न्यूयोर्कमा संयुक्त विज्ञप्तिमार्फत कूटनीतिक सम्बन्ध स्थापना भएको छ। दुवै पक्षले दिगो विकास, जलवायु परिवर्तन, पर्यटन र शिक्षामा सहकार्यमा जोड दिएका छन्।
२३-सेप्टेम्बर-२०२६ १०:४३ AM
भेटवार्तामा नदी किनारमा बसोबास गर्ने बासिन्दाको पुनर्स्थापना तथा हरित पुनर्निर्माणका विषयमा पनि छलफल भएको थियो।
यसैगरी, नेपाललाई अति कम विकसित मुलुक (LDC) को वर्गीकरणबाट स्तरोन्नति हुने प्रक्रियाको समयसीमा विस्तार गर्न आवश्यक सहयोगका विषयमा पनि छलफल भएको थियो।