न्युयोर्क, अमेरिका, सेप्टेम्बर २५, २०२६ — हालैको विनाशकारी बाढी तथा पहिरोपछि नेपालको विपद्पछिको पुनर्निर्माण र पुनःस्थापनाका लागि अष्ट्रेलियाका प्रधानमन्त्री एन्थोनी अल्बानिजले निरन्तर सहयोग गर्ने प्रतिबद्धता जनाएका छन्।
न्युयोर्कमा जारी संयुक्त राष्ट्रसंघको ८१औँ महासभाको साइडलाइनमा नेपालका प्रधानमन्त्री बालेन्द्र (बालेन) शाहसँग भएको द्विपक्षीय भेटमा अल्बानिजले यस्तो प्रतिबद्धता जनाएका हुन्।
भेटमा अल्बानिजले विपद्का कारण भएको जनधनको क्षतिप्रति गहिरो दुःख व्यक्त गर्दै यस कठिन समयमा अष्ट्रेलिया नेपालसँगै रहेको बताएका थिए।
अष्ट्रेलियाका प्रधानमन्त्रीले नेपालमा जारी उद्धार तथा राहत कार्यबारे पनि जानकारी लिएका थिए। उनले विपद्पछि अष्ट्रेलियाले नेपाललाई उपलब्ध गराएको सहयोगबारे उल्लेख गरे।
बाढी तथा पहिरोका कारण बेपत्ता रहेका अष्ट्रेलियाली नागरिकका परिवारप्रति पनि अल्बानिजले सहानुभूति व्यक्त गरेका थिए।
उनले विपद्पछिको पुनर्निर्माण र पुनःस्थापनाका लागि नेपालसँग नजिकबाट सहकार्य गर्दै आवश्यकताअनुसार थप सहयोग उपलब्ध गराउन अष्ट्रेलिया सरकार प्रतिबद्ध रहेको दोहोर्याएका छन्।
चक्रवात अर्नबको अवशेष प्रणालीका कारण नेपालका विभिन्न क्षेत्रमा वर्षा र हिमपातको सम्भावना छ। महाशाखाले भारी वर्षा, पहिरो र यातायात अवरोधप्रति सतर्क रहन आग्रह गरेको छ।
३१-अक्टोबर-२०२६ १०:४३ AM
नेपाली मूलका अस्ट्रेलियन प्रहरी बिकास भारतीले सन् २०२५ को सिड्नी गोलीकाण्डमा घाइतेको उद्धार र सहकर्मीको सुरक्षामा देखाएको साहसका लागि राष्ट्रिय बहादुरी अवार्ड पाएका छन्।
३०-अक्टोबर-२०२६ १०:४६ AM
भोटेकोशीको बाढीले स्याफ्रुबेसी र धुन्चे जोड्ने पक्की पुल बगाएपछि रसुवामा नयाँ बेलिब्रिज निर्माण तीव्र पारिएको छ। अधिकारीहरूले तिहारअघि पुल सञ्चालन गर्ने लक्ष्य राखेका छन्।
२५-अक्टोबर-२०२६ ११:३६ AM
म्याग्दीको बेनी–दरबाङ–मुना सडक बाढी, पहिरो र नदी कटानले क्षतिग्रस्त भएपछि पुनर्निर्माण गर्न ७ करोड रुपैयाँ लाग्ने अनुमान गरिएको छ। यातायातका लागि वैकल्पिक मार्ग प्रयोग भइरहेको छ।
२४-अक्टोबर-२०२६ १०:१२ AM
नेपाल संयुक्त राष्ट्रसंघको महासभामा १७३ मत प्राप्त गर्दै सन् २०२७–२०२९ का लागि मानव अधिकार परिषद्मा निर्वाचित भएको छ। यो परिषद्मा नेपालको तेस्रो कार्यकाल हुनेछ।
१४-अक्टोबर-२०२६ ०१:०९ PM
नेपाल र अस्ट्रेलियाले विपद् पुनर्लाभ, जलवायु, शिक्षा, व्यापार र हवाई सम्पर्कमा सहकार्य विस्तारबारे छलफल गरेका छन् भने अस्ट्रेलियाले बाढी प्रभावित नेपाललाई थप १५ मिलियन डलर सहयोग घोषणा गरेको छ ।
०८-अक्टोबर-२०२६ ०२:०८ PM