काठमाडौं, ८ सेप्टेम्बर २०२६ — राष्ट्रिय स्वतन्त्र पार्टी (रास्वपा) का सभापति रवि लामिछानेले जेन–जी आन्दोलनका क्रममा घाइते भएकाहरूको सम्पूर्ण उपचार, परिवारको सहयोग तथा दीर्घकालीन पुनर्स्थापनाको जिम्मेवारी राज्यले लिनुपर्ने बताएका छन्।
आन्दोलनको एक वर्ष पूरा भएको अवसरमा सोमबार जारी गरेको वक्तव्यमा लामिछानेले उक्त दिनलाई नेपालको इतिहासमा नयाँ चेतनाको विस्फोटका रूपमा वर्णन गरेका छन्।
उनले युवा पुस्ताले गरेको शान्तिपूर्ण प्रदर्शनलाई परम्परागत राजनीतिक शैलीप्रतिको स्पष्ट अस्वीकारका रूपमा व्याख्या गरेका छन्।
‘यो पुस्ता डिजिटल युगमा हुर्किएको छ, विश्वव्यापी चेतना राख्छ र आफ्नै देशमा भविष्य खोज्छ। उनीहरूका लागि खराब शासन स्वीकार्य छैन,’ लामिछानेले भनेका छन्।
जेन–जी आन्दोलन पूर्ण रूपमा स्वतःस्फूर्त भएको उल्लेख गर्दै उनले कुनै पनि राजनीतिक दल वा नेताले यसलाई आफ्नो संकीर्ण स्वार्थका लागि प्रयोग गर्न नहुने बताएका छन्।
‘हिजो सडकमा युवाले उठाएका प्रश्नको जवाफ दिने ठाउँमा आज हामी छौँ र भोलि हामीसँग जवाफ माग्न अरू कोही उभिनेछन्,’ उनले भनेका छन्।
रास्वपाले सांसद खगेन्द्र सुनारलाई दुर्व्यवहार, धम्की, ब्ल्याकमेल र शंकास्पद आर्थिक कारोबारको आरोपबारे अनुशासन आयोगको छानबिन नसकिएसम्म जिम्मेवारी निर्वाह गर्न रोक लगाएको छ।
१४-अक्टोबर-२०२६ ०६:०२ PM
रास्वपाका ऊर्जामन्त्री बिराजभक्त श्रेष्ठले केन्द्रीय सचिवालय सदस्यको शपथ लिएका छन्। उनी पहिलो महाधिवेशनमा २ हजार १२३ मतसहित केन्द्रीय सदस्य निर्वाचित भएका थिए।
२०-सेप्टेम्बर-२०२६ ०४:०२ PM
रास्वपाले स्थानीय निर्वाचनका उम्मेदवार छनोटका लागि सात उपसमिति गठन गरेको छ। महानगर र उपमहानगरका वडाध्यक्ष तथा वडा सदस्य पदमा उम्मेदवारीका लागि आवेदन पनि खुलाएको छ।
०१-नोभेम्बर-२०२६ ०१:१० PM
जेनजी अगुवा रक्षा बमले पत्रकार पक्राउको विरोध गर्दै रास्वपा सभापति रवि लामिछानेमाथि प्रश्न उठाएकी छन्। उनले फेसबुकमार्फत सरकारको सुशासनसम्बन्धी दाबीको आलोचना गरेकी छन्।
३१-अक्टोबर-२०२६ ११:१७ AM
रास्वपा सभापति रवि लामिछाने पत्नी निकिता र मन्त्री प्रतिभा रावलसहित तीनदिने निजी धार्मिक भ्रमणका लागि भारत प्रस्थान गरेका छन्। उनीहरूले कैंची धाम र कामाख्या मन्दिरमा पूजाआजा गर्ने कार्यक्रम छ।
२३-अक्टोबर-२०२६ ०९:५६ AM
राष्ट्रिय स्वतन्त्र पार्टीले आगामी स्थानीय निर्वाचनमा नगर प्रमुख, उपप्रमुख, वडाध्यक्ष र वडा सदस्य बन्न इच्छुकका लागि मोबाइल एपमार्फत आवेदन खुला गरेको छ।
१६-अक्टोबर-२०२६ ०१:१० PM
लामिछानेले युवालाई रचनात्मक रूपमा सचेत र खबरदारी कायम राख्दै जिम्मेवारीमा रहेका व्यक्तिहरूको कामकारबाहीको कठोर समीक्षा गर्न आग्रह गरेका छन्।
‘आम जनताको मनमा निराशाको भाष्य स्थापित हुन नदिऔँ,’ उनले भनेका छन्।
नागरिक आक्रोशलाई राष्ट्र निर्माणको शक्तिमा रूपान्तरण गर्न सबै एकजुट हुनुपर्नेमा उनले जोड दिएका छन्।
जेन–जी आन्दोलनले उठाएको भावना र सिद्धान्तप्रति दृढ प्रतिबद्धता व्यक्त गर्दै लामिछानेले कानुनी शासन, न्यायपूर्ण समृद्धि र राष्ट्रिय स्वाभिमानको बाटोबाट आफू एक इन्च पनि विचलित नहुने बताएका छन्।
‘त्यो आँधीले कोरेको कानुनी शासन, न्यायपूर्ण समृद्धि र राष्ट्रिय स्वाभिमानको बाटोबाट हामी एक इन्च पनि विचलित हुने छैनौँ,’ उनले भनेका छन्।