काठमाडौं, सेप्टेम्बर २२, २०२६ — सोमबार त्रिपुरेश्वरमा सार्वजनिक बसभित्र आफैंलाई आगो लगाएका चालक अर्जुन डोङ तामाङ रहेको काठमाडौं जिल्ला प्रहरी परिसरले जनाएको छ।
ऋद्धिसिद्धि यातायातको बा ५ ख ४२७४ नम्बरको बसमा आगो लगाउँदा गम्भीर रूपमा जलेका डोङको सोमबार राति कीर्तिपुरस्थित बर्न अस्पतालमा उपचारका क्रममा मृत्यु भएको हो।
काठमाडौं जिल्ला प्रहरी परिसरका अनुसार डोङ मकवानपुरको इन्द्रसरोवर गाउँपालिका–३, सिस्नेरीका बासिन्दा थिए। प्रारम्भिक अनुसन्धानबाट उनको जन्ममिति अक्टोबर २३, २००० रहेको खुलेको प्रहरीले जनाएको छ।
घटना त्रिपुरेश्वर चोकस्थित बस स्टपमा दिउँसोको समयमा भएको थियो। प्रारम्भिक अनुसन्धानअनुसार ट्राफिक प्रहरीसँग विवाद भएपछि डोङले बसमा आगो लगाएका थिए।
डोङलाई उपचारका लागि दिउँसो करिब १ बजे कीर्तिपुरस्थित बर्न अस्पताल पुर्याइएको थियो। उनको शरीरको करिब ९० प्रतिशत भाग जलेको र उपचारका क्रममा सोमबार राति मृत्यु भएको प्रहरीले जनाएको छ।
अनुसन्धानका क्रममा डोङ यसअघि पनि अन्य व्यक्तिको नाममा जारी भएका सवारी चालक अनुमतिपत्र तथा परिचयपत्र प्रयोग गरेका दुई घटनामा संलग्न रहेको आरोपमा खुलेको प्रहरीले जनाएको छ।
नेपाल-जापान फेस्टिभलमा नोभेम्बर २२ मा गोडिएगो, सबिन राई एन्ड द फारोह, कुटुम्ब र कोबवेबले प्रस्तुति दिनेछन्। दरबारमार्गमा हुने महोत्सवको प्रवेश निःशुल्क हुनेछ।
०९-नोभेम्बर-२०२६ ०४:२५ PM
डाँका चोरी मुद्दामा सात वर्ष कैद भुक्तान गरेका पूर्वसशस्त्र प्रहरी जवानसहित तीन जना काठमाडौँ र भक्तपुरमा १३२ ग्रामभन्दा बढी खैरो हेरोइनसहित पक्राउ परेका छन्।
०७-नोभेम्बर-२०२६ १०:१८ AM
राष्ट्रपति रामचन्द्र पौडेलले प्रथम महिला सबिता पौडेलसँग दक्षिणकाली मन्दिर पुगेर पूजाआजा गरेका छन्। उनले पुजारीबाट टीका र आशीर्वाद ग्रहण गरेका थिए।
०४-नोभेम्बर-२०२६ १२:४२ PM
भारतीय विदेश सचिव विक्रम मिश्री प्रधानमन्त्री वालेन्द्र शाहको प्रस्तावित भारत भ्रमणको तयारीका लागि काठमाडौं आएका छन्। उनले प्रधानमन्त्री शाहसँग भेट्ने कार्यक्रम छ।
०४-नोभेम्बर-२०२६ १२:०५ PM
काठमाडौंको सुन्दरीजलमा दुई मोटरसाइकल ठोक्किँदा सन्तोष ढुंगानाको मृत्यु भएको छ भने टीकाराम गुरुङ घाइते भएका छन्। ठक्कर दिने चालकले मादक पदार्थ सेवन गरेको पाइएको छ।
०३-नोभेम्बर-२०२६ १०:०१ AM
नागढुंगा सुरुङ मार्ग प्रयोग गर्ने सवारीसाधनबाट कात्तिक १५ देखि शुल्क उठाइने भएको छ। सवारीसाधनको वर्ग र यात्राको दिशाअनुसार ६० देखि ६०० रुपैयाँसम्म शुल्क लाग्नेछ।
२९-अक्टोबर-२०२६ १२:३७ PM
२०७२ साल असोजमा डोङ बालाजुमा भएको बस दुर्घटनामा संलग्न रहेको आरोप छ, जसमा तीन जना घाइते भएका थिए। घटनापछि उनी फरार भएको र त्यस क्रममा सुनिल तामाङको नाममा जारी भएको सवारी चालक अनुमतिपत्र प्रयोग गरेको पाइएको प्रहरीले जनाएको छ।
त्यस्तै, करिब तीन महिनाअघि मुलपानी क्षेत्रमा ट्राफिक प्रहरीसँग अभद्र व्यवहार गरेको घटनामा पनि उनी संलग्न रहेको आरोप छ। प्रारम्भिक अनुसन्धानअनुसार उक्त घटनामा उनले दावा तामाङको नाममा जारी भएको सवारी चालक अनुमतिपत्र प्रयोग गरेका थिए।
सोमबार त्रिपुरेश्वरमा भएको घटनामा भने डोङले दावा लामाको नाममा जारी भएको सवारी चालक अनुमतिपत्र प्रयोग गरेको प्रहरीले जनाएको छ।
घटनास्थलमा भेटिएको सवारी चालक अनुमतिपत्रका आधारमा प्रहरीले सुरुमा मृतकलाई दावा लामा भनेर पहिचान गरेको थियो। थप अनुसन्धानपछि उनको वास्तविक पहिचान अर्जुन डोङ तामाङ रहेको खुलेको प्रहरीले जनाएको छ।
डोङले दावा लामाको नाममा रहेको बैंक खाता र नागरिकता प्रमाणपत्रसमेत प्रयोग गरेको हुन सक्ने प्रमाण अनुसन्धानका क्रममा भेटिएको प्रहरीले जनाएको छ। अन्य व्यक्तिको नाममा जारी भएका परिचय तथा सरकारी कागजात प्रयोग गरेको आरोपबारे थप अनुसन्धान भइरहेको काठमाडौं जिल्ला प्रहरी परिसरले जनाएको छ।