काठमाडौं, अक्टोबर ९, २०२६ — नेपाली कांग्रेसको १५औँ महाधिवेशनअन्तर्गत नयाँ केन्द्रीय कार्यसमिति चयनका लागि मतदान सुरु भएको छ।
पार्टीको निर्वाचन समितिका सदस्य सचिव राजु कटवालका अनुसार मतदान दिउँसो ३ बजेसम्म जारी रहनेछ। महाधिवेशनमा सहभागी कुल ७ हजार ३१७ प्रतिनिधिले मतदान गर्ने अपेक्षा गरिएको छ।
बागमती प्रदेशका प्रतिनिधिहरू राष्ट्रिय सभा गृहस्थित मतदान केन्द्र ‘ए’ मा मतदान गरिरहेका छन्। कोशी, गण्डकी, मधेश, लुम्बिनी, कर्णाली र सुदूरपश्चिम प्रदेशका प्रतिनिधिहरू भने खुलामञ्चस्थित मतदान केन्द्र ‘बी’ मा मतदान गरिरहेका छन्। नेपाली जनसम्पर्क समिति र पार्टीका भ्रातृ संस्थाका प्रतिनिधिहरूले पनि मतदान केन्द्र ‘बी’ बाट मतदान गरिरहेका छन्।
आज मतदान सम्पन्न भएपछि मतगणना सुरु गर्ने तयारी गरिएको छ।
