नेपालगञ्ज, सेप्टेम्बर २३, २०२६ — लागूऔषध नियन्त्रणका क्रममा प्रहरीले मोटरसाइकल रोक्न खोज्दा नरोकेपछि हवाई फायर गरी १०३ ग्राम ७९० मिलिग्राम खैरो हेरोइनसहित २४ वर्षीय भारतीय नागरिकलाई नेपालगञ्जबाट पक्राउ गरेको छ।
पक्राउ पर्नेमा भारतको उत्तर प्रदेश, बहराइच जिल्ला, रुपैडिया, चकिया रोडका २४ वर्षीय नदिम राई रहेका छन्।
प्रहरीका अनुसार भारतको बहराइचबाट खैरो हेरोइन संकलन गरी लुम्बिनी र कर्णाली प्रदेशका जिल्लामा बिक्री गर्ने समूहको निगरानी गर्ने क्रममा लागूऔषध नियन्त्रण ब्युरो शाखा कार्यालय नेपालगञ्जबाट खटिएको टोलीले राईलाई नेपालगञ्ज उपमहानगरपालिका–१४ मा भारतबाट मोटरसाइकलमा नेपालतर्फ आउँदै गर्दा रोक्न खोजेको थियो।
प्रहरीले दिएको चेतावनीपछि पनि मोटरसाइकल नरोकेपछि दुई राउन्ड हवाई फायर गरिएको जनाएको छ। त्यसपछि राईलाई मोटरसाइकलसहित नियन्त्रणमा लिइएको प्रहरीले जनाएको छ।
खानतलासी गर्दा राईको साथबाट १०३ ग्राम ७९० मिलिग्राम खैरो हेरोइन बरामद भएको प्रहरीले जनाएको छ। प्रहरीले भारतीय नम्बर प्लेट UP40J0657 को मोटरसाइकल र एउटा मोबाइल फोनसमेत बरामद गरेको छ।
पक्राउ परेका राईलाई थप अनुसन्धान तथा कानुनी कारबाहीका लागि जिल्ला प्रहरी कार्यालय बाँकेमा बुझाइएको लागूऔषध नियन्त्रण ब्युरोले जनाएको छ।
काठमाडौंको तार्केश्वरमा दुई राउण्ड हवाई फायरपछि पक्राउ परेका ४१ वर्षीय बासुर्दिन मियाँको साथबाट प्रहरीले ३०० ग्राम खैरो हेरोइन बरामद गरेको छ।
१४-अक्टोबर-२०२६ ०१:२७ PM
सुनसरीको धरानमा दुई स्कार्पियो गाडीमा करिब २१० किलो गाँजा लोड गरिरहेको अवस्थामा प्रहरीले पाँच जनालाई पक्राउ गरेको छ। नियन्त्रणमा लिन प्रहरीले दुई राउन्ड हवाई फायर गरेको थियो।
०२-नोभेम्बर-२०२६ ११:०१ AM
बाँकेको जानकी गाउँपालिकास्थित अम्बे स्टिल कम्पनीमा विद्युत् सर्ट सर्किटबाट आगलागी हुँदा आठ जना घाइते भएका छन्। दुई जनालाई थप उपचारका लागि लखनउ पठाइएको छ।
०१-नोभेम्बर-२०२६ ०१:५८ PM
त्रिभुवन अन्तर्राष्ट्रिय विमानस्थलबाट १४ किलो थाई गाँजासहित दुई भारतीय महिला पक्राउ परेका छन्। उनीहरू थाइल्यान्डबाट मलेसिया हुँदै बाटिक एयरको उडानमार्फत काठमाडौँ आएका थिए।
२८-अक्टोबर-२०२६ १०:१२ AM
खुकुरी देखाउँदै अश्लील तथा डरत्रास फैलाउने टिकटक भिडियो पोस्ट गरेको आरोपमा सिरहाको गोलबजारका २१ वर्षीय महमद आशिक अन्सारी पक्राउ परेका छन्। प्रहरीले थप अनुसन्धान गरिरहेको छ।
१५-नोभेम्बर-२०२६ १२:३६ PM
सर्लाहीको बसन्तपुरमा घरमै सुतिरहेका ७० वर्षीय शुकदेव साह र उनकी श्रीमतीमाथि अज्ञात समूहले इँटा प्रहार गर्दा दुवै जना गम्भीर घाइते भएका छन्।
१४-नोभेम्बर-२०२६ ०३:५६ PM
ब्युरोका अनुसार लागूऔषध (नियन्त्रण) ऐन, २०३३ अन्तर्गत खैरो हेरोइनको कारोबारमा संलग्नलाई १५ वर्षदेखि जन्मकैदसम्मको कैद र रु. ५ लाखदेखि रु. २५ लाखसम्म जरिवाना हुने व्यवस्था छ।