स्याङ्जा, सेप्टेम्बर १७, २०२६ — स्याङ्जाको साविक छाङछाङदी गाविसमा १८ वर्षअघि गर्भवती महिलाको मृत्यु भएको घटनासम्बन्धी कर्तव्य ज्यान मुद्दामा एक जना प्रतिवादी पुर्पक्षका लागि थुनामा गएकी छन् भने अर्की ७५ हजार रुपैयाँ धरौटीमा छुटेकी छन्।
साविक छाङछाङदी गाविस–६ की सञ्जु लामिछाने रेग्मीको २०६५ असोज ३ गते गर्भवती अवस्थामा मृत्यु भएको घटनालाई लिएर कर्तव्य ज्यानसम्बन्धी मुद्दा दर्ता गरी अनुसन्धान अघि बढाइएको थियो।
प्रहरीका अनुसार सञ्जुका श्रीमान् कृष्णप्रसाद रेग्मी र शान्तिदेवी भण्डारीसहितले पूर्वयोजना बनाई सुई तथा औषधि खुवाएर उनको मृत्यु गराएको भन्ने जाहेरी तथा घटनासम्बन्धी विवरणका आधारमा अनुसन्धान अघि बढाइएको हो।
अनुसन्धान पूरा भएपछि मुद्दाका प्रतिवादीमध्ये छाङछाङदी बस्ने शान्ती भण्डारी र पार्वती भण्डारीलाई प्रहरीले २०८३ भदौ ४ गते स्याङ्जा जिल्ला अदालतमा पेस गरेको थियो।
जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक रमेश दत्त अवस्थीका अनुसार अदालतले भदौ ५ गते शान्ती भण्डारीलाई पुर्पक्षका लागि थुनामा पठाउने आदेश दिएको थियो।
अर्की प्रतिवादी पार्वती भण्डारीसँग अदालतले ७५ हजार रुपैयाँ धरौटी माग गरेको थियो। उनले अदालतले तोकेको धरौटी रकम दाखिला गरेपछि तारेखमा छुटेकी प्रहरीले जनाएको छ।
सर्लाहीको बसन्तपुरमा घरमै सुतिरहेका ७० वर्षीय शुकदेव साह र उनकी श्रीमतीमाथि अज्ञात समूहले इँटा प्रहार गर्दा दुवै जना गम्भीर घाइते भएका छन्।
१४-नोभेम्बर-२०२६ ०३:५६ PM
भक्तपुरको राधेराधेस्थित प्रजापति कम्प्लेक्सको पाँचौँ तलामा रहेको रेस्टुरेन्टमा आगलागी हुँदा लाखौँको क्षति भएको छ। घटनामा मानवीय क्षति भने भएको छैन।
१४-नोभेम्बर-२०२६ ०२:३५ PM
इलाममा खोल्सीमा मृत भेटिएकी ६६ वर्षीया जितमती लिम्बुको मृत्यु घटनामा संलग्न रहेको आरोपमा भारतबाट तिहार मनाउन फर्किएका ३२ वर्षीय त्रिभुवन भुजेल पक्राउ परेका छन्।
१४-नोभेम्बर-२०२६ १०:२६ AM
तिहारमा देउसीभैलो कार्यक्रमका क्रममा सार्वजनिक रूपमा अश्लील नृत्य गरेको आरोपमा रुपन्देहीको सिद्धार्थनगरबाट सल्यान, दाङ र गुल्मीका तीन महिला पक्राउ परेका छन्।
१३-नोभेम्बर-२०२६ १२:२९ PM
धनगढीमा मोटरसाइकल र स्कुटी ठोक्किँदा ३५ वर्षीया सुशीला बमको मृत्यु भएको छ। दुर्घटनामा अन्य पाँच जना घाइते भएका छन् र प्रहरीले अनुसन्धान गरिरहेको छ।
१३-नोभेम्बर-२०२६ १०:४९ AM
रुपन्देहीको लुम्बिनी सांस्कृतिक नगरपालिका–१० मा देउसी–भैलो कार्यक्रमका क्रममा सार्वजनिक स्थलमा अश्लील नृत्य गरेको आरोपमा प्रहरीले दुई महिलालाई पक्राउ गरी अनुसन्धान अघि बढाएको छ।
१२-नोभेम्बर-२०२६ ०१:२३ PM
मुद्दा अदालतमा विचाराधीन रहेकाले प्रतिवादीहरूमाथि लगाइएको आरोप अन्तिम फैसलाबाट प्रमाणित भइसकेको छैन।