काठमाडौं, ८ सेप्टेम्बर २०२६ — इन्टरनेट सेवा प्रदायक वर्ल्डलिंक कम्युनिकेसन्स लिमिटेडले बाढी तथा पहिरो प्रभावित नागरिकको राहत, उद्धार र पुनर्स्थापनाका लागि प्रधानमन्त्री दैवी प्रकोप उद्धार कोषमा १ करोड १ लाख रुपैयाँ सहयोग गरेको छ।
वर्ल्डलिंकका प्रमुख कार्यकारी अधिकृत (सीईओ) केशव नेपालले सोमबार अर्थमन्त्री डा. स्वर्णिम वाग्लेलाई भेटेर उक्त रकम हस्तान्तरण गरेका हुन्। कम्पनीका अनुसार हालैको विपद्बाट प्रभावित नागरिकलाई राहत, उद्धार तथा पुनर्स्थापनामा सहयोग पुर्याउने उद्देश्यले रकम प्रदान गरिएको हो।
हालैको बाढीका कारण वर्ल्डलिंकको नेटवर्क तथा पूर्वाधारमा समेत क्षति पुगेको कम्पनीले जनाएको छ। प्रारम्भिक विवरणअनुसार कम्पनीको आफ्नै संरचनामा करिब ३ करोड ५० लाख रुपैयाँ बराबरको क्षति भएको वर्ल्डलिंकले जनाएको छ।
पूर्वाधारमा क्षति भए पनि प्रभावित क्षेत्रमा इन्टरनेट सेवा लामो समय अवरुद्ध हुन नदिन बाढी आएको तीन दिनभित्रै नेटवर्क पुनःस्थापना गरी सेवा सञ्चालनमा ल्याइएको कम्पनीको दाबी छ। सडक, विद्युत् तथा अन्य पूर्वाधारमा क्षति पुगेको अवस्थामा पनि प्राविधिक टोलीहरू नेटवर्क मर्मत तथा पुनःस्थापनामा खटिएको वर्ल्डलिंकले जनाएको छ।
कम्पनीका अनुसार विपद्का बेला इन्टरनेट सेवा सूचना आदानप्रदान, उद्धार तथा राहत कार्यको समन्वय र आपत्कालीन सञ्चारका लागि महत्वपूर्ण हुने भएकाले प्रभावित क्षेत्रमा सेवा निरन्तर राख्न तथा शीघ्र पुनःस्थापना गर्न प्राथमिकता दिइएको हो।
चितवनको इच्छाकामना गाउँपालिका–४ स्थित घोप्टेभीरमा पहिरोका कारण पृथ्वी राजमार्गमा एकतर्फी यातायात मात्र सञ्चालन हुँदा दुईतर्फी आवागमन पुनः सुरु हुन सकेको छैन।
१२-नोभेम्बर-२०२६ १०:५६ AM
चितवनको इच्छाकामना गाउँपालिका–४ स्थित घोप्टेभिरमा सुक्खा पहिरो खसेपछि नौ घण्टा अवरुद्ध पृथ्वी राजमार्गको मुग्लिन–मलेखु सडकखण्ड दुईतर्फी सञ्चालनमा आएको छ।
०९-नोभेम्बर-२०२६ ०४:५७ PM
नेपाल दूरसञ्चार प्राधिकरणले स्वीकृत प्याकेज र महसुलसम्बन्धी नियम उल्लङ्घन गरेको भन्दै १४ इन्टरनेट सेवा प्रदायकलाई जनही ५० हजार रुपैयाँ जरिवाना गरेको छ।
१३-अक्टोबर-२०२६ ०३:०० PM
अर्थमन्त्री स्वर्णिम वाग्लेले अक्टोबर ५ मा वासिङ्टनमा विश्व बैंक अध्यक्ष अजय बांगासँग भेट गरी बाढी पुनर्निर्माण, सुधार र १ अर्ब डलर स्रोत परिचालनबारे छलफल गरे।
०६-अक्टोबर-२०२६ ०९:५० AM
म्याग्दीको ६ मेगावाट क्षमताको रेलेखोला जलविद्युत् आयोजना बाढीले बाँधमा क्षति पुर्याएपछि बन्द भएको छ भने पहिरोका कारण आयोजनासम्म पुग्ने सडकसमेत अवरुद्ध भएका छन्।
०२-अक्टोबर-२०२६ ०४:४२ PM
अर्थमन्त्री स्वर्णिम वाग्लेले दोहामा एआईआईबी अध्यक्ष जोउ जियायीसँग भेट गरी लगानी विस्तार, सहुलियतपूर्ण ऋण र बाढीपछिको पुनर्निर्माणमा सहयोग गर्न आग्रह गरेका छन्।
२८-सेप्टेम्बर-२०२६ ०४:०८ PM