काठमाडौं, ९ सेप्टेम्बर २०२६ — प्रधानमन्त्री बालेन्द्र (बालेन) शाहले गत २६ अगस्टमा रसुवामा आएको विनाशकारी भोटेकोशी बाढीपछि सरकारले अघि बढाइरहेको उद्धार, राहत तथा स्वास्थ्य उपचारसम्बन्धी कामको समीक्षा गर्न तीनवटै सुरक्षा निकायका प्रमुखसँग उच्चस्तरीय छलफल थालेका छन्।
प्रधानमन्त्री शाहले अहिले सिंहदरबारस्थित प्रधानमन्त्री तथा मन्त्रिपरिषद्को कार्यालयमा प्रधानसेनापति अशोकराज सिग्देलसँग भेटवार्ता गरिरहेका छन्। भेटमा बाढीपछि भइरहेको सरकारी प्रतिकार्यबारे विस्तृत जानकारी लिने तथा उद्धार र खोजी अभियानको प्रगति समीक्षा गर्ने विषयमा छलफल भइरहेको छ।
छलफलमा बाढी प्रभावित क्षेत्रमा जारी खोज तथा उद्धार, राहत वितरण र प्रभावित व्यक्तिको स्वास्थ्य उपचार तथा आकस्मिक सहयोगका विषय समेटिएका छन्।
प्रधानसेनापति सिग्देलसँगको भेटपछि प्रधानमन्त्री शाहले आजै नेपाल प्रहरीका प्रहरी महानिरीक्षक दानबहादुर कार्की र सशस्त्र प्रहरी बल, नेपालका सशस्त्र प्रहरी महानिरीक्षक नारायणदत्त पौडेलसँग पनि भेटवार्ता गर्ने कार्यक्रम रहेको छ।
उनीहरूसँगको छलफलमा बाढी प्रभावित क्षेत्रमा सुरक्षा निकायले सञ्चालन गरिरहेका खोज तथा उद्धार, राहत वितरण तथा आपत्कालीन प्रतिकार्यका गतिविधिको अवस्थाबारे समीक्षा हुने अपेक्षा गरिएको छ।
