धनगढी, २२ अगस्ट २०२६ — भूमि व्यवस्थापन, सहकारी तथा संघीय मामिलामन्त्री प्रतिभा रावलले भूमिसम्बन्धी समस्या समाधान सरकारको उच्च प्राथमिकतामा रहेको बताउँदै स्थानीय तहलाई यसका लागि पूर्ण सहयोग गर्न आग्रह गरेकी छन्।
शनिबार धनगढी उपमहानगरपालिकामा आयोजित कार्यक्रममा मन्त्री रावलले भूमिहीन परिवार तथा अव्यवस्थित बसोबासीलाई जग्गाधनी प्रमाणपुर्जा वितरणका लागि आवश्यक सहजीकरण र समन्वय गर्न सरकार पूर्ण रूपमा तयार रहेको बताइन्।
उनले अन्य स्थानीय विकासका कामसँगै भूमिसम्बन्धी समस्या समाधानलाई पनि उच्च प्राथमिकता दिन धनगढी उपमहानगरपालिकालाई आग्रह गरिन्।
यसअघि कैलाली भूमि समस्या समाधान समितिसँगको छलफलमा मन्त्री रावलले सरकारले ६०० दिनभित्र जग्गाधनी प्रमाणपुर्जा वितरण गर्ने लक्ष्यसहित लक्षित योजना अघि बढाइरहेको बताएकी थिइन्।
उक्त लक्ष्य पूरा गर्न आवश्यक स्रोतसाधन तथा जनशक्ति सरकारले उपलब्ध गराउने उनको भनाइ थियो। कार्यक्रम प्रभावकारी रूपमा कार्यान्वयन गर्न स्थानीय तहबाट आवश्यक सहयोग हुनुपर्नेमा पनि उनले जोड दिइन्।
