रसुवा, सेप्टेम्बर १७, २०२६ — भोटेकोशी नदीमा आएको बाढीपछि चिलिमे जलविद्युत् केन्द्रभित्र फसेका पाँच कर्मचारीको शव पहिचान गरी बिहीबार सम्बन्धित परिवारजनलाई हस्तान्तरण गरिएको छ।
चिलिमे जलविद्युत् कम्पनीका प्रबन्ध निर्देशक बाबुराजा महर्जनका अनुसार मृत्यु हुनेमा इन्जिनियर सन्तोष पाण्डे, इलेक्ट्रिक सुपरभाइजर मीनराज मोक्तान, चौकीदारद्वय श्यामबहादुर थापामगर र तिलकबहादुर थापामगर तथा नेपाल विद्युत् प्राधिकरणका कर्मचारी लाक्पा तामाङ रहेका छन्।
महर्जनका अनुसार उनीहरूको शव बुधबार अपराह्न सुरुङको बाहिरी भागबाट करिब १५० मिटरभित्र रहेको कन्ट्रोल रुम क्षेत्रमा फेला परेको थियो।
केन्द्रभित्र फेला परेका शव नेपाली सेनाको हेलिकप्टरमार्फत नुवाकोट लगेर परिवारजनलाई हस्तान्तरण गरिएको उनले बताए।
उद्धार तथा खोजी कार्यमा नेपाली सेनाका बाहिनीपतिको कमाण्डमा भारतीय सेना, सशस्त्र प्रहरी बल र नेपाल विद्युत् प्राधिकरणका कर्मचारी परिचालित भएका थिए।
बाढीले चिलिमे जलविद्युत् केन्द्रमा ठूलो क्षति पुर्याएको छ। महर्जनका अनुसार भोटेकोशी नदीको सतहभन्दा करिब २० मिटर उचाइमा रहेको सुरुङभन्दा करिब ८५ मिटर माथिसम्म बाढीको पानी पुगेको थियो।
प्रधानमन्त्री बालेन शाहले रसुवाको भोटेकोशी बाढीपछि उद्धार, राहत र स्वास्थ्य उपचारको समीक्षा गर्न प्रधानसेनापति अशोकराज सिग्देलसहित तीनवटै सुरक्षा निकायका प्रमुखसँग छलफल थालेका छन्।
०९-सेप्टेम्बर-२०२६ ०१:१२ PM
भारततर्फ जाँदै गरेका बर्दियाका दुई युवतीलाई मानव बेचबिखनको सम्भावित जोखिम र सुरक्षाबारे जाँचबुझ गर्न सशस्त्र प्रहरीले गड्डाचौकी सीमा नाकाबाट नियन्त्रणमा लिएको छ।
१५-नोभेम्बर-२०२६ १०:४८ AM
काठमाडौं–सर्लाही चल्ने माइक्रोबस बिहीबार मकवानपुरको चिसापानी गढीमा सडकबाट खस्दा १० जनाको मृत्यु भएको छ भने १५ यात्रुमध्ये पाँच जना घाइते भएका छन्।
१२-नोभेम्बर-२०२६ १०:२० AM
रसुवाको स्याफ्रुबेँसीमा बाढीले बगाएको काठेपुल तीन दिनको प्रयासपछि पुनर्निर्माण गरिएको छ। पुल सञ्चालनमा आएसँगै दुई गाउँपालिकाका बासिन्दालाई पैदल आवतजावत सहज भएको छ।
१०-नोभेम्बर-२०२६ ११:०२ AM
डाँका चोरी मुद्दामा सात वर्ष कैद भुक्तान गरेका पूर्वसशस्त्र प्रहरी जवानसहित तीन जना काठमाडौँ र भक्तपुरमा १३२ ग्रामभन्दा बढी खैरो हेरोइनसहित पक्राउ परेका छन्।
०७-नोभेम्बर-२०२६ १०:१८ AM
काठमाडौंको विश्राम गेस्ट हाउसबाट १२० ग्राम ब्राउन सुगर बरामद भएपछि सशस्त्र प्रहरीले पाँचथरका सुन्दर राई र रविना राईलाई पक्राउ गरेको जनाएको छ।
२७-अक्टोबर-२०२६ १२:३९ PM
बाढीले सुरुङ पुरिनुका साथै ११ मेगावाट क्षमताका दुईवटा टर्बाइनसहित केन्द्रका सम्पूर्ण संरचना ध्वस्त भएको उनले जानकारी दिए।
यसैबीच, रसुवाका प्रमुख जिल्ला अधिकारी कमलप्रसाद पाण्डेले जिल्लामा खोज तथा उद्धार र राहत वितरणको काम जारी रहेको बताएका छन्।
उनका अनुसार बाढीबाट भएको क्षतिको विवरण सङ्कलन गर्न एक महिनाको समयसीमासहित कार्यादेश दिएर २५ सदस्यीय समिति गठन गरिएको छ।
नदीमाथि तुइन तथा फड्के निर्माण गरिएपछि प्रभावित क्षेत्रमा आवतजावत सहज भएको पाण्डेले बताए।
बाढीपछि फैलिन सक्ने हैजा तथा अन्य विपद्जन्य महामारीको रोकथामका लागि आवश्यक औषधि र जनशक्तिको व्यवस्था गरिएको पनि उनले जानकारी दिए।